|
الأخ العزيز العوام ، شكراً لتميزك في أسلوب الحوار. آمل أن تعذرني على عدم الرد على تعليقك في الوقت الحاضر وذلك لانشغالي الشديد وبعدي عن الجهاز،ولكن أعدك بتقديم ما يسرك ويطيب خاطرك هذه الليلة،وتوضيح موقفي من المنتقدين والمتعاطفين مع الكابتن الخلوق المصيبيح وأعدك بوضع النقاط على الحروف رغم أن معظم كلماتي لا تحتوي على حروف!!. تحياتي لك وللجميع وموعدنا الليلة إن شاء الله. |
العواممممممممممممم رائع الاخ العوام رائع جدآ جدآ . مسكين يافهد ( ليش مادورتلك عراف وسالته ) العامودي بتجيه اصابه والا ( لا ) |
مع التحية والتقدير الاخ العزيز/ ابو يعقوب وبس ..المحترم اقولهاوبكل أمانة ولن تأخذني في الله لومة لائم:ان الذي يعتدي بالكلام بالغمز او اللمز على الاستاذ فهد المصيبيح مدير الكره هو ناكر للجميل وانسان حاقد على شخص كانت له جهود كبيره وجباره على النادي ,هذه خلاصة حملة التشكيك التي تدار ضد فهد المصيبيح التي معروفة اهدافهاالخبيثه. الاخ الفاضل/ ابو بدر ..الموقر. مع اجل التقدير والعرفان والامتنان لمقامك الكريم, اشكر مشاعرك الجميلة مع انها هي الحقيقة التي لا يجب ان لا تحجب.. الاخ العزيز/ العوام المحترم.. نحن في أخر الزمان الذي يكون فيه تعدادناكري الجميل والمعروف مثل تعداد الرمل,والشاكرين الذاكرين للمعروف تعدهم بالاصابع,,,, والله على ما اقول شهيد,,,,,, |
الاخ تركي الكبير ... حبي لابو يعقوب ليس غريب .. فأنا احب ابو يعقوب واحب سامي واحب فيصل وقبل هذا وذاك احب الهلال ..... ماادري وش المشكله في حبي لابو يعقوب .... وليش حبي لابو يعقوب افقدني صوابي على قولتك ؟؟ بعدين الله يهديك تقولي الثقل زين ... شايفني مهبول ؟؟ === === === === === الاخ العوام ... ليش فيصل في اجازه ؟؟؟ ليش يتمشى في باريس على قولتك ؟؟؟ من الي وصّل فيصل لهالحاله ؟؟؟ من تعتقد بالله ؟؟؟ بعدين هالانجازات الي انت تتكلم عنها .. الكل فيها تعاون والمصيبيح ماله الاّ دور هامشي فيها .. وحاله حال غيره كما قلت لك سابقاً . نظام ؟ :) :) ياخي اضحك اذا تكلمت مع واحد عن المصيبيح وقالي نظام ..... الله يرحم والديكم ترانا في نادي ولسنا في شركة .. يعني امور دقة الكرت والحركات ذي قديمه ... وعلى قولة فيصل ابو ثنين .. يقول مفروض النادي يجيب الآله الي يستخدمونها الشركات بدال مايكرفون المصيبيح :D وش الشلليه الي انت تتكلم عنها ؟؟ ابغاك تعلمني وبالتفصيل الممل الله يخليك .... ابغى أعرف من وين جبت الكلام هذا انت وبعض الاعضاء ... الظاهر انكم تسمعون بذا الكلمه من خلال الصحافه وترددونها وبس ! === === === === === kask ... اضحكتموني اضحك الله سركم ... :) اجل ناكر للجميل هاه ؟؟؟ الله يصلحك بس ... هالحين الا انتقد الواحد صار ناكر للجميل وحاقد !! ؟؟ كلام غريب ياناس .. بعدين اي جهود جبارة الي تتكلم عنها .. ياخي المصيبيح حاله حال منصور الاحمد ... وسلطان بن نصيب سابقاً والنعيمه سابقاً يعني بالعربي لاجديد :) بعدين انت تتهمني الآن ان لي أهداف خبيثه من انتقاد المصيبيح .... الله اكبر عليك ياشيخ ... يعني يا أمدح المصيبيح .. ولاّ أصير حاقد ومندس وناكر للجميل ولي أهداف خبيثه !! لا ياخي .. انا ابنتقد ... وابمدح .. وابسوي الي انا احس انه بمصلحة الهلال ... ولا يقدر يمنعني احد .. بمجرد اني ماغلطت على أحد فانا موقفي سليم ..... لكن انت بطريقتك هذي قاعد تتهجم عليّ وتتهمني بتهم مالها أساس من الصحه . |
الأخ أبوبدر, قد يكون تأجيل المباراة فيه خير للهلال وللمدرب حيث يسعفه الوقت لتجهيز تركي القحطاني!!! أوغيره... فلا تتوقع دخول عبدالله المطرف لأن المدرب وللأسف لا يشركه الا في أواخر الوقت من المباريات. اظن الموضوع أخذ منحنى آخر غير الذي نريده فالأعضاء تركو صلب الموضوع وأخذو يتكلمون عن انجازات المصيبيح الذي مللنا من سماعها وأخشى أن تسبب ابتعاد بعض الأعضاء عن المنتدى. تقبل تحياتي أبوبدر... ويظل كلامك رائع. |
تحياتي ,,, هلا اخوي ابو يعقوب وبس ,,, يعني ياغالي اسئلتك بصراحه صعبه وسهله في نفس الوقت !!! ليش فيصل في اجازه ؟؟ هذا صعب جدا ماضنتي له اجابه مؤكده لكن ممكن اخمن لك ... فيصل ياغالي يمكن تضايق من التمارين ومن ضغط المباريات الكثيره اللي لعبها فقال اخذ اجازه ارتاح !! ليش يتمشى في باريس ؟؟ هذا سؤال سهل , اكيد علشان الجو هناك ابرد من عندنا ( شوي ) :):) من اللي وصل فيصل لها الحاله ؟؟ ومين اعتقد ؟؟ هذا سؤال مبهم !!!والاجابه عليه بتكون مستحيله , فاللي اعرفه ان الواحد إذا راح يتمشى تكون حالته النفسيه زينه ومرتاح وماعنده إلتزامات !! وعلشان فيصل ماعنده إلتزامات طلب إجازه ( وبدون راتب ) وراح يتمشى واخر همومه الهلال وجمهور الهلال :(:( النظام , ليش تضحك ياغالي إذا تكلمنا عن النظام , انت ما تدري ان الامور تغيرت والانديه صارت شركات بعد نظام الاحتراف وان اللاعبين صارو موظفين لازم يلتزمون بجدول ( عملي ) معين ولازم يطبقونه تطبيق كامل ابتداء بالحضور وانتهاء بمغادرة الملعب هذا (( نظام )) , وعلى فكره ترى هذي احد اسباب الهجوم العنيف ضد ابومحمد , الجماعه ما يسايرون الوقت ولا يتعاملون مع نظام الاحتراف كما يجب ويبون الامور تمشي بالبركه !! الشلليه , غريبه انك ماتعرف شيء عنها ولا سمعتها قبل كذا , عموما اذا تبي تعرف اكثر ( إرجع لما قبل 1419هــ ) وانت بتعرف!!!!! اما عن الانجازات فأنا ماقلت انه هو انجز وانه هو اللي له الفضل انا قلت انه (( ساهم )) ومعنى هالكلمه انه له دور في الانجازات اللي حصل عليها الهلال واللي انا متأكد منه انه ماهو دور هامشي ابدا ابدا ,,, عموما يعطيك الف عافيه والاهم اننا نطلع فهد المصيبيح من الحفره اللي حفرها له أُناس همهم ليس ( تميز ) الهلال بل الاهم عندهم هو تصفية حسابات شخصيه بينهم وبين فهد , وعلينا كجمهور هلالي ان ننتبه ونعي الامر كما يجب ولا (( ننجرف )) وراء ما يردده هؤلاء الناس , وأن نبقى هلاليين همنا الاول والاخير هو الهلال ورجال الهلال . تحياتي ,,, العوّاااام ,,, |
اخوي ابو بدر: المصيبيح ليس هو من تسبب في اصابة العمودي ولا يستطيع ان يفرض رايه على المدرب وبعدين اصلاااا من اللى يبي يلعب مكان العمودي مافيه وصدقني لو هزم الهلال من الاتفاق لكنت انت اول المنتقدين للمصيبيح الاخ العوام: يحسب لك دفاعك المستميت للمصيبيح مادري اخوي يقرب لك المصيبيح ؟؟؟؟؟؟؟؟؟؟؟؟ ولكن ليس بمثل هذا الااسلوب الساخر ترى الرجال ما اخطاء |
:mad: بصراحة ماني معاكم ياأخوان صار كل شي وكل خطأيتحملة المصيبيح وكأنة هو المتصرف الوحيد بشؤون النادي وكأنة ليس هناك مدرب ولا ادارة فبصراحة الكابتن فهد المصيبيح أفضل اداري مر على الهلال واتركوة يا جماعة يعمل بهدوء وياأخ العوام أقولك راجع نفسك:mad: |
تحياتي ,,, هلا اخوي الذئب الازرق ,,, لا والله ياغالي ما يقرب لي المصيبيح ولاعمري قابلته وجه لوجه ,,, وبعدين تراني ماأخطيت انا بعد , يعني انا جاوبت على الاسئله فقط لاغير وش فيه الاسلوب ؟؟؟ الزعيم 2001 ,,, اراجع نفسي ؟؟؟ يعني اغير اقوالي !!! او قصدك اغير اسلوبي ؟؟ الاسلوب ما اعتقد ان فيه ( كلام ) غير لبق اوغلط على احد من الاخوان وإذا انتم ملاحظين شيء غلط او فيه تعدي عليهم فياليت توضحون لي علشان اقدم اعتذاري فورا لمن اخطأت في حقه ,,, المطلوب ياإخوان شيء بسيييييط جدا وهو ان نتجاوز هذا الامر وننتهي من قصه بدأت بظلم وستنتهي بظلم , ولا أخالكم ظالمين او تدافعون عن الظلم او على الاقل ( تفضلونه ) ,,, العوّاااام ,,, |
الأخ العزيز العوام بعد التحية، أسف على عدم ردي على استفسارك البارحة،ولكن قررت عدم الخوض في موضوع المصيبيح،بعدما اطلعت على ردود الأخوة حول الموضوع من جهة،ومن جهة أخرى موضوع الكاتب صالح السليمان والذي اعتبره الموضوع الأخير،وهو بمثابة التوصيات لهذا الموضوع،وأنا مؤيد للأخ صالح السليمان فيما قاله،وأتمنى الرجوع إلى الموضوع وتقريب وجهة نظرك مع وجهة نظر السليمان والتي اعتبرها موضوعية جداً،بخلاف ردك والذي أشرت أنا بأنه يفتقد للموضوعية،تحياتي لك بالتوفيق والنجاح. أرجو من الأخوان إقفال الموضوع الخاص بالمصيبيح والتوقف عند موضوع الكابتن صالح السليمان والذي وضع فيه النقاط على الحروف، رغم أن الموضوع مجمله بدون حروف فهو واضح وضوح الشمس. والله أعلم وللجميع مرة أخرى التوفيق. أبونــــــــــــــواف |
وش دخـــــــــــــــــــــــــــــــــــــــــــــــــــــــــــــــل المصيبيح ابي افهم:confused: :confused: :confused: :confused: :confused: :confused: :confused: :confused: :confused: :confused: :confused: |
الاخ العوام ... ياخي العزيز ... استغرب ان ردودك فيها سخريه !! ماادري هل انت تحاول تكتب باسلوب السخريه لقلة الحجج ام ماذا ؟؟ |
تحياتي ,,, هلا اخوي ابو يعقوب وبس ,,, ليه ياغالي تعتبر ( بعض المزح ) سخريه , يعني ردي كان من 10 او12 سطر , , سطر او سطرين من الرد كانو مزح والباقي كان كلامي جد وفيه رد وافي على كلامك , وعلى اسئلتك , وبعدين في العاده ان المهاجم هو اللي يبرز الحجج والمدافع هو اللي يفندها وعلشان اللي هاجم فهد قام يستنجد بناس على امل انه يثبت الحجه والدليل لكن ماقدر !!! عموما انا متأكد ان جميع من هاجم فهد لايملك لا حجه ولا دليل ضده وبكذا يصير فهد بريء ,,, اخوي ابو يعقوب في الاخير اعيد كلامي السابق وهو: إقتباس:
تحياتي لك ,, العوّاااام ,,, |
انت الآن تدعي اني أنا أهاجم فهد المصيبيح !! اخوي العزيز .. انا ماهاجمه بقدر ماانا انتقده واحاول انا والناس الي مثلك وشرواك توجيهه للطريق السليم والرجال شي طبيعي راح يكون عليه أخطاء ولا وش تعتقد انتقاده من أكثر من لاعب .. !! هل هو لمجرد الشهره أم لتصفية حسابات شخصيه ام ماذا ؟ تعتقد ان فيصل ابو ثنين بحاجة شهره ؟ تعتقد ان فيصل ابو ثنين لاعب عادي ؟؟ لا لا لا والف لا ... فيصل من أفضل لاعبين الهلال ( حالياً ) ولاعب يستحق كل الاحترام .. هل تعتقد انه ينتقد المصيبيح بدون أسباب مقنعه ...... ولاّ هذي حرام بعد ... اذا كان الانتقاد مرفوض ..... ماهي الديمقراطيه الي تتكلمون عنها إذاً ... ولاّ كلام منتديات وجرايد وبس . * عموماً اخوي اتمنى ان تكون ردودك ( معي ) في المستقبل خاليه من السخريه ... ترا مهوب أي شخص تقدر تمزح معه حتى لو كانت سطرين . مشكور |
تحياتي ,,, هلا اخوي ابو يعقوب وبس ,,, انت الظاهر تتوقع اني اقصد ابو ثنين يوم قلت تصفية حسابات شخصيه !!!!!!!!!!!! لا ابدا لا ابوثنين ولا السلومي لهم علاقه , هؤلاء جسووور فقط لاغير ,,, اخي شكلك ماتابعت القضيه من بدايتها ولا تعرف عن خفاياها شيء ابدا ابدا ارجو منك ان تروح لموضوع السليمان وتقرأ بعض الردود هناك وستعرف لماذا نتكلم عن تصفية حسابات شخصيه وماذا نقصد بهذا القول ,,, وتبي اقرب لك المسافه اذهب الى رد الاخ VIP وتراه قال الكلام اللي اقصده واللي مخليني ادافع عن فهد وارفع خشمه عن التراب ( الله يكرمك ) ,,,, لا تستعجل ولاتضن شيء , إذا عندك معلومات قلها وإذا ماعندك ياليت تتحرى الدقه في القول , واعتقد ان الامور بعد موضوع السليمان بانت واتضحت للي ماعنده فكره عن شيء ,,,, |
| الوقت المعتمد في المنتدى بتوقيت جرينتش +3.
الوقت الان » 02:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd