|
أحسن شئ بالمباراة أمس هو.... يا شباب وش رأيكم باللاعبين أمس مع التشيك أنا أقول إن اللي لعب زين هو لاعبين الوسط بدون استثناء والقحطاني والخثران البقية كومبارس الدليل قلوب الدفاع ضرب بطرة واحدة حتى المنتشري وقف لم يحرك أي من قدميه الدوخي خانته اللياقة في آخر المباراة حسونة يبي يكحلها أعماها يبي يهجم والمدافع واقف وراه لكنه أحسن تغيير لأنه كشف المستوى الحقيقي والانتظام التكتيكي داخل المباراة كلها ولسنا مثل لعب الحواري يا حسين خوجه عالي عالي فوووووق |
صحيح الافضل بالترتيب الخثران القحطاني خوجه التمياط نور كريري وعزيز |
احسن شي في المباراه هو لعب المدرب بخطة 4 - 5 - 1 رغم فلسفة راعي الخطط المحيوسه |
بصراحة مستوى امس رائع جدا وبدع فيه المنتخب من زمان ماشفنا مثل ذا المستوى لاكن باقي الدفاع لازم نشوفله حل خصوصا تكر النكبه مصرقع شطف من هنا ... |
انا اشوف انه احسن شي بالمباراه هو تطور المستوى التكتيكي عند اللعيبه |
قسم بالله ردود تفتح النفس .. من جد خلونا نفتك من الناس المتشائمين بعد المباراة كلن يقول المنتخب سيئ والمفروض مانروح كاس العالم . نعنبو ابليسك جالسسين نلعب قدام التشيك .. يعني الحمدلله في جمهور كثير واعي خاصة في هالمنتدى .. المستوى امس رائع والله خاصة الشوط الاول وافضل مافيه سحبة ياسر الي عادها المخرج النمساوي ... ويكفي ان نيدفيد علّق وقال اعجبني الاعب رقم 20 لوول |
الصراحة بكل حيادية وبدون تعصب الي بدع في مباراة التشيك هو محمد نور والقحطاني ويجي بعدهم المحاور كلهم ممتازين والحارس خوجة مستواه طيب بالرغم من الهدف الاول كان ممكن يصدها لو ركز على الكورة اما اسوء اللاعبين اداءا هو الدوخي وبعده تكر وبعده نواف !!!! ويمكن نواف معذور لان المدرب ملعب نور محله وحاطه في اليسار وكذا قتل حركت نواف والجهة اليسرى كانها مشلولة تماما ولكن بعد دخول الشلهوب تحركت الجهة اليسرى وحتى الخثران بدأ يطلع للامام لتفاهمه مع الشلهوب اما البدلاء فالابرز بكل امانه هو مالك معاذ لاعب ممتاز وسريع جدا ومهاري بس لو يركز بالتمرير شوي امين يمكن دخول كان يضيف شيء لو لم يكن بدلا عن نور على العموم المستوى كان طيب بس كالعادة اخطاء فردية تتسبب باهداف تافهه فينا ولاحظوا جميع المبارايات الودية لازم كل مباراة يطلع واحد بخطأ غريب ويتسبب بهدف فينا لازم يركزون اللاعبين في الخطوط الخلفية لان اخطأهم في المونديال تعني اهداف وبعد كذا خروج مبكر من البطولة اما الشيء الثاني وهو ضياع الفرص السهلة مثل هجمة كريري ونور والي لو تعاملوا معاها صح كان ممكن نسجل اكثر من هدف ولازم ينتبهوا للنقطة هذه اننا في كاس العالم الفرق الي بنلعب معها جاهزة تماما والفرص الي ممكن تجينا حتكون قليلة ويمكن نادرة فلو ضيعنا فرصة او ثنين يعني خلاص المباراة كلها ضاعت من يدنا لازم نستغل اصغر واصعب الفرص للتسجيل والشيء الاخير هو ان لاعبيننا لا يبرزون مواهبهم الفردية مع انهم عندهم مهارات بس ما نشوفها وكانهم خايفين من الخصم ونشوف تمريرات كثيرة خاطئة وتشتيت للكورة من اي مكان حتى لو مافيها خطورة وبعض الكور العرضية الي ما تروح الا لحارس الخصم اخطاء لازم يتنبهوا لها الان وباقي لهم اخر تجربه مع تركيا وبعدها خلاص مافي مجال للاي اخطاء زي هذه لازم نكون جاهزين 100% لان مالهم اي عذر باي تقصير فكل شيء موفر لهم بالتوفيق لهم باذن الله بالمانيا ويظهرون بمستوى مشرف |
| الوقت المعتمد في المنتدى بتوقيت جرينتش +3.
الوقت الان » 04:25 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd