السسسسسسسسسلام عليكم ورحمة الله وبركاته

هلا وغلا أخوانني المنتخبيين <=== مسوي وطني


معليش ترا أليسا تسلم عليكم كثير السلام وتقول ماتقدر تجي التحيل اليوم ... مشغولة

عاد مالكم الا ابوساري .... منحيني أطلق من أليسا ... المهم مالكم بالطويلة




بصراحة المباراة فلة

ياناس أحسن شي بالمباراة إني حزنت ثم فرحت ثم فرحت قوّة ثم ضاق صدري قوّة ..

صار فيه تقلبات بالمشاعر عندي ... اشتهيت شاهي ثم فجأة شربت ماء وضيّعت أبو كل شي


ولكن خلوني أقولكم وش شعوري من بداية المباراة لين النهاية <=== يقطع أبو الاسلوب التكتيكي <== متأثر بالمونديال


أول مابدت المباراة ... كنت أنا وشلّة من الأقارب والأصدقاء نتابع المباراة ... بحكم القطية على الاشتراك

وكان بجنبي واحد الله يهديه كل شوي يقول أففففففففف .. وش ذا .. ناول .. شت .. رجع .. قدم ...

وأنا كل شوي أناظره بطرف عين يعني أفهمها يابو الشباب وكل هذاك


وطق طق .. وخذ هدف تونسي ... ويقعد يقول كلمات جارحة ومهب زينة أبد <=== ماوده يقول شسمه ذا يخاف يشطبون على نكه

المهم قلت لهم شوفوا .. ترى المنتخب موب سهل أبد الأبدات .. اصبروا عليه بس وقت لين تجيهم ثقة ...



وخلص الشوط الأول ... وأنا ضايقن صدري كما اسلفت سابقا ...

ويوم بدأ الشوط الثاني ..

وأشوف المنتخب تغير 180 درجة مئوية ...

لعب وتركيز ... ومهارات ... قلت بس ... بيجيبون التعادل .... وطق طق والا التعادل جاي ...

عاد جابه أبو قحط ... يالبى قلبه ياناس ... وأنا اللي أنقز واقول يااااااااااااااااااااااااااه .. تعرفون مونديال لازم نصير كشخة

والله ياهو برّد تسبدي بهالهدف لأنه ملعوب ومتكتك وياسر أثبت أنه لاعب كبير ...


وخذ يالعب من المنتخب بهالشوط ... ومن كورة خطيرة لكرة أخطر ..

لين لعب سامي ومالك معاذ ..


أنا معجبني لعب مالك معاذ ياناس ... هاللاعب صغير وخطير ....

وأبو عبدالله عاد مايحتاج ... لاعب خبرة بغض النظر عن لياقته ومرونته اللي فقدها ...

الا انه لاعب يتمركز صح ويشوت صح ويمرر صح ... يعني كبيييييييييير ابو عبدالله ...


ويوم جاء الهدف الثاني ... شف وش سوى ابوساري ..

والله يانا فرحت وخمّيت اللي بجنبي تحلف هو اللي جايب الهدف ...




بس القهر ... هدف التعادل اللي ماله داعي ...

يعني يحرق الهدف لأنه جاء بارد مبرّد ...

موب غلطة دفاعية .... هذا تخاذل دفاعي ... لاعب يتمغّط ويالله يمشي ولا كأن اللاعب داخل الثمانطعش ...

والكورة تمررت بدون ماحد يضايق ... ولعبها بالراس تقل يتمرّن ... ومبروك الكورة جنبه ماتكلّف يردها ...

الله يخلف على دفاعنا ... إعاقة مزمنة وربي ...




بالرغم من التعادل الشبيه بالخسارة ...

الا ان المنتخب قدّم مستوى جميل جدا الشوط الثاني ....

وبإذن الله مباراة أوكرانيا مايتخاذلون اللاعبين ويستبسطون المباراة ..

لأن الأربعة اللي وصلت أوكرانيا بتكون حافز لأوكرانيا يمسحون هالصورة عن منتخبهم بأربعة بمنتخب ثاني

لو نطلع بالتعادل من هالمباراة يكون شي جيّد ...

لأن أسبانيا بإذن الله تكسب تونس ... وهي بتكسبه ...

عشان كذا المباراة الاخيرة مع السعودية راح يلعبون بلاعبين الرديف ...

وهذا من حظنا نطلع بالثلاث نقاط .... إن شاء الله




نقاط من اللقاء <=== أما اللقاء أحسن اني مصري يوم أقوله


# - نواف موب بمستواه اللي عرفناه ... غايب كليا عن المباراة .. لاتسديد ولا غيره ... اللي سوى كوبري بس ...

# - عزيز قدم مباراة كبيرة ... أضمن لكم إن شاء الله أوروبا بعد المونديال ... بالتوفيق يارب

# - الدوخي قدم مستوى طيب ... لكن مشكلة الدوخي الأزلية هي العرضيات مايدبرها ...

# - تكر ومنتشري نكبات .. إلى متى ياناس نخسر بأخطائنا ..؟؟

# - عبدالغني والغامدي لياقيا كان مستواهم ثابت .. وقدموا مباراة حلوة ..

#- القناص جاب هدف عالمي ... وعالمية الهدف بتمركزه لحاله وصعوبة الهدف لأنه ماكان مواجه المرمى .. كبير ياياسر

# - مالك معاذ وسامي ثنائي متفاهم ... ومباراة توقو اللي قبل تثبت هالكلام ...

مالك فنان وسريع وقدمه قوية ... وسامي خبير ويعرف يتمركز ويعرف يصنع الهدف حتى لو ماسجل ...

صدقوني هذا الهجوم اللي أبيه بالمنتخب .. أتمنى مالك وياسر قدام وخلفهم سامي يمول كور ... صدقوني بنشوف أهداف

# - مبروك زايد قدم كل شي ... ولكن بالأخير خربها هو والدفاع

# - محمد أمين .. هاللاعب أفضل من نواف ونور حاليا ... أتمنى من باكيتا يلعب بالمستوى وليس بالأسماء

ماضيّعنا الا الاسماء ...

# - المنتخب كله حلو أمس ولكن الحظ وعدم التوفيق سبب الخسارة ...


# - باكيتا ... ذكي كنت ومازلت ...







تحياتي أبوساري