|
هاردلك الخسارة ياجمهور الريال اذا تبون رايي الريال يبيلة غربلة شاملة جوتي بيكهام سلقادو ا روبينهو روبيرتو كارلوس اوت ويبدون يأسسون الفريق من جديد مثل مافعل تشلسي برشلونه الانتر اذا تبون نتائج سريعة اذا تصبرون على هالعلل بتطولون تحياتي |
][½][ بوشكاش في العناية المركزة ][½][ http://www.aljazeerasport.net/arabic...s/Ferenc_B.jpg أدخل الأسطورة المجري فيرنك بوشكاش أحد صانعي أمجاد فريق العاصمة الاسبانية ريال مدريد في الستينيات إلى وحدة العناية الفائقة في إحدى مستشفيات بودابست، حسب ما أعلنت الأربعاء وكالة الأنباء المحلية "ام تي اي". ويعاني بوشكاش (79 عاما) من مرض الزهايمر الذي يعالج منه منذ ستة سنوات، إلا أن حالته تدهورت في الأيام القليلة الماضية فأدخل إلى وحدة العناية الفائقة، حسب ما أكد جيورجي تزولوزي أحد أصدقاء العائلة وكاتب سيرة بوشكاش الذاتية دون أن يفصح عن المزيد من التفاصيل احتراما لرغبة عائلة الأسطورة. وذكرت تقارير نشرت بمواقع إخبارية على الإنترنت أن هذه المرة الثانية خلال الأسبوع الحالي التي ينقل فيها بوشكاش إلى العناية المركزة. وساهم بوشكاش إلى جانب مواطنيه كوسيس وهيلدغكوتي في إحراز المجر ذهبية دورة الألعاب الأولمبية عام 1952، واحتلال المركز الثاني في مونديال 1954 بعد الخسارة المفاجئة أمام المنتخب الألماني في المباراة النهائية. وتوج بوشكاش خلال لعبه مع ريال مدريد من 1958 إلى 1967 أفضل هداف في الدوري الاسباني 4 مرات وساهم في إحراز لقب مسابقة بطولة الأندية البطلة (دوري أبطال أوروبا حاليا) ثلاث مرات. واشتهر بوشكاش بأهدافه الأربعة التي سجلها لريال مدريد الإسباني في المباراة التي فاز فيها على أينتراخت فرانكفورت الألماني بنتيجة (7-3) في نهائي كأس أوروبا عام 1960. وكان بوشكاش يحمل الرقم القياسي العالمي في عدد الأهداف الدولية برصيد 84 هدفا قبل أن يحطمه الإيراني علي دائي بتسجيله مائة وهدفين. المصدر: http://www.aljazeerasport.net/arabic...s/JSSCLogo.gif |
][½][هلال مدريد][½][ اخوي انا منزل الصور قبلك اتمنى تراجع الصفحة اللي قبل ذي تحيتي ميلان-7 |
|
لي اسبوع ما دخلت النت لكن اليوم ما قدرت هذا كانافارو اللي قهرني في المباراه النهائيه يوم وقف زيدان ورفاقه راموس والله ما ادري وش اقول لكن مادام كانا سيئ وش تبون يسوي راموس كارلوس انا مستغرب من هذا الكارلوس يتمشى في دفاعنا شوي تلقاه يمين شوي قلب شكله يوم وقفه كابيلو عن الكشتات قدام قال اوكي لكن الاخ يصير يكشت عند سيسنهو انت امسك مكانك بعدين بعدها اكشت في الدفاع سيسنهو اعتقد انه الافضل بالدفاع على سوءه على بلاطه افضل السيئين ديارا هذا شكله حن لايام ليون صار محله دايري شرقي ايمرسون اما هذا يحسب نفسه يلعب مع اطفال مسوي تسحيب وهذا محله دايري غربي بيكهام اسمه يجيب المرض اعتقد ما يحتاج كلام راؤول لو بيدي اعيره لفريق راسينج والا لنادي النصر عشان يكمل جنب طلال المشعل عشان يضبربونها نوووووم المصيبه الهجمه اللي حسبها الحكم تسلل الرجل كمل على الرغم من وقوف الناس الكارثه انه طلعها برا كاسانو سوا شغل مقبول ليش طلع برا وبقي راؤول عليها مليون ؟؟؟؟؟؟؟؟؟؟؟؟؟؟ نستلروي ما ينلام محكوم عليه سجن انفرادي في منطقة الجزاء كسياس كامل والكامل الله سبحانه ________________________ انا اللي قهرني في المباراه كامله شي واحد الحين يوم ترسل منقذ ويطلع غبي ومسوي فاهم هاذي مصيبه الفريق سوا هجمه وحده منسقه في 90 دقيقه ويجيك الاخ جوتي يوم يصير في موضع تسديد مناسب 1000 % يناول هاذي كارثه يعني ضيع مجهود الفريق والمصيبه يقول انا اقدر امسك مكان كاكا باقتدار __ ياخي اطلع من مخي ما بقي الا انت رييس ما اعتقد بيكمل الموسم الجاي جاي من ارسنال فريق تكتيكي لعب من لمسه ولاعبين شباب ويرمي نفسه عندنا يبي يدمر نفسه هو على ما اعتقد بيفكلر كذا الا اذا تحسن المستوى ونبي كاكا يجي الا هو اللي فكر في مستقبله صح كنت مفكر ان كابيلو ذكي يوم طلع بيكهام ونزل رييس لكن طلع بيكهام مصاب يعني لو انه سليم ما سوى كذا لكن حظه مشت معه الحركه تمام الشباب يقولون اه اه يارونالدو وش بيسوي رونالدو اتحدى يسوي اكثر من اللي يسويه الرود وتعرفون روني كسول يعني عز الطلب بين المدافعين نوم والوسط ما بيرسلون كوره له وبتصير حجته يمكن الرود وروني يسوون ثنائي جبار على انطلاقات روني ودهاء نستلروي امنيتي حاليا اشوف راؤول متكي في الدكه لين يصحصح لو يتكي الى نهايه الموسم تصدقون والله من قبل المباراه وانا اقول انا بننهزم بس ياليت تكون خفيفه وآسف على الاطاله لكن من القهر لــــكــــن نحن مع الريال قلبا وقالبا في الصميم ......................... انت روح الريال Thank,s Iker |
السلام عليكم يوم حزين مدريدي:mad: يا اخوان ما الــــــــــــــحــــــــــــــــل:wallbash: |
|
قبل ان نقول مستوانا سيئ يجب ان نعطي فريق ليون حقه فريق متماسك منسجم يلعب كرة عصرية سريعة من اللمسة الواحدة قوة جسمانية لياقة عالية والخسارة بهدفين مقابل لاشي أعتبرها نتيجة جيدة بصراحة لأن كاسياس أخرجنا من كارثة كانت ستقع ثم نذهب الى الريال طبعاً هناك مشاكل وليست مشكلة نبدء بالمشاكل بشكل عام حسب وجهة نظري المتواضعة قلة الانسجام واضحة بشكل كبير في الفريق يجب على كابيلو أختيار تشكيلة ثابته من الان وجعل الاولوية لمن يفيد الفريق بشكل أكبر ضعف العامل اللياقي حيث الفريق يفتقد الى ثلاث أمور التحرك بدون كرة مفقود والضغط على حاملين الكرة في المنتصف مفقود والارتداد السريع في الحالة الدفاعية وفي الحالة الهجومية مفقود اذاً يعني ان الفريق يحتاج الى الكثير من تمارين اللياقة والانضباط التكتيكي الفريق يفتقد الى روح الفانيلة ايضاً هذه المشكلة من أين نأتي بروح لا أعلم نحتاج الى معدين نفسيين ؟ بنهاية الفريق يحتاج الى عمل شاق وشاق جداً اذا كابيلو ضبط الفريق خلال 60 يوم مو 50 يوم أعتبره شي طيب جداً جداً هذا ليس تشائم بل أعتبره واقع بعد ثلاث سنوات مريرة أتمنى ان لاتتكرر في هذه السنة بأذن الله يتم تفادي الاخطاء |
بصراحه مستوى يجيب الهم اللاعبين خايفين ما ادري ما عندهم ثقه اوكي الدفاع لك عليه بس فيه شي ثاني ترا التحكيم لك عليه فيه فرصتين للريال لو ان الحكم ما صفر لاستغلت خاصه من الرود وراؤول عموما هادلك الخسارة وتونا بأول المشوار هذا واحد ثاني شي بصراحه وش بنسوي قدام برشلونه اذا كابيلو قال انهم اكلونا اكل وش بيسوون فينا البرشا .؟؟؟ بصراحه انا متخوف ارجع واقول زي ما قالها المعلق الكبير عصام الشوالي (( بركاااااااااااااتك يا ديل بوسكي )) فعلا نحتاج للعب السريع السريع جدا التحركات لاعبين الوسط والهجوم السليمه يكفينا مجاملات كابيلو يجامل وبقوه ولا احد ينقز علي ويقولي ما يجامل الا يجامل والدليل 1. يجامل راؤول على حساب لاعب خرافي اسمه روبينهو 2. يجامل سلقادو جعله ما يقوم على حساب سيسينهو. 3. يجامل ولد الكريمات ولد الفاصل الاعلاني بيكهام على حساب رييس. يكفي مجاملات بنادي الريال مدريد :upset: :upset: :upset: |
المرفقات 1 بصراحه لازمنا لاعب مثل هذا الاعب 7 7 7 7 7 7 فرانك ريبيري Franck Ribéry :wallbash: ليته يجي الريال في الانتقالات الشتوية يا رب :wallbash: :wallbash: :wallbash: |
كاسيس // كاناافاارو // رييس // الرود // وكاروس ... قالوا إنه الهزيمة كانت بسببهم وإنهم ما قدموا أي مستوى .. ويقولون هالاشياء تصير ولكن الضروري إننا نتعلم من أخطائنا ونتحسن !! [ كارلوس ] .. في الشوط الأول ما كانت عندنا استطاعة نلعب بشكل جيد .. محبي الريال كانوا يبونا نفوز .. لكن اقدر اقول هذي حادثة ماراح تتكرر في البيرنابيو الاحد .. لازم نفكر بالتحسين .. [ رييس ] ... ماعندي كلام كثير أقوله .. هم كانوا أفضل مننا ، ماعندنا أعذار نقولها .. في الشوط الثاني امتلكنا الكورة لكن ما قدرنا نسجل اهداف .. احنا معصبين أكيد على الأداء اللي لعبنا فيه .. ولكنه مرضي نوعا ماا !! ، لانهم كانوا افضل .. ========================== [ الردود ] ... سوينا شيء في الشوط اثاني ولكن الحقيقية إن لعبنا كان سيء .. لازم نواجه الشيء هذا ونتغلب عليه .. -========================= [ كاسيس ] ... فريق ليون فريق قوي جدا ً واثبتوا إنهم يستاهلون الفوز .. كان عندهم فرص كثير ولعب أفضل مننا بكثير .. هم سريعين مره في الهجوم والهجوم المضاد وكان سهل عليهم يصنعون الفرص ((مهيب نغزة ولا شي :D )) .. كل الاعبين زعلانين ومتاثرين بالهزيمة ، ولازم نتعلم من أخطائنا ولازم نركز على المباراة الجاية .. ============================ [ كاناافاارو ] ... لعبنا مباراة سيئة !! خصوصا ً في الشوط الأول ليون كان اسرع مننا بكثير اغلب اخطائنا واللي كانت كثير كانت لانهم أفضل مننا .. انا ما اعتقد إن المشكلة كانت في تركيزنا لانك لما تلعب مع ليون يكون تركيزك في أعلى درة !! احنا زعلانين لكن لازم نرجع للطريق الصحيح باسرع وقت ممكن .. وهذي اول جولة وهالاشياء تصير لاعبين جدد ومدرب جديد .. تصير هالاشيااااء .. المصدر http://www.realmadrid.com/articulo/rma33622.htm |
هاردلك الهزيمة الله لايلومهم انسجام = صفر !! اصبروا عليهم انا متأكد ان مباراة الإياب بيردها الريال دبل . |
هاردلك الخساره ياشباب |
http://www.marca.com/primeras/06/09/g0914.jpg ريال مدريد يخسر من ليون 2/0 كابيلو : أكـــــلــــونـــا كالديرون يهاجم فيامير |
| الوقت المعتمد في المنتدى بتوقيت جرينتش +3.
الوقت الان » 03:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd