بسم الله الرحمن الرحيم
الدفــــــــــاع
طبعا كلكم لاحظتوا المفرج ونكباته ومثل ماقال بعض الشباب الدفاع بدون تفاريس شوربه .. يعني مافيه احد غيره صح
وبكل صراحه مابي احد يقولي الهليل والمرشدي او او ...
مافيه مدافع يستحق انه يلعب اساسي ... وسمعنا ان الادارة تفاوض ماجد العمري والصراحه ماجد لاعب فنان لكن عمره صغير(18) وماعنده خبره ويبيله كم سنه ...
وانا ماؤيد ضمه لانه برز هذي السنه وحتى الان صغيـــر ..
لكن صدقوني فيه لاعب لو قدر الله وجابه الهلال بيكون دفاع الهلال كذا
ومصدر امان مع تفاريس ..
واللاعب عمره صغير شوي يعني مو شايب ولا بزر
..
اللاعب هو :
اللاعب سلمان العميـــــــري
والله لاعب فنان واعتقد عمره بين 22 - 25 ومايتعدى الـ25 يعني متوسط بالعمر ..
وصدقوني انا ملاحظه من سنتين ومعجبني اللاعب والكل معجب بزكريا الهداف وجابر حقوي لكن هو احسن بكثير
ولو انكم مراقبينه كان عرفتوه واحس انه ضالة الهلال بالدفاع ..!
الأجانــــــــــــب
كلنا سمعنا بمفاوضات الاداره للمحياني واتمنى قدوم اللاعب لكن الغريب ان بعض الاعضاء يقولون مليانين مهاجميـن !!
فعلا عندنا مهاجمين لكن الصراحه الجمعان يلعب بس يشوت والعنبر يطق راس والخراشي مافيه امل يلعب <<< امل والا نوره
والصويلح يمكن يعني يبغاله وقت.. يعني ياسر بس هو المهاجم الحقيقي ومافي غيره {مع احترامي}
لكن صرح لاعب من قبل بانه يرغب لبس فانيلة الهلال واللاعب سبق وان حصل على لقب هداف خليجي 17
اللاعب هو :
عمــــــــاد الحوسني لاعب نادي قطر والمنتخب العماني والذي قاد منتخبه لنهائي كأس الخليج ومستوى جيد في امم آسيا
يعني كيف تتوقعون بيكون هجوم الهلال بوجود افضل مهاجمين بالخليج (ياسر - عماد) ...
وفي هذا الرابط تصريح لعماد بجريدة الرياض وكيف يتمنى انه ينتقل للهلال
اضغــط هنـــا
وصدقوني عماد لاعب فنان وعلى ماعتقد رفض انه يجدد لقطــر ...!
اما الاجنب الثالث فانا من رأيي يكون لاعب برازيلي من فريق مغمور مثل كماتشو مع اني اتمنى التجديد لكماتشو .. وياليت يكون صانع العاب
ــــــــــــــــــــــــــــــــــــــــــــــــــــــــــــــــــــــــــــــــ
هذا كل ماحبيت اطرحه عليكم واتمنى التفكير بكلامي وتوصيله للاداره وبخصوص تفكيرهم باوكوشا وروي كوستا غلط لانه كبيرين وماراح يفيدون الفريق لانهم شيبان;) ;) ...
وياليت تقدرون موضوعي لاني بقاطعكم لمدة اسبوعين
حتى نهاية الاختبارات ... تكفون دعواتكمـ
:sad:
الوضع الشجري
