انا ابي اقول شي واحد بس:

لمصلحة من يتم إثارة موضوع التمياط وفي مثل هذا الوقت بالذات؟؟

ارجوكم يا جمهور الهلال قليل من الوعي...

الحين بالله عليكم مصدقين ان التمياط قال للنادي ابي 30 مليون ولا بروح وخليكم انتم وهلالكم...؟؟

هل تتوقعون ان هذه اخلاق نواف مع النادي اللي طلعه وقدمه للكره السعوديه..؟؟

بعدين ممكن تقولون لي متى قال نواف للنادي انه يبي 30 مليون واللاعب اصلاً مع المنتخب في هولند..؟؟

يعني اتصل على النادي وقال لهم من هولندا ولا ايش..ابي افهم انا بس؟؟؟

كل ما يثار الان هو لزعزعة الزعيم ومحاولة بث الفرقه والانقسام بين جميع الهلالين..

كلنا نعرف ان نواف صاحب اخلاق عاليه ولا عندي شك ان نواف راح يساوم مع ادارة النادي..واعتقد ان نواف نفسه ما يتخل انه يلعب لغير الزعيم...

المشكله ما عندنا في المنتدى الايام هاذي الا نواف بيروح ونواف خلاص باع النادي...ادخل المنتدى واجد اغلب المواضيع تتكلم عن نواف..!! والله شي غريب..!!..ونسى الجميع ان عندنا مباراه مهمه الاسبوع الجاي يجب ان نتحد ونوحد جميع الجهود من اجلها..مو نجلس نقول نواف يبي 30 ونواف يبي 50...

اعيد واكرر...ترى الكارهين للزعيم جالسين الحين يتفرجون علينا ويقولون هذا اللي نبيه نبيهم يتهاوشون على لاعبهم ونخلي هناك فجوه بين النادي والجماهير لانهم حاقدين على العلاقه المجنونه بين الرئيس المحبوب محمد بن فيصل وبين الجماهير...

((نواف ان شاء الله راح يبقى هلالي وراح اذكركم ان شاء الله))

والسلام عليكم.