|
كابيلو هو سبب الخساره لاغيره |
بسم الله الرحمن الرحيم قبل لا اقول اي شي بخصوص المباراة يا شباب اخونا aT3bNi al ShooQ ممكن بعضكم ما يعرفه لكنه قليل يكتب بالرابطه ابوه انتقل الى رحمة الله امس الصباح .. وصلوا عليه ودفنوه أمس بعد العشاء .. اتمنى انكم تدعون له بالرحمه والمغفره .. و الله يستجيب دعائكم بهالعشر الأواخر .. اللهم ارحمه واغفر له واسكنه فسيح جناتك يا ارحم الراحمين .. .. للأسف المباراة ما شفت منها الا الشوط الثاني .. لـ الظروف الي صارت بصراحه شفت اشباح قاعده تلعب !! .. لكن هذا ما يمنع اني اثق بكابيلو حتى النهايه ..!! بالتوفيق للريال بالكلاسيكو .. ووقتها لكل حادثٍ حديث .. |
إقتباس:
إقتباس:
الحمد لله على السلامة، ماتشوف شر، لابأس طهور ان شاء الله. هاردلكم الخسارة يا شباب.. |
سلام عليكم اولا الله يغفر لاب اخونا aT3bNi al ShooQ ويرحمه ويسكنه فسيح جناته اللهم وصبر ابنائه واولاده وعائلته على فراقه يا ارحم الراحمين ثانيا حمد لله على سلامتك ياخالد وجعلها ان شاء الله تكفير ذنوب وطهور باذن الله ثالثا لاشك ان ردة الفعل من الاخوان قويه كقوة خبر هزيمتنا من خيتافي شخصيا لم اشاهد المباراه لكوني كنت بطائره جايه من جده الى الدمام وقتها بس اني تعجبت من كابيلو كيف يبدا مباراه كذا عجيب والله شغله هنا ابوضح شي انا شخص ارى ان كابيلو من افهم المدربين وافضلهم وشخص له حنكه وصاحب صولات وجولات بمجالات الكره لم تزده الا خبره ودرايه كابيلو استعان لاعبين الى الان لا اعلم اسبابها ووضحتها سابقا ولست هنا بصدد اعادتها كنستلروي و عدم جلب صانع لعب بس انه امس يبدا المبااراه بخط دفاع مكون من كارلوس وبرافو وهيلغيرا وميخيا غريبه وغريب تفكيره رجعنا ياطير يالي ثلاث نقاط برشلونه نفس ثلاث نقاط خيتافي وما اعتقد انه مريح كنفارو علشان بوخارست لانه ان كان مريحه فالصحيح ان الفريق لازم مايلعب ابد بعدها عنده لاعبين اساسيين راموس وكنفارو الاول مطرود يعني مايقدر يلعب طيب كذا نقول جت من الله خله يرتاح خل الثاني يوجه ويمسك الخط الخلفي شارينه ليش والله غريبه شارينه علشان يرتاح هيلغيرا تصدقون هالاعب المفروض يكون موشر نتايج لن اتحدث عن الهجوم فلم ارى المباراه وكم انقهرت يوم دريت من وليد ان رونالدو انطرد وباخر الدقايق ليس لدي ادناة تعليق حتى الملخص حق هلال مدريد رفض يكمل تحميله مع كامل الشكر له والله بس مادري يمكن من جهازي لكن ليعلم الجميع ان الريال ان لم يفلح بكابيلو فاني ارى استقطاب 11 مدرب لكل لاعب مدرب وكودهم يفلوحون |
8 8 يالغالي كنافارو كان مصاب بمباراة ايطاليا وجورجيا .. ولو لعب بمباراة امس من الممكن تزيد عليه الإصابه ونفقده بالكلاسيكو !! وبالنسبه لي كنافارو اعتبره اهم لاعب يلعب بالكلاسيكو !! آخر الأخبار تقول إن راؤول أصيب بمباراة أمس .. وحاول يضغط على نفسه لأن التبديلات خلصت .. واحتمال كبير ما يلعب بمباراة ستيوا بوخارست !! لكن اموت واعرف رونالدو ليش سوى كذا ؟؟ هل هو تهرب من الكلاسيكو؟ اعتقد رونالدو اكبر من كذا .. |
..تابع النقاش الاوروبي..][المدرب الفاشل لماذا لايطرد][.. اتمنى تواجد الجميع.. بالنسبة لمباراة امس ارى ان التشكيلة اللي لعب بها الملكي غبيه يعني الخطأ من المدرب |
إقتباس:
الحمدلله على السلامة وماتشوف شر أخي الكريم |
إقتباس:
الله يرحمة ويسكنه فسيح جناته يارب العالمين اللهم أغسله بالماء والثلج والبرد ونقه من الذنوب والخطايا كما ينقى الثوب الابيض من الدنس برحمتك يا أرحم الرحمين |
هاردلك ياشباب .. وشفيكم ؟؟ كأنها نهاية الدنيا!! .. خسر اوكيه وش المشكله ؟.. كابيلو ماعنده الا هذا الحل للعب .. اول شي كانفارو مصاب .. راؤول كانت عنده اصابه خفيفه وهذي هي صارت اقوى امس .. التواء بالكاحل .. ولاتنسون ان الواحد يخاف من الكرت الاحمر .. عشان كذا شفنا كابيلو طلع ديارا .. روبينهو نهاية الموسم اذا ما تعدل لعبه ياليت يبعونه .. .. اثق بكابيلو .. اثق بعمل كابيلو .. اثق بتفكير كابيلو .. |
أخوي سلطان تقول بأنك تثق بكابيلو حتى النهاية أوكي مو مشكلة لكن من يقرر مصير المدرب داخل أرضية الملعب الاعبين الريال يمتلك أشباه لاعبين لو تجلب لهم مدرب يمتلك قراءة بينتيز ودهاء مورينهو وصرامة كابيلو وأبتكارات فينغر لن تستطيع فعل شي لهم أمثال راؤول برافو و هلغييرا و بافون و ميخيا و جوتي و سلغادو و بيكهام لايوجد لهم مكان بالفريق الريال بحاجه الى ثورة تغييرات تبدء من السوق الشتوية ببيع هؤلاء الاعبين وجلب الظهير الايسر لنادي ساوباولو وجلب مدافع أحتياط محترم وجلب الفيس كظهير ايمن وجلب غاغو هؤلاء الاربعة اسعارهم لن تكلف اكثر من خمسين مليون يورو واكثر من نصف اسعارهم يتم تحصيلها من بيع الاعبين السبعة المذكورين |
إقتباس:
ياخوي أتوقع انك ماشفت المباراة نحن لانتحدث عن خسارة هذا الامر وارد في كرة القدم نحن نتحدث عن فريق متهالك لاعبين أشباح في أرضية الملعب لايتحركون بدون كرة يلعبون على الواقف وحتى لو كنفارو غايب وغيره وغيره لو يلعب الريال برديف من المفترض لايقدم مستوى متهالك مثل الذي شاهدناه بالامس خيتافي يستعرض على الريال في الامس والله كعوب ولعبات ون تو الريال صار سيرك من خيتافي اللهو روبينهو وش ذنبه تحطمه على مقاعد البدلاء جميع المباريات ويوم أحتديت له تقوم تنزله تقتل الاعب ثم تنزله على مقولة مكرهاً أخاك لابطل شف روبينهو ماذا يقدم مع منتخب البرازيل وهو لاعب اساسي النجم الاول في منتخب البرازيل ودونغا مدرب منتخب البرازيل يقول لا أفهم ماهو سبب وضع روبينهو على مقاعد البدلاء علشان تستفيد من لاعبينك كمدرب تزرع فيهم روح المنافسة بالفريق تعمل طريقة المداورة بين الاعبين لا قتل الاعبين على دكة الاحتياط بثلاث والاربع مباريات لاتنزلهم كسانو في مباراة الامس لماذا يشارك اساسي وانت وضعته على دكة الاحتياط ثلاث مباريات لم يشارك بها بكل أختصار اذا كنا سوف نأخذ كابيلو على انه مدرب له ماضي كبير نعم هو أفضل مدرب في العالم اما اذا كنا نأخذ كابيلو ونحاسبه ماذا يفعل الان مع الريال لايوجد له شي يشفع له لكي نمتدحه علية لم يفعل الكثير الذي قام به الان فعله المدربين السابقين الذين هم قبلة لعبنا في الدوري مع ست فرق فزنا على ثلاث فرق متهالكة وأقصد بها ليفانتي و ريال بيتيس و ريال سوسيداد و تعادلنا على ارضنا مع فياريال وتعادلنا مع اتليتكو مدريد بعد ان كان متقدم علينا وخسرنا من خيتافي نحن لم نقابل برشلونة ولا فالنسيا ولا أشبيليا الفرق الاقوى هذه الفرق من الممكن تعمل لنا كوارث لاسمح |
ياشباب محد شاف وليد يعلمه وش سالفة القنوات على القمر التركي هونوا ينقلون والا تغير التردد والا وش القصة فاتتني مباراة امس انتظرتها على القمر التركي ولافي اشارة ولا شي!! بس كلن يقولي احسن لك انك ما شفتها لانها مهزلة في مهزلة !! وواضح من ردود الشباب شابين على كابيلو كانهم يبونه ينزل ويلعب !! وش ذنبه اذا خط الدفاع اول مرة يشوفون بعض شكلهم لعب بإمكانياته وزين طلع بهدف واحد بس بس طرد رونالدو شكله ماله سنع ليتي شفته معقول اخوي المقــــال من كلامه وكأن رونالدو تعمد الطرد!!!! لو صحيح ماظنيت كابيلو يمشيها له وبيرجعه مع هلقيرا للرديف بس كم واحد يقول الكرت الاصفر الاول ليس مستحق ورونالدو دخل على الكرة وليس على الاعب بقصد مخاشنته المهم وليد الله لايهينك القنوات تبي تشتغل اسبوع الجاي بالكلاسيكو والا علمني خل ندبر الجزيرة لاتخليني اقلب للخاص وازعجك :D خلنا حبايب هنا :) تحياتي |
إقتباس:
الله يغفرله ويرحمة ويسكنة فسيح جناتة إقتباس:
طهور ان شاء الله |
إقتباس:
الفيد تغير ترددة أصبح 11406 V 27500 3/4 ولاكن مع الأسف تغير حتى نظام التشفير الى فياكسس 2.5 غير المكسور الحل حالياً عبر فيد الجزيرة على يوتلسات W1 10 درجات شرقاً يعني بجنب القمر التركي Eutelsat W1 10 East 11134 H / 5064 3/4 |
هاردلك على الخسارة وماتلاحظون انكم مكبرينها بعض الشيء الفريق لعب وسط ظروف صعبة اصابات كم لاعب غاب بسبب الاصابة وايقاف راموس مافية فريق بالعالم مايخسر فما بالك ونحن نلعب بتواجد عاهات في الدفاع ولاعبين منفوخين اعلامياًُ فقط عدم تواجد صانع اللعاب الشرهة على رئيسكم الي فشل في المفاوضات والا مصر بالقوة على كاكا طيب ماينفع تجيب غيرة بالنسبة لـ الأخ الي وصف كابيلو بالحمار ويقول انه دمر ميلان خخخخخخخ عطني انجازات كابيلو وخصوصاً مع ميلان قال دمر ميلان قال كابيلو هذا برفسور تدريب مورينهو وريكارد تلاميذ عنده اما بريمن هالي انت حاقرة فقد احرج تشيلسي وبرشلونة ولولا التحكيم وسوء دفاعة في الأولى لفعلها وفي الثانية سوء الحظ وميسي بريمن فريق قوي لايستهان به عنده مدرب اسمة توماس شاف وحالياً عندهم ساحر اسمة دييجو والا لازم الاعلام ينفخ عشان يصير مدرب يعترف بقدراتة مايحتاج نرى بأعيننا حتى نحكم شخصياً اتعاطف مع بريمن من الموسم الماضي لأعجابي بقدرات شاف وزاد تعاطفي معهم بعد انتقال دييجو لهم هذا الموسم دييجو صحيح انه برازيلي بس غريبة الاعلام معطية اشكل اظاهر ان بيلية ما اعطاة صك النجاة حتى يصبح نجم خارق مثل المنفوخ اعلامياً الي عندنا ليت رئيسكم فكر بـ دييجو على الأقل والا لازم كاكا أجل لاعزاء لـ فريق يدربة كابيلو لاعزاء لمشجعي الاعبين والمنتخبات كابيلو افضل مدرب في العالم وهو معذور لأنه استلم فريق منتهي مدمر اما اننا نفكر بإقالتة كما يفكر البعض عشانة مايلعب روبينهو والله هذي المشكلة عاد ماراح يفلح اي مدرب مادامنا نفكر بهالطريقة غاب رييس ودج وسطنا فعلاً ماكنا بحاجة الى رييس ابد كانافارو لم يلعب لأنه كان يعاني من اصابة وراؤول كذلك ام نخاطر بهما كما فعلنا الموسم الماضي مع رونالدو ونخسرة كم مبارة وهذا راؤول لعب واصيب طرد رونالدو غير صحيح وان كان يستحق الثانية فهو لايستحق الأولى وبعدين اصلاً الحكم حقير وليس بالجديد علية ان يعمل كذا مع ريال مدريد الوعد الأحد القادم |
| الوقت المعتمد في المنتدى بتوقيت جرينتش +3.
الوقت الان » 11:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd