المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > أرشيف مواضيع منتدى الجمهور الهلالي
   

أرشيف مواضيع منتدى الجمهور الهلالي ارشيف بمواضيع منتدى الهلال السابقة

 
   
 
LinkBack أدوات الموضوع طريقة عرض الموضوع
  #1  
قديم 17/09/2001, 04:41 AM
زعيــم متواصــل
تاريخ التسجيل: 19/12/2000
المكان: الرياض
مشاركات: 56
Exclamation ماكنكم زودتوها شوي .. !!؟؟( لمنتقدي الجزيره )...

اعتقد ان اللي قاعدين نشوفه هاليومين من سب لجريده الجزيره محامي الهلال الاول شي لايمكن السكوت عليه ابد .. انا اشوف ان افضال هالجريده الكثيره على الهلال لايمكن جحودها بمجرد اختلاف الرأي معها في موضوع يخص لاعب كبير وله افضال لايمكن لاحد نكرانها ايضا ولكن بالمقابل لايجب ان ننسى مواقفها الكثيره والايجابيه مع الهلال ...

والحقيقه من وجهة نظري الشخصيه ان فهد المصيبيح لاعب ناجح ومبدع وخلوق لكنه بالمقابل وبكل اسف اداري فاشل ... صحيح ان الهلال حقق 9 بطولات في فترة ادارته ولكن اذا اردنا ان ننسبها له فيجب ان ننسب له تردي مستوى الهلال وتدهوره في مالايقل عن سبع من هذه البطولات وبكل امانه لم يكن مستوى الهلال يؤهله لكسبها او حتى المنافسه عليها فرغم تبدل المدربين الاان المستوى ضل سيء الافي فترة يوردانيسكو ربما لانه مدرب لايرضى المحسوبيات والتدخل في عمله ... ومن يمعن النظر في تشكيلة الهلال في الفتره الماضيه يرى لاعبين ثبتوا ( بضم الثاء وكسر الباء وتشديدها ) بقدرة قادر وبشكل مريب ومنهم على سبيل المثال وليس الحصر حسن العتيبي وتركي القحطاني وحسين المسعري وسيء الذكر محمد لطف هؤلاء مستوياتهم لاتؤهلهم للعب في احد فرق الدرجه الاولى وليس زعيم الانديه الاسيويه بالرغم من وجود لاعبين افضل منهم واصغر ولكن لم يعطوا ربع الفرصه لهؤلاء الذين ثبت فشلهم الذريع ومنهم بندر المطيري ( اللي اخيرا صار يلعب ) وعبدالله المطرف وتركي الشايع واحمدضاري وفيصل ابواثنين الي كان في يوم من الايام احتياطي لتركي القحطاني وحسين المسعري ( شر البلية مايضحك ) وغيرهم كثير ...

السبب الوحيد للعب هؤلاء هو الواسطه ولاشي غيرها فهل يعقل ان يتفق على هؤلاء المفلسين اكثر من مدرب لااعتقد , بل اجزم ان هناك من يفرضهم على المدربين وارى ان فهد المصيبيح هو اداة من يريد لهؤلاء اللاعبين ان يلعبوا ...

ارى ان الهلال في حاجة لمدير كره على مستوى عالي من المسؤليه وقريب من اللاعبين وقوي الشخصيه في ذات الوقت وهذه كلها تنطبق على اللاعب الكبير الامبراطور صالح النعيمه الذي لايمكن ان يقبل لاحد ان يفرض مشاركة لاعب يضر بمصلحة الهلال ...وهذا والله ليس انقاص من شأن اللاعب الخلوق فهد المصيبيح الذي يعلم الله انني من اشد المعجبين به كلاعب ولكنه كأداري ربما تستغل طيبته في غير مصلحة الزعيم ...

والجزيره لم تعطي الفرصه للسلومي الامن باب الحريه واعطاء الفرصه للغير للتعبير عن مشاعرهم لان هذا من حقه واذا كان قد تعرض للمصيبيح فهذا لايعني ان يشن مؤيديه حمله شرسه على السلومي والجزيره , فالسلومي ايضا حارس مخضرم خدم الهلال فترة طويله بكل اخلاص وتفاني ولايجوز ان ننسى كل ذلك في لحظة غضب ... والجزيره لم ولن يدافع عن الهلال احد كما فعلت وتفعل ولايمكن لاحد انكار افضالها على الهلال ودفاعها عنه فالهلال لايوجد من يدافع عنه اعلاميا من اعضاء الشرف وحتى رؤساءه اذا حمي الوطيس وحيكت ضده المؤامرات ... اذا بحثنا عن من يذب عن الهلال ويدافع عنه ويعطيه حقه وينصفه ويعري ويكشف الحاقدين عليه لانجد الا الجزيره ( ومنتدى الزعيم منذ افتتاحه ) ...

ويكفي الجزيره تقديمها لنا نخبه من الكتاب وعلى رأسهم الكاتب الكبير والغيور على الهلال حجة الهلال صالح السليمان الي فاقع مرارة النصراويين بالحقائق الي يتحفنا بها دائما , والهدلق والرشيد والعجلان وغيرهم الكثير من المبدعين ...

لايوجد عمل كامل فالكامل وجه الله وكل عمل لابد ان يعتريه نقص , والجزيره بحمد الله تميل الى الكمال ونتمنى منها المزيد ان شاء الله ...

ووالله لم اكتب هذا الكلام الاحبا للهلال وبحثا عن مصلحته .. وبأذن الله يظل الهلال زعيما رضي من رضي وابى من ابى ....
  #2  
قديم 17/09/2001, 06:29 AM
زعيــم جديــد
تاريخ التسجيل: 12/07/2001
المكان: U.S.A
مشاركات: 4
Thumbs up

Kfait o wafait 3azezzy o ana ma3aak 100%
  #3  
قديم 17/09/2001, 12:52 PM
عضو سابق في اللجنه الإعلاميه
تاريخ التسجيل: 08/12/2000
المكان: الرياض
مشاركات: 1,245
اخوي المهيب

اول شيء افضال الهلال على الجزيره وليس العكس

لانه بسبب الهلال وجمهوره يزداد التوزيع والربح



اما الاستاذ فهد المصيبيح فاشل

انا اخالفك كيف فاشل والهلال معه يحقق المزيد من البطولات

اما مسألت فيصل ابو اثنن والسلومي ففيصل رغم حبي لهذا اللاعب الكبير لاكن مشاكله كثيره مع الادارة السابقه فبل المصيبيح والجميع يتذكر انه كان يبي ينسق من النادي بسببها
اما السلومي ما ادري وش وجهت نضرك فيه هل سيفيد الهلال بهذا السن مع وجود الدعيع العتيبي ضاري والماس



واخيرا لك تحياتي
  #4  
قديم 17/09/2001, 01:40 PM
زعيــم مميــز
تاريخ التسجيل: 26/02/2001
المكان: United Kingdom -Bournemouth
مشاركات: 1,502
اهلين فيك
  #5  
قديم 18/09/2001, 04:39 AM
زعيــم متواصــل
تاريخ التسجيل: 19/12/2000
المكان: الرياض
مشاركات: 56
الاخ سنافي ... مشكور اخوي على ردك .

الاخ النمر المقنع ... مشكور على مداخلتك .. بالنسبه لقولك ان افضال الهلال على الجزيره وليس العكس فانا اشوف ان افضال الهلال على كل الجرايد لكن هل كل الجرايد تدافع عن الهلال وتعطيه حقه .. مااعتقد واكبر دليل الرياضيه وعالم الرياضه وحتى الرياض وبقية الجرايد .. بالنسبه للمصيبيح والبطولات انا بينت وجهة نظري في الموضوع الاساسي .. اما فيصل ابواثنين فمشكلته الاساسيه فهي مع بندر بن محمد اللي اعتقد ان المصيبيح اداته لتطفيش وابعاد فيصل .. اما السلومي فانا ماقلت انه راح يفيد الهلال في هذا السن انا كل اللي قلته انه لاعب كبير خدم الهلال فتره طويله بكل اخلاص وتفاني لذلك تمنيت ان رحيله عن الهلال يكون في مستوى خدمته للهلال والهلال معروف بتقديره للاعبينه , لذلك لايجب ان ننسى مشوار لاعب كامل مع الهلال بسبب تصريح ...

الاخ نواف العماري ... هلا فيك وليتك اتحفتنى برأيك .
  #6  
قديم 18/09/2001, 05:08 AM
زعيــم جديــد
تاريخ التسجيل: 25/07/2001
المكان: الرياض
مشاركات: 47
أحسنت

والله انّه كان يدور في بالي انّي أطرح موضوع في هذا المنتدى بنفس المحاور و الأفكار اللتي طرحتها.....
نعم الجزيره هي اللتي أخذت تدافع عن كثير من حقوق الهلال المسلوبه ....
نعم بقدر ما نحب المصيبيح كلاعب و كشخص و ك مخلص للهلال ولكن لا نحب ان نراه اداري ،،لأن سياسته بامكانها النجاح مع الأشبال و الناشئين و الذين لم تتبلور شخصيتهم الرياضيه بعد ولكن هذا الكلام مرفوض في ان تستخدم سياسة الانضباط العسكري و الاستغناء عن المواهب مع لاعبين كبار من حيث الموهبه و الخبره و السن .
كلامك يا المهيب عين العقل ،، والله كفّيت ووفيت ...
يعطيك العافيه ...
  #7  
قديم 19/09/2001, 03:08 AM
زعيــم متواصــل
تاريخ التسجيل: 19/12/2000
المكان: الرياض
مشاركات: 56
الاخ فتى شقراء ... اشكرك اخوي على تأييدك و مشاركتك اللي اعتبرها اضافه ثمينه للموضوع ... وللاسف ان هناك ( قله ) استغلت هالمشكله البسيطه للنيل من محامي الهلال الاول لغرض في نفوسهم .

اخر تعديل كان بواسطة » المهيب في يوم » 19/09/2001 عند الساعة » 03:34 AM
  #8  
قديم 19/09/2001, 04:06 PM
زعيــم متواصــل
تاريخ التسجيل: 24/08/2001
المكان: BLUE LAND
مشاركات: 91
ياخوي المصيبيح مايستاهل كل هذا النقد
لانه الرجل المناسب في المكان المناسب
  #9  
قديم 19/09/2001, 07:17 PM
زعيــم نشيــط
تاريخ التسجيل: 19/04/2001
المكان: الرياض
مشاركات: 946
حبيب البي...
المهيب الركن.......
اولامبروك على دخولك للمنتدى..
وهذا رد على سلامك اللي سلمت علينا فيه ببداية دخولك الى الزعيم العنكبوتي..
وبالنسبه للجريده...وهذا افضل تكريم او من افضل مايطلق عليها انها(جريده)..وتعلم ان الجريد او الجريده ذوفائده معدومه لدى المزارعين وربما يستفاد منها بإستخدامها..
بأشياء بعيده عن السلوك الحضاري..مثل (المشاجرات)..
على العموم يااخ(مهيب)..
المصيبيح الآن نشد على يده لوجوده داخل موقعه الإداري والذي من خلاله (نظٌف)..اشباه اللاعبين وأدار الفريق بشكل محترف..
وكشخص نرى ان المصيبيح ......ولكن نراه من منظورآخر على انه رجل اداري يخدم الزعيم والزعيم فقط..
ولايستخدم المصيبيح (نفوذه)...كما يستخدمه (رئيس القسم)..ولايستطيع ان يدير اللاعبين..بمبداء(التوجيه او الريموت كنترول)..
وذلك لأن ادارة الهلال ربما يضهر عضوشرف فعال ليوقف اي شخص عند حدوده بعيدا..عن(الحقد)...او(الميول)..والتي تتبعها بعض(الجرايد)..
ولاانكر ماقدمت هذه (الجريده) للهلال...ولكن عندما كان هناك اناس هلاليين بحق..ويتولون زمام الأمور ولايرضون (بالظلم)..او(تصفية الحسابات)..على حساب المصلحه الهلاليه..
اما بالنسبه لللاعب(لطف)..فربما انك انك تتبع مبداء(عليهم عليهم)..والذي تتخذه صحيفتك نبراس لها ومن منطلق اعجاب(معالي المهيب)بـ هذه الجريده..فهذا اللاعب.
من اللاعبين الذين رفضوا اللقاءات(المفبركه)..والتي يكون البطل فيها صاحب الإسم..
(.......)..على العموم يااخ (المهيب الركن)..اعتقد انك لاتعلم من هو محمد لطف..
وربما لانلومك لأنك من مؤيدي (الفتنه)..عفوا (الجريده)..
واما ان تكون هذا اليوم الثاني او الثالث لدخولك وتشجيعك للزعيم ولذلك لاتعلم من هو محمد لطف..ولعلك لو إطلعت على بطولة سوريا اوبطولة المؤسس لعرفت من هو مجمد لطف رغم اني (اشك في ذلك)..
ويخليك ربي..
...........إلـــــــــك
  #10  
قديم 19/09/2001, 08:49 PM
زعيــم نشيــط
تاريخ التسجيل: 18/01/2001
المكان: داخل الوطن
مشاركات: 837
Cool

في ناس قالوا هالكلام وتوقفوا والا بالله عليكم من شاف المسعري في المباره الأخيرة مع الشعله يقول هذا لاعب والا مجمع كور


الزبده اللي حاصل : واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه + واسطه = انتهاء الزعيم
  #11  
قديم 20/09/2001, 08:36 AM
زعيــم متواصــل
تاريخ التسجيل: 19/12/2000
المكان: الرياض
مشاركات: 56
الاخ player ... اخوي هذا رأيك وكل واحد منا له رأيه وانا اشوف انه مهوب مكانه المناسب .. شكرا لمداخلتك .


الاخ ابورشا ... اهلين حبيبي .. انت تقول ان المصيبيح نظف الفريق من اشباه اللاعبين .. مدري من تقصد باشباه اللاعبين لكن ان كان من ضمنهم احمد ضاري وفيصل ابواثنين وتعتبرهم انت من انصاف اللاعبين فهذا شي راجعلك .. وان كانك تعتبر حسين المسعري وتركي القحطاني وحسن العتيبي وباقي الشله لعيبه كاملين فهذا ايضا شي راجعلك واترك الحكم للجمهور .. ( ايضا شر البلية مايضحك )..

بالنسبه لنفوذ رئيس القسم زي ماذكرت .. فأنا اشوف ان الجريده تبدي وجه نظر شريحه من جمهور الهلال وان كان رأيها في بعض المواضيع مايعجبك فليس بالضروره انه مايعجبني والعكس صحيح .. وانحن تعودنا في الهلال على تقبل وجهات النظر الاخرى وهذا اللي يميزنا عن غيرنا في الانديه الاخرى ولك في النادي الجار اكبر مثل على الدكتاتوريه ومبدأ ان اختلاف الرأي يفسد للود الف قضيه ...

اما محمد لطف فأنا لما قلت انه سيء الذكر كنت اقصد مشكلته اللي فكتنا منه وان كانك تدري عن مشكلته وتقول هالكلام فهذه مصيبه وان كانك ماتدري فالمصيبه اعظم عموما ماالومك لو كنت ماتدري لانك ماشجعت الهلال الا من خمس شهور حسب تاريخ تسجيلك ( هذي نظريتك ) على فكره انا مسجل عام 2000 يعني على الاقل قبلك اشجع الهلال .. وبالنسبه لمستواه كلاعب فهو سيء وسيء جدا وارجوا انك تشوف مباريات الهلال اللي شارك فيها وتدقق زين وبتعرف ان مستواه مايأهله للعب لفريق الشعيب بحريملاء ومن فوقه ..

مشكور اخوي على مشاركتك .. وعلى فكره ترى الجريد والسعف منول يستفيدون منه ويسقفون به البيوت وحاليا يستفيدون من في بناء العشش لوضع بعض المحاصيل الزراعيه فيها .. ( قلبتها معلومات زراعيه ) ..


الاخ هلالي حتى الثماله .. مشكور على المشاركه وكلامك سليم 100% ..
  #12  
قديم 20/09/2001, 09:00 PM
زعيــم نشيــط
تاريخ التسجيل: 19/04/2001
المكان: الرياض
مشاركات: 946
حبيب البي...
الأخ المهيب...
مشكور على كلامك الحلو مرررره..
وخصوصا بالألفاظ التي تقطر..(ثقافه)..
على العموم..ياخ مهيب..بالنسبه للقحطاني والمسعري والشهراني..فهذولا مصيرهم بيد المدرب وتعرف زي ماذكرت اننا مش زي جيراننا نتمتع بالدكتاتوريه المطلقه..
وبعدين هذولا لاعبين ينامون عند باب بالنادي يعني مافيه اي ملاحظه عليهم..
اما المسعري فلو عندك مكتبه فديو- وهذ عباره عن مكتبه تحط فيها مجموعه من الأشرطه اللي تخص مباريات الهلال - كان لاحظت من هو المسعري من اول موسم لعب فيه..
ولكن السعري مااحد يحبه ربما لانه لايملك واسطه وربما لانه لايملك اصدقاء من (الجرايد)..وهذا ماساهم بركنه بعيدا عن الأضواء..
ولو تلاحظ يامهيب ان خميس العويران يمر بنفس المرحله ...وهو انه نجم ولكنه نجم للجماهير وليس له مكانه عند الصحافه..والحمد لله انه لم يتعرض لإصابات مثل اللي تعرض لها المسعري..
اما بالنسبه لأنصاف او اشباه اللاعبين...
فالله يهديك ياليت تركز شوي..-اعرف انها صعبه عليك بس تحمل-..(وانحن) الحين في عصر محترف والكوره يعني اكل عيش يعني مستقبل آني لازم يستفيد منه اللاعب لتامين
مستقبله...وهذا يعود للمدير والأداري بأن يعامل هؤلاء اللاعبين بنفس الأسلوب الإحترافي...يعني خصم وتوبيخ وربما ايقاف وخصوصا اذا قل(أدبه)..
وخلي معي يااخوي مهيب...
الشبل السلومي..الحين عمره صغير..(يمكن 13سنه)..وسنه يعرضه لمشاكل وخصوصا اثناء المباريات...ورغم ما(صنع )للهلاليين من مجد وذلك لأنه يلعب في اكثر من مركز
وخصوصا انه حارس وراس حربه ومدلك ومترجم..الا انه قلل من(أدبه)..وراح (لدباس)...يفضفض...من حر مايوجس..وعلى ايه ياسلومي..على هالتاريخ والا على هاالمستويات اللي مبلشينا مندوبين اليوفنتس والأنتر عليك يالكبري..قلي مباراتين وراء بعض ابدع فيها (شومخر العريجاء)...
ومن هنا الطريقه التي تتبعها الجزيره ..مقززه جدا..
فاإذا كانت الجزيره تخاف على مستوى ومصلحة الزعيم ؟؟هل هذي هي الطريقه (المؤدبه) والتي تخاطب الإداره بها؟؟
وبعدين ليه اسلوب (نشر الغسيل) بالطريقه هذي...والجزيره تعتبر من الجرايد(الرائده) وخصوصا في المجال الرياضي..
والشخص المقصود هو(المصيبيح)..
يااخي المصيبيح استفاد من الجزيره كثيرا...وراجع نفسه وغير اشياء كثيره ولوتسأل واحد من اللاعبين يقولك الشيء هذااا....ولازالت الحمله مستمره ...
وبعدين لوراح المصيبح من المؤهل لشغل هذا المنصب والتفرغ له كاملا...
وليه حاطين ان كل اللاعبين(الواسطه) هو اللي متوسط لهم..
يااخي (انحن)...مع المصيبيح والرئيس وحتى مع المسعد...(لاالنافيه)...لانهم يؤدون ويعملون بإسم الهلال..
وكل عمل لازم يشوفه نوعا من الأخطاء ...او الإرتباك ولسنا من القريبين من النادي او اإداره عشان نحكم على شخص واحد ونحمله المسؤليه كامله..
وبالنسبه للصحفي مشجع (الكوكب)..اظن انه متأثرمن كثرالمشاوير اللي يروح فيها للخرج اكثر من متابعته للهلال...
(وشر البليه مايضحك)...
بالنسبه للجريد(انحن)...ساكنين بالرياض..
ونذكر شيبانا يقولون...
ترى ابي اجلدك بجريد..
يخليك ربي...ياعصبي.
:p ........................إلـــــــــــك
  #13  
قديم 21/09/2001, 10:56 AM
زعيــم متواصــل
تاريخ التسجيل: 19/12/2000
المكان: الرياض
مشاركات: 56
الاخ ابو رشا ... هلافيك حبيبي .. انا بدوري احب اشكرك على كلامك اللي مافيه تهكم ابد و كله احترام للرأي الاخر واللي يزخر بالحكمه وبعد النظر ...!!!

اخوي اللي ينامون عند باب النادي واجد (( كثير )) لكن مايلعب منهم الاالكسر (( جمع كسره – وهو اللي مامنه فايده )) وهالشي تكرر مع اكثر من مدرب وهالوضع مريب (( مثير للشك )) ويدل ان الواسطه قايم سوقها ...

بالنسبه لمكتبه الفيديو فهي مفيده لك وللي زيك (( مثلك )) من اللي سنوات تشجيعهم للهلال مايتعدى اصابع اليد الوحده مما يبدوا .. لذلك انا مااحتاجلها والمسعري شايف مستواه من اول يوم شارك فيه مع الهلال .. ومستواه حاليا يجيب الهم ويثير الشفقه على حال الهلال اللي كل من هب ودب صار يلعب له للاسف ...


اما خميس العويران فمافيه مجال للمقارنه بينه وبين المسعري .. وش جاب الثرى للثريا.. خميس فرض نفسه بنجوميته اللي يشهدله الجميع فيها وما يحتاج شفاعة احد عشان يلعب بعد ماعرف الناس مستواه .. والصحافه مهما كتبت لايمكن تأثر في اللي عنده رأي يؤمن فيه وعقل يميز فيه الغث من السمين ...

وبعدين انت تقول - انّا – (( عساك مبسوط ومرتاح على انّا )) في عصر محترف (( مدري وين جبتها منه ذي – قصدك عصر الاحتراف )) لذلك لابد للاداري انه يعامل اللاعبين باسلوب احترافي .. كلام سليم وممتاز لكن هل الاسلوب الاحترافي انك تشوف موعد حضور وانصراف اللاعبين وانتهينا وتعامل اللاعبين بطريقه متسلطه وتحول النادي الى ثكنه عسكريه ... اللين مطلوب والشده كذلك والمطلوب الجمع بينهم ...


السلومي عزيزي انا قلت اني اتمنى انه يترك الهلال بطريقه تليق بتاريخه الطويل مع الهلال وتظحياته بغض النظر عن ماتخلل تاريخه من ايجابيات وسلبيات .. وبعدين كلامه للجزيره حق من حقوقه بعد اللي شافه من عدم التقدير له بعد التاريخ الطويل وانت قلت بنفسك ( يفضفض من حر مايوجس ) .. يعني مستكثر عليه يقول اللي في خاطره ...


اشكرك اخوي ابو رشا على مشاركتك .. واختلاف الرأي لايفسد للود قضيه .
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:29 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube