07/06/2006, 10:54 PM
|
زعيــم فعــال | | تاريخ التسجيل: 06/07/2005 المكان: شقراء
مشاركات: 207
| |
المفروض ان اللاعبين السعوديين محترفين من زمان لكن فيه أسباب كثيرة أبعدتهم عن الإحتراف وأبذكر لك أهمها:
أولا: عدم وجود سمسار للاعب وحريص على مصلحته.
عندك فيذا أغلب السماسرة همه انه يجيب لك هاك اللاعب من افريقيا ولا البرازيل ويوري النادي كم لقطة مصورة له ومجمعة من عشر سنين في شريط واحد ويقضب دراهمه وبس.
ما فكروا يوم من الأيام إنهم يسوون العكس.
ولا بالله جيلسون هالكمخة ولا ديسلفا راح يكونون أحق من الصويلح والعنبر في الإحتراف!!
ثانيا: عندك لاعبيننا وإداراتهم مايبون إلا الدوري الأوروبي سيدا. وبعضهم يتدلع زود ويقول ما أبي الا مانشستر وبرشلونه وخلافه.
أنا ما أقول إن اللاعبين يروحون ويحترفون في تايلاند ولا موزمبيق. بس على الأقل فيه دوريات معقولة ومقاربة للدوري السعودي وبعضها أفضل.
على سبيل المثال الدوري الياباني, اليوناني, الروماني, الأسترالي,التركي,الإماراتي,التونسي,الأوكراني, الروسي وفيه غيرها كثيير.
ثالثا: مافيه تسويق للاعب السعودي.
أبضرب لك مثال قريب هنا. شف اللاعب طارق التايب وشلون أنكبوا عليه ربعنا. ترا بدايتها أذكرها إنه جاء واحد ليبي وطرح موضوع إحترافه هنا. وبعدها رد عليه واحد أثنين وجاء بعدهم الباقي.
المفروض ان لاعبينا مكتسحين الخليج بالإحتراف لو سووا هالطريقة لكن ماعندك أحد.
أنا ما أقول إنه يؤخذ نجوم الفريق الأول. لكن على الأقل النجوم المتوسطين أو نجوم الدرجة الأولى على الأقل.
هذا بالنسبة للإحتراف عامة.
لكن بالنسبة لكأس العالم أحس إن ياسر ومالك معاذ هم الأقرب للإحتراف
وأتوقع لو رجع المنتشري لمستواه راح يكون معهم خصوصا أن أفضل لاعب اسيا راح تخدمه وتسلط الأضواء عليه كريمي واللاعب الياباني اللي خذوا افضل لاعب اسيا أفضل مثال على هالشيء |