|
بصرااحه ماودك يلغون كأس العالم ؟ السلام عليكم أنا أكتب هنا وأتمنى أراء صريحه لو أصدر الفيفقا قرار وقال إلغاء كأس العالم ؟ بالنسبة لي والله برتاح ياخي كابوس الثمانيات مو راضي يروووح ودفاع المنتخب مايبشر بخير وللحين مارسوا على بر وشفشينكو وسانتوس وراؤؤل ماعندهم يمه أرحميني ياليتك يالفيفقا تريحنا من الفضايح وتقووووول إلغاء كأس العالم أو يقول مسموح للسعودية يلعبون بحارسين أبغى رأيك بصراحه |
ولا تبووون ترقيع من شفشينكو؟ |
اسمحلي عقلك على قدك وخلي تخيلاتك لك واذا الناس يفكرون زيك عز الله مهي مطورة كورتنـا وعمرنا منب مطورين اذا هذي أفكارنــا وأردد وأقول كوريا ليست أفضل منـا كسرت شوكة إسبانيا وسقط الطليان في فخهـا وأخذت الرابعة على العــــــــالـــم فأردد وأقـــــــــــــــــــــــول : كـــأس العالم ليس مستحيلاً |
واذا الناس يفكرون زيك عز الله مهي مطورة كورتنـا ياأخي مين قال لك كورتنا ماتطورت أنا ماقلت كذا مباراة فرنسا في كأس العالم 98 سجلوا بس 4 أهداف ومباراة ألمانيا في كأس العالم 2002 سجلوا بس 8 أهداف ؟ شفت التطور كيف؟ 4 سنين وكل سنة بهدف عاد 2006 كم ؟ :clap: : كـــأس العالم ليس مستحيلاً أنا أتكلم على منتخبنا السعودي الله يسلمك مااتكلم على أسبانيا الظاهر فاهم موضوعي غلط الغالي كأس العالم باقي له شهر زين والتشكيلة باقي 3 لاعبين من الشباب ماضموهم وحسين عبدالغني ومالك معاذ مدري وش أسمه من الأهلي توهم ينضمون ودفاعك (برررررررررررررررحه) بكل ماتعنيه هذه الكلمة من معنى وتدل عليه من دلاله من باقي ؟ الشلهوب والتمياط؟ مايقدرون يسووون شي أنا أتكلم ياعالم عن كأس العالم مو منتخبات بنغلاديش واليمن؟ ليه الصراحه تزعلكم ؟ هذه الحقيقة |
بسم الله الرحمن الرحيم.. المنتخب في كاس العالم الماضية كان يدربه ناصر الجوهر ,, وهالسنة المبدع باكيتا,, هل لااحظت الفرق بارك الله فيك؟؟ |
الا قل التشكيله كانت تدار من القصور الملكيه .. ولا ما تشووف هالثمانيات كلها |
البطولات الأوروبية إلى الحين ما انتهت، واللاعبين توهم ما انظموا إلى منتخباتهم ! وكل دقة بتعليمه، إلين يتطور المنتخب، بس انت تفائل وإن شاءالله سامي ورفاقه ما راح يقصرون في المونديال s60s .. أو ناكل 12 هالسنة ويستقيل طيب الذكر ويجينا اتحاد كرة جديد ! |
بصراحة موضوع مادري وش يبغى.... اول شي شف منتخب المانيا من وقف ضدة بكاس العالم 2002 كان في افضل حالاتـة... وكان طرف ثابت في نهائي كاس العالم هذا وكانت فية اخطاء في الاعداد وامور كثيرة وبعدين في عام 98 كان المنتخب الفرنسي اول من لعب ضدنا وكان طرف ثابت في النهائي يعني اقوى فرق المجموعات الي كنا فيها كانوا اطراف ثابتة مع البرازيل فرنسا ايام زيدان المانيا ايام بالاك بس الحين الوضع تغير ياقلبي...؟ اسبانيا...وش سوت بالتصفيات المؤهلة لكأس العالم.....تأهلت عن طريق الملحق اذا انت ماتدري والحين نجمهم الاول راؤل.....تدري انة من شهر اكتوبر ماسجل ولا هدف؟ ياخي اعرف وشلون تكتب وكبر عقلك وخلك متفائل.... وانشاء الله اذا فزنا على تونس راح يكون تأهلنا لدور ال16 مسألة وقت لا اكثر |
والله يااخوي مهما كااااااااااااان يظل عندك ثقه في لاعبيك مع كل بطوله وبأذن الله منتخبنا يظهر بصوره حلووه ترضي الجميييع ولاتنسىى ان الخطوه الاول ضد تونس مهمه ولو كسبها منتخبنا راح تعطيه دافع للمزيد في المباريات القادمه وان شاء الله تشووف كل خير المهم انك تكون متفائل بالمنتخب وايضا تمنحهم الثقه والدعم من خلال كتاباتك اما اننا نجلس ننقد فيهم ونحبط عزايمهم قبل البطووله فهذا شي مايصلح الله يكتب الي فيه الخير |
لاحظ شي مهم>>>> انه في كأس العالم 98 و 2002 كان في مجموعة منتخبنا المنتخب المتأهل للنهائي كأس العالم وهو فرنسا عام 98 >>> وصلت للنهائي وفاز بالكأس ضد ابرازيل وألمانيا عام 2002 >>>> وصلت للنهائي وانهزمت من البرازيل يعننني كانوا في افضل حالاتهم وافضل مستوياتهم |
انا متفائل ان مافيه فريق يفوز علينا باكثر من 5 ان شاء الله ثم بتكاتف اللاعبين.... |
انا متفائل ان مافيه فريق يفوز علينا باكثر من 5 ان شاء الله ثم بتكاتف اللاعبين.... . يؤ يؤ . . ان شاء الله يبيضون الوجه |
اخوي ماودك يلغون عضويتك وتفكنا |
المنتخب المتأهل للنهائي كأس العالم وهو فرنسا عام 98 >>> وصلت للنهائي وفاز بالكأس ضد ابرازيل وألمانيا عام 2002 >>>> وصلت للنهائي وانهزمت من البرازيل --------- ماسبق لايمكن بأي حال من الاحوال أن تقبل أعذار للمنتخب فقبل كأس العالم (سواء 98 أو 2002) يخرج المسؤولين علينا ويقولون أن المنتخب في أفضل حالاته وفي 98 أفضل مدرب في العالم كارلوس البرتو وقبلها وبعدها حقق كأس العالم مع البرازيل يعني مالنا عذر الفكرة من كلامي يإخوان كلنا نتذكر في 98 و 2002 قبل كأس العالم بفترة يقومون يخبصون ولاتكون عندهم ثقة في اللاعبين يعني كأس العالم 98 كان المنتخب تقريبا رائع وقدم مباريات مثيرة وأشهرها مع إنجلترا في ويمبلدون صفر صفر ولكن قبل كأس العالم بفترة راحوا وجابوا لنا خالد مسعد وفؤاد أنور ومدري من يقولون خبرة وهؤلاء هم من دمّر المنتخب وفي عام 2002 راحوا وجابوا لي محمد نور والحسن اليامي وتكر وأكلناها 8 هالسنة جابوا لنا محمد نور وحسين عبدالغني صح حسين يلعب بس هذا الكلام قبل كم سنة مو الأن وحتى ماشارك ولا في أي مباراة كيف يضمونه للمنتخب ؟ عشان الصحافة يعني ؟ ولا ايش؟ طيب هذا الخثران ماهو مقصر ؟ ونور ؟ يعني هو العصا السحرية؟ أخلاقه دمار وتشوووفون في كأس العالم إن مانكب المنتخب بكرت أحمر أو يمووت اللعب يبغى يصنع لنفسه مجد شخصي؟ الفكرة ياأحبتي المفروض الأجدر يلعب مثل منتخب 94 طلال الجبرين من نادي الرياض أتحدى لو كان موجود الحين أحد ينادي بلاعبين من الرياض أو أندية مالها جمهور ومع ذلك وصل سعره بعد كأس العالم إلى سعر خيالي والسبب الأجدر يلعب فقط الدعيع كان حارس للطائي ... ماأحد تكلم او قال مدري أيش كان الأجدر يلعب حمزة أدريس كان من نادي أحد الأجدر يلعب يوسف الثنيان كان موقف ماجاله كرت أبيض؟ يعني في 94 كان الأجدر يلعب المهلل كان مركووون في الإحتياط ولاطق الكورة في كأس العالم وكان إحتياط وحمزة من أحد كان أساسي مااحد تكلم الأن شوف كيف الناس تتكلم لأن المنتخب سفينه والأن كل واحد صاير ربان للأسف هذا كلام منطقي المفروض اللي تأهل هو يلعب في كأس العالم لأنه هو الاحق يعني ماتجيب لي نور الان وعبدالغني ومعاذ ومدري من وتحطهم لي أساسين أوكي الدوخي مقدرين يستاهل وأصلا خانة الظهير الأايمن ضعيفة بوجود البحري لكن المحور بوجود خالد عزيز وسعود كريري والوسط المهاجم مناف والتمياط والشلهوب ومحمد أمين وسامي أيش دخل المعوقين بينهم ؟ والهجوووم ياسر والعنبر والحارثي وبس المفروووض مافيه غيرهم يأخذوووونه لانهم هم اللي أهلونا وهم أهل المسؤوليه ياسر قدام كوريا والعنبر قدام كوريا والحارثي قدام الكويت أتمنى أن تطبق الأساليب الحديثة في الإدارة وغيرها بارك الله فيكم |
بالعكس نحن من أكثر المستفيدين من كأس العالم. منها يحتك اللاعبين بعمالقة الكرة العالمية ومنها يحصلون عروض خارجية |
| الوقت المعتمد في المنتدى بتوقيت جرينتش +3.
الوقت الان » 03:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd