|
محمد بن فيصل انت ماقصرت بس مساله انه برئاستك يروح نواف والدوخي فهذي قوووويه الله يذكرك بالخير ياعبدالله بن مساعد كان اهم شي عنده انه يحافظ على نجوم الفريق اللي هم يعتبرون اهم مكتسبات الفريق وسنده القوي واللي يحسدنا الكثير من اللاهلاليين على نجومنا لكن في عهد محمد بن فيصل فقدنا نجم من اهم نجوم الفريق ويعتبر الافضل بالقاره الاسيويه احمد الدوخي بالرغم من الحزن اللي عم الجمهور الهلالي والذي يحاول البعض عدم اظهاره لكن الى الان يعاني الهلال من الجهه اليمنى :sad: حاليا نواف التمياط مستواه في تطور مستمر ويعتبر لاعب ذهبي ولاعب حسم ولاعب لمساته ساحره اضافه الى تاريخه الابيض بعدم اختلاقه المشاكل وادبه الجم مع الجميع ويعتبر نقطه قوه للفريق وللمنتخب من هذا المنطلق كان لزاما ان نتمسك به ونعض عليه بأسناننا وان لانضحك على انفسنا ونقنعها بان نستطيع تعويض غيابه بلاعب اجنبي من شاكله جيوفاني :wallbash: محمد بن فيصل كم نجم لدينا ؟؟ بعد رحيل الدوخي وسامي والدعيع من بقي سيحمل الزعيم على اكتافه لم يعد لدينا المزيد من النجوم حتى نفرط بنواف الزعيم مهوب ناقص يامحمد بن فيصل ولن يفيد اي كلام او تبرير ستقوله اذا راح نواف في هذا الوقت بالذات لانريد مثاليات ولا نريد مكابره لحد يقول لانقبل المساومه او يقول هذا عرضنا واذا مايبي له حريه الانتقال :no: يعني بالله من وفره النجوم او من زين الصف الثاني خلونا واقعيين وصدقوني راح يكون مصير الفريق بيدين انصاف لاعبين وراح ننظر لتشكيله الفريق ونتحسر على وقت مضى الان لاتزال الامور بيدينا ولازم الجمهور تكون كلمته ورايه واحد بالمطالبه بتجديد عقد نواف مهما كلف الثمن محمد بن فيصل ابي اهمس بذنك همسه ( لاتخرب اللي عملته بموسمين بالتفريط بنواف فوالله لن ننسى كارثه التفريط بنواف وستضل وصمه عار باسمك بان نواف والدوخي راحوا باداره محمد بن فيصل ) |
الهلال ميقويه لاعب او لاعبين |
ماذا تريد ان يفعل الرئيس هل تريد ان يدفع الرئيس اي مبلغ يطلبه اللاعب ثم اذا كان اللاعب لايريد البقاء هل تريد من الرئيس ان يجبره على البقاء. ياأخي نحن نشجع الهلال وصدقني لو ينتقل جميع لاعبين الفريق الاول والشباب والناشئين سأبقى محبا للهلال ولن يحرك ذلك في رأسي شعره واحده ارجو ان الرساله وصلت. |
للاسف تفكيرك غير صحيح اذا الدوخي راح فالزعيم جاب ست بطولات ونواف يعتبر نجك من الدرجة الثانيه في الهلال والدليل ترشيحات افضل لاعب |
هل يعقل ان يوافق الامير علي ثلاثين مليون ===وبعدين نواف مبتعد من فترة عن الملعب وبعد كم مبارة بدع فية يجي يطلب هذا المبلغ=== |
ياخي الموسم الي راح جبنا البطولات بدون نواف وبعدين لاتسوي تفهم اكثر من الرئيس الظاهره محمد بن فيصل (الهلال باقي بنواف او بغيره) |
يابابا ياكاتب النص اذا راح نواف مع السلامه وبعد الدوخي الخدمي الأتشادي رئيسنا على راسي اهم شي مصلحة النادي اما تبغاه يجدد لناس منتهين الصلاحيه الهلال كبير بنواف وغيره مسوي نواف انه اللاعب الخلوق اه اه اه بانت الأخلاق نسى ان الهلال جدد له وهوه مصاب لكن خير تفعل شر تلقى الله يسعدك ياسامي |
أبو سلطان ما عليه قصور بيض الله وجهه ما قصر أبدا والله s60s الدوخي كان خائن بمعنى الكلمة جاته 3 ملايين ريال كاش ما رضى فيها لأنه كان متفق مع البلوي و تقول إننا إلى الآن حزينين عليه :nono: ياخي واحد خائن مثل الدوخي ما عليه حسوف و راح الله لا يرده للزعيم :d نواف مازال لاعب هلالي و إن شاء الله راح يبقى لاعب هلالي أو ينتقل لأي فريق آخر غير سعودي و بالذات الإتحاد و مستحيل يكون نواف خائن ومتواطىء مع البلوي مثل الدوخي :thumbup: |
أعذرني يا صاحب المقال لقد جانبت الحقيقه |
معليش اخوي بس انت تبي اي لاعب يطلب مبلغ خيالي يوافق عليه الامير طبعا شيء مستحيل انه يوافق ولا كان فلس الهلال ومن زمان وتبي الصراحه اي لاعب يبي الهلال ويستمر فيه ما يطلب مبالغ خياليه |
يا جماعه مع احترمي لرئيسنا محمد بن فيصل انا موافق للأخ(بدر) |
يا جماعه مع احترمي لرئيسنا محمد بن فيصل انا موافق للأخ(بدر)http://www.rooo7i.net/up/dema2.jpg |
طيب وش رايك أنت تدفع 5 مليون من قيمة تجديد العقد؟ أكيد بتقول انه ما عندك,,,, وحتى لو عندك مانت بدافعها!!!!!!!! طيب كيف تبغى أبوسلطان يجدد بــ30 مليون ريال؟!!!!! والله إنك ........... |
اخطأت ياكاتب الموضوع في كل كلمة ذكرتها وحنا بعصر احتراف واللاعب يبي مصلحته سواء بالهلال او غير الهلال . ولكن الي يضايقني اناا بعض الالفاظ الي توجهها بعض الجماهير الهلاليية وليس كلها لاحمد الدوخي الغير لائقة في مدرجات الملعب لان اللاعب جا له عرض قوي وراح له والله يوفقه والهلال قوي ومايتأثر بغياب لاعب او لاعبيين والدليل ست بطولات احرزناها بدون الدوخي وبوجود الرئيس الذهبي الامير محمد بن فيصل . |
اخوي بدر اسمع كلامي زين وانتبه له ابيك تحطه على بالك دائما ,,,,,,,,,,,,,,,,,,,,,,,,,,,,,,,,,,,,,, نادي الهلال السعووودي عشق الملايين لن ياتثر برحيل اي كااااااااااااااااان ولن يعرقل مسيرته رحيل نجم او نجمين او حتى محمد بن فيصل نفسه فالهلال زعيم وسيضل زعيم مهما كان ,,, لقد رحل صالح النعيمه قائد القادة وصمام الامان بعد الله وفي الموسم الذي يله من رحيل صالح النعيمه حقق الزعيم اول بطوله اسيويه واعتزل ايضا فهد المصيبيح وهذال الدوسري وسعد مبارك وعبدالله البرقان وعبادي الهذلول وغيرهم من النجوم الذين كتبت اسماؤهم بما الذهب ,,, رحل الراحل المغفور له باذن الله (عبدالله بن سعد)وجه السعد وسر انتصارات الزعيم وتالق الهلال وصال وجال وحقق ثلاث بطولات عربيه بعد رحليه واثنتان اسيويه ورحل التيماوي ابوثنين ولازال الهلال شااااااااااااااااامخ رحل (اسطورة الملاعب ونجم النجوم )يوسف الثنيان ولازالت القافله تسير رحل الدوخي والحصيله بطولات الموسمين المحليه جميعها (ماعدا وحده) ولعبنا على النهائي (والغريب ان الدوخي كان بعد الله سبب من اسباب التاهل) اذن ناااااااادي الهلال السعوووودي لا يقف على نجوميه لاعب او على تالق لاعب الهلال غني بما يملكه من حب جماهيرة الوفيه( وانت واحد منهم ) فلو قدر الله ورحل نواف التمياط وانا استبعد ذلك فلن يتوقف الهلال عن ممارسة هوايته في اسعاد جماهيرة كما تعودنا وجهود الادارة ممثله في رئيس الهلال المحبوب محمد بن فيصل واعضاء الشرف لا ننكر جهودهم في محاولة ابقاء التمياط وغيرة من النجوم ولن نلومهم ابد اذا ما قرر احد منهم الرحيل وبحث عن الافضل له ,,, لكن ليعلم رحل من رحل وبقي من بقي ان الهلال سيضل (عشق الملايين) |
| الوقت المعتمد في المنتدى بتوقيت جرينتش +3.
الوقت الان » 02:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd