نادي الهلال السعودي - شبكة الزعيم - الموقع الرسمي - رابطة عشاق المـلـوك ريال مدريد 2006 / 2007

إقتباس:

الرسالة الأصلية كتبت بواسطة S U L A I M A N (مشاركة 5074165)

السلام عليكم

بداية تحية عطره لعشاق الملكي العريق .. تحية مرفقه بالورد الكتلوني :D .. أبدخل بالموضوع سيدا وما أبي أطلعكم من أجواء الرابطة ولا أبي أصير ضيف ثقيل بعد .. :)

اتمنى تقرون كل حرف بهـ الرد لانه مهم وأتمنى بصراحة أشوف تفاعل منكم لـ ردي هذا .. :)

. .. .. .. .. .

استوديو عشاق الاليجا [ تقديم الجولـــ 29 ـــه ] متابعه + مناقشه

شباب .. كلنا ندري ان رابطة عشاق الملكي من أنشط الروابط في الزعيم .. ويمكن في النت بكبره .. اخبار وتواجد وتصاريح .. حتى اخبار حصريه موجوده ماشاء الله .. لكن الشي الي محيرني صراحة قلة التفاعل في تقاديم الجولات الإسبانية .. تقديم أي جوله يحتاج لمجهودات احيانا تكو كبيره .. خصوصا اذا كان التقديم بمده قصيره ولازم ينزل بأسرع وقت .. لكن بصراحة ما أشوف تفاعل من عشاق الريال الا قليل جدا صراحة .. طبعا الكلام هذا أقوله لكم لاني ألاحظ أنكم يا عشاق مدريد قليل ماتتفاعلون بالي نقدمه للشبكة من تقاديم وكذا .. ممكن واحد يقولي حتى عشاق البارسا بعد نفس الحاله .. أقوله اذا شفت أي تقديم مافيه نص اعضاء رابطة البارسا راح أقولك اني منسحب من المنتدى ككل .. حتى أعضاء فالنسيا واعضاء الفيلا .. مع انهم ينعدون على أصابع اليد الا انهم يتفاعلون وكذا .. لكن مجرد نصف رابطة الريال لو يتفاعلون صدقوني راح يكون استوديو تقديم المباريات من أبدع مايكون .. :)

أشوف ان الاخبار ماشاء الله كثيره عندكم .. الأخبار الي تخص مبارياتكم اقترح من الي يترجمها انه بعد مايحطها هنا بالرابطة مافيه مشكله لو يسويلها كوبي وينزلها بالاستوديو .. وممكن انكم تتناقشون حولها هناك .. وممكن حنا بعد نناقشكم فيها ..

بصراحة مهب معقول تقديم واستوديو .. آخرتها مشكور يالغالي وماقصرت .. ولا مجهود كبير تشكرون عليه ومن هالكلام .. حنا نسوي هالتقديمات علشان نتناقش فيها وتتناقشوف فيها أيضا ..

طبعا ممكن بعضكم يقول اني لانب عضو باللجنه ولا شي .. لكني ممكن تعبروني عضو باللجنة لكن بلون أسود مهب أزرق .. ;)

شباب .. ماراح ننهض بالأسباني الا اذا تكاتفنا فيه .. ماراح تكون تقديمات الجولات الإسبانيه مميزه الا اذا صرنا نناقش فيها ونتناقش .. ياليت واتمنى اني أشوف لكلامي هذا مفعول وتكون تقديمات الجولات الإسبانيه الجايه كلها مميزه وفيها تفاعل .. على عكس التقديمات الي راحت .. :)

. .. .. .. .. .. .

أيضا شغله حبيت اناقشكم فيها

الأخ سعودي ظرب على الوتر الحساس على ماقالوا ..

طبعا قريت كلام الشباب ماجد وثامر حول التفاعل .. بس أنا ماجيت بصراحة علشان نفس الموضوع .. جيتي كله علشان الإقتباس الي فوق .. بس قلت فرصه أنبهكم على الاستوديو واطلب منكم التفاعل ( كان لي خاطر عندكم ) ..

الاخ سعودي سبق ان تسائل نفس التسائل في تقديم سابق لحدى الجولات الي راحت .. وأيضا سبق ان رديت عليه وقلتله ان أعضاء الريال مجهوداتهم قليل بالمنتدى وخصوصا بالتقديمات .. وهذا هو الشي الي انا مستغرب منه .. فيه أعضاء كثيرين مدريديين جدا مميزين ماشاء الله .. لكن بصراحة انا ما أدري ليش قلة التفاعل مع المواضيع المطروحه ..

بس اكيد اتمنى أشوف تقدامات لمباريات مدريد .. لكن كـ عضو برشلوني اكيد راح أسوي تقديم لفريقي بالأول .. طبعا اذا كانت المباراة تستاهل .. وطبعا اذا كانت فيه مباراة للريال تستاهل وكبيره اكيد راح يكون فيه تقديم لهالمباراة .. لكن غالبية تقديماتي لمباريات برشلونة تكون مباريات كبيره .. وأكيد مافيه أي مانع ان أي عضو يقدم مبارة بنفسه وأكيد راح تضاف للتقديم .. :)

ختاما .. آسف جدا على الرد الطويل والي ماكنت متوقع انه راح يكون بهالطول لأني جاي أطلب منكم طلب بس اعجبن الوضع هنا قلت روح ربي يسعدك :D .. وآسف أيضا اذا كنت اغلطت بحق احد ولا قلت أشياء مفروض ما أقولها .. بس كله لعيون الليقا وتطورها اكيد بالاول والاخير ..

ختاما .. ياليت تدخلون هالرابط وتقولون لي هل هالصوره تعجبكم ولا لأ .. ؟ وبالصورة الثانيه هل هي حلوه وأعجبتكم ولا لأ .. ؟

الصوره الأولى

الصوره الثانية

. .. .. .. .. .. .

نقطة أخيره حبيت أضيفها بكلامي هذا .. اعتبروه طلب .. او تساؤل ..

ريال مدريد Vs فالنسيا - 22 / 4 / 2007 مـ ( الجولة الـ 31 )

ريال مدريد Vs اشبيلية - 6 / 5 / 2007 مـ ( الجولة الـ 33 )

ريال مدريد Vs الديبور - 27 / 5 / 2007 مـ ( الجوله الـ 36 )

مباريات قويه للريال على البرنابيو .. هل راح نشوف تقديمات لها من أعضاء مدريديين من الرابطة أو كالعاده راح يكون تقديمها من أعضاء خارج رابطة الريال .. ! أتمنى ;)

حيا الله اللون الأسود :D

أول شي أذكر ربك ياخوي :D

بالنسبة للتقديم زي ماقلتلك أنا واحد ماد يده وينتظر المساندة :)

والحمدلله قطوتنا الغالية بيشاركني :laugh:

بس ننتظر أكثر نسبة من أعضاء الرابطة :)

عن نفسي أرشح زعيمي مدريدي والثعبان الأزرق للتحليل ..
هلال مدريد والميرنجي والمشذاب للأخبار ..
لوف فور ايفر للخفايا والأخبار الحصرية والتوقعات ..
ابن الخطاب ومدريد لوفر للمواضيع النقاشية وأيضاً الأخبار ..
وكابتشينو وهتلر الرياض للنقاش حول الأخبار والتشكيلة والمباريات ..
والأخ مدريد جاجو ماشاء الله عليه ..

ولايهون باقي الشباب :)

وأتمنى ياشباب التفاعل بالموضوع وأنا عن نفسي بأحط كل يوم الرابط ..

والي يحتاج أشرحله إيش لازم يسوي يقول :)

بالنسبة للشباب الي يحطون أخبار المباريات والخطط والتشكيلة وهالشغلات ..

أتمنى إنهم يحطونها هنا بالرابطة .. وبنفس الوقت يفتحون الرابط المخصص للاليغا في منتدى العالمية ويحطون نفس الخبر ... الشغلة مايبيلها شي .. مجرد كوبي وبست وبنكون أفضل دوري بالمنتدى إن شاء الله :)

ياشباب مثل ماقال الأخ سليمان ترى رابطتنا مسوية رجة بالمنتدى .. يعني بصراحة أعضاء ما شاء الله ماينعدون .. يعني لو نصنا يشارك بموضوع لاليغا بندمر المنتدى بقوتنا :)

مانبي نكون زي الإقليم .. منعزلين عن العالم .. نبي نكون حنا العالم :)

أتمنى من الجميع إنهم يتفاعلون معاي ومع سليمان وان شاء الله نشوف تأثير الكلام الطويل في الموضوع هناك :)

تحيتي .,,.