نادي الهلال السعودي - شبكة الزعيم - الموقع الرسمي

السلام عليكم يا هلاليين ...

اولا الحمد لله اولا واخيرا على كل حال .... :)

ولابد ان ننسى البطولة الاسيوية ونفكر في الموسم الجديد

والمدرب الجديد لانها آخر مباراة لكليبر الله يصلحة ...

ثانيا يجب علينا ان نبحث عن مدرب بديـــل يفهم الهلال .....

بمعنى اصح نبي مدرب هجومي امثال كالديرون ,,

هلالنا يملك اقوى خط هجومي ودائما مانلعب بمهاجم واحـــــد !!! :cursing:

يامدربين فكونا من المحاور الله يرحم والدينكم ,, نبي هجوم مانبي 5 وسط ومهاجم واحد ...

استاذنا كليبر يسير على خطى استاذه باكيتا ,,

صحيح اننا نفوز لكن فوز بدون مستوى ,,

دائما مايكون إما ياسر القحطاني وحيدا بين 4 مدافعين او العنبر او غيره ..

ينتظر دخول كماتشو او الشلهوب في الهجمة ... وهذا مالانريدة.. :no:

فزنا على الاتحاد والنصر وغيرها لكن بدون مستوى والسبب

هي خطة الـ 5 وسط ومهاجم وحيد ....!

دائما مانلعب بمهاجم واحد ,, فنحن نبي مدرب يوظف امكانات اللاعبين ,,

والله ياناس لو تشوفون هجوم الهلال كل واحد يقول الزود عندي ماشاء الله

عليهم وفي الاخير العب بواحد ؟؟؟ :confused:

كلنا يتذكر المنتخب ايام التصفيات عندما كان كالديرون يسير بالنهج الهجومي ,,

وفوزنا دائم بالثلاثيات ...

بسبب الهجوم الناري سامي وياسر وتميم ويطلع تميم ويدخل الحارثي

وهاتك ياهجــوم ... s60s

اما اجلس طول المباراه انتهج اللعب الدفاعي وانا فريقي يتملك افضل هجوم ..

صراحة غريبه :no:

وياإدارتنا الغاليه فكونا من العالميين

اللي تعدوا سن 32 مانبيهم لو انهم جايبين كأس العالم ...

إذا بتجيبون بدال جيوفاني نبي واحد من طقة كماتشو و تفاريس

ماشاء الله بسم الله عليهم ,,

برازيليين واسعارهم رخيصة وفنانين ,,

بدال ما اجيب روي كوستا سعرة عن نص لعيبة الهلال ...!!

معليش خلونا نكون صريحين شوي :)

والأهم يا إخوان ان رديف الهلال صراحة ماتوقعناه كذا ؟؟؟

لازم نهتم بالرديف لان اللعيبة الدوليين مو على طول بالهلال ,,

بيجي خليجي 18 وكأس اسيا ,,

ويجي اتحادنا الموقر وياخذ اللعيبة

ونقعد نسب ونشتم في الاتحاد السعودي انة اخذ لعيبتنا ....

فلازم الإداره تهتم بالفريق الرديف للحالات الطارئه مثل هذي امام الميناء :(

المعذره ياإخوان على الإطالة واتمنى تشاركوني في قضية المدرب الهجومي

لاننا ملينا طريقة باكيتا المحاور والزحمة الوسط والفوز غير المقنع ,,

وجانا كليبر ومشى نفس الطريق

الا وهي إذا سجلوا فيني ابدا انزل هجوم ....

وبالتوفيق لهلالنا في الموسم القادم بإذن الله ...

دمتم بود

اخوكم إيمار الهلالي