|
نقل المباراه الي الرياض السلام عليكم ورحمة الله وبركاته بخصوص مباراة المنتخب الايراني مع المنتخب السعودي التي ستقام في جده ارجوا نقلها الي الرياض وذلك لان ملعب جده صغير وهو لن يجعل مسافات فاضيه في الدفاع الايراني وسيجعل دفاعهم قريب من بعض ومتماسك اما ملعب الرياض استاد الملك فهو اكبر وستكون هناك مساحات فاضيه وبالنسبه للجمهور يكفي استاد الملك ان الصوت فيه يتضخم وهو مانبيه لارهاب المنتخب الايراني اعود واقول ان ملعب جده سيفيد المنتخب الايراني اكثر منا |
@@ وأنا أضم صوتي لصوتك .. @@ فعلاً ... أمر غريب !!! |
ستاد الملك فهد تتم صيانته استعدادا لاستضافه بطولة الخليج وسيكون افتتاح الاستاد في فبراير - شوال القادم بإذن الله ومساله نقل المباراة صعبه جدا ... وافضل ان تكون في جده عشان ما يفشلوننا جماهير الرياض ... جماهير الدشوش |
اخوي الصبحي صبحك الله بالخير مع احترامي لوجهة نظرك الا انها غير صحيحه الملعب مساحته وحده انا اقصد المسطح الاخضر لكن اعتقد انك تطالع الملعب كله وتقول ان استاد الملك فهد اكبر ومعليش مره ثانيه |
لالا انا اعترض معك رغم انى من الرياض بصراحه الجماهير فى جده بيشعللون المباراه يعنى تشجيع طول المباراه مهوب مثل ربعنا!! |
وانا اضم صوتي مع نايف شباب الرياض دورهم بالقهاوي:D :D |
جماهير الرياض فاااااااااااااشله مغير يقشمون حب و واجد يحذف قوارير على سامي والثاني يسب ماطر و و و و |
السلام عليكم ورحمة الله وبركاته احبائي مشكورين للردود انا ما ني من اهل الرياض بعد بالعكس جده اقربلي بس انا اتوقع انا مساحة ملعب جده اصغر من مساحة استاد الملك اما اذا كان فيه اصلاحات في الاستاد فهذا العذر علي العموم انشاء الله الفوز حليفنا في جميع المباريات القدمه ونتأهل بأذن الله وشكرنا اخواني الصوت الازرق سهيل 9smsm9 نايف1 هلال الخبر شقراوي هلالي |
والله مهيب شينه!!!! مسا الخير او صباح الخير انا اقول لو تجيب جمهور جده في ستاد الملك فهد كان تكمل يعني الملعب كويس وصوت الجمهور فيه يتضخم وهذا هو المطلوب لإرهاب المنتخب الايراني ولكن للأسف الكلام هذا غير ممكن وكلنا عارفين السبب واللي ذكره اخوي سهيل الله يعطيه العافيه |
ملعب جدة كويس يالربع ولا به احسن منه الا استاد الملك فهد لكن الاستاد مغيرين الارضية بعد اصابة نووووووووواف |
تحياتي يا إخوان أولاً : مساحة أرضية الملعب واحدة سواء إستاد الملك فهد أو ملعب جدة أو ملعب الملز ثانياً : المباراة حدد لها ملعب جدة خلال وضع القرعة وذلك لأسباب فنية وتكتيكية على ما يبدو وذلك لأن المنتخب الإيراني لا يستطيع اللعب في الأجواء الرطبة والتي تتمتع بها مدينة جدة مما سيؤثر على تحركات وتنقل لاعبي إيران كلما مر الوقت وهم أصلاً ثقيلي الحركة وسط الملعب ولا أدل على مدى تأثرهم بالرطوبة من مباراتهم في بانكوك مع تايلند ثالثاً : لو كان نقل المباراة بسبب تفاعل الجمهور كان لعبت مباراة البحرين في جدة بدل الرياض وكان مباراة تايلند وضعت في جدة وليس في الرياض كما هو مقرر. وبعدين جمهور الرياض وقت المباريات الحساسة لا يضاهييه جمهور نسينا مباراةتنا مع الصين وإيران في تصفيات كأس العالم 98م وحضور 70ألف ليس كحضور 35ألف رابعاً : مباراة تايلند ستكون في إستاد الملك فهد للمعلومية فقط لمن قال أنه سيفتتح في شوال |
اخوي ابو فارس مباراة تايلند ستقام في ستاد الامير فيصل بن فهد بالملز نظرا لعدم اكتمال ارضيه ستاد الملك فهد والا والله اتمنى انها تكون في الاستاد ... احلى ختام لتأهل المنتخب |
----- أول شي جمهور الرياض لا يعلا عليه .... مستحيل ننسى مباريات كان لجمهور الرياض دور فيها ولو بعد هذي المباريات رح اتعب .. بعدين ظروف المبارة هذي غير عن مبارة البحرين اللي بالرياض هذيك المبارة ما كان الجمهور متحمس لهالأنها البدايه .... بس لا جاء وقت الجد بتشوفون الملعب مليان على الآخر..... الشي الثاني مدرجات استاد جده صغيره بمعنى الكلمه... مهما كاد عدد الجمهور ما رح يكون كافي لترويع المنتخب الايراني .... واعتقد ان طريقه التشجيع في جده طريقه طربيه بس يعني اهازيج توسع الصدر لكن ما تحمس اللآعبين .... وايضاً الاخوان اللي ذكروا ان مساحة المستطيل الاخضر في جميع الملاعب متساويه غلطانين حيث انه تختلف ولها على حسب علمي ثلاثه مقاسات ويعتبر استاد الملك فهد من اكبرها...... على العموم لو كان استاد جده بنفس الحجم اللي في هذا الرابط ممكن نقول اوكي المبارة تقام هناك 0000 http://alzaeem.com/vb/showthread.php?threadid=29762 على الرغم اني ما اتوقع ان هذا الملعب لجده على ان اهل جده يستاهلون اكثر بس شكل الملعب احد الملاعب اللي رح تفتتح في كوريا او اليابان0000 وشكراااااااااااااااااا |
انا خايفه على لاعبين الهلال من الجماهير الاتحاديه والاهلاويه وبالاخص على قائد المنتخب سامي الجابر :( :( :( خايفه من رمي الكلام والقوارير ومدام طاوعهم قلبهم على رمي القوارير اخاف يرمون اشياء ثانيه:confused: :confused: :eek: باختصاااااااار انا خايفه عليهم من الاحباط:confused: |
kil il jamaheer oo ne3im bas il 9ara7ah jeddah '3air!!!!!!!!!!!!!!!!!!!!!!!:D :D :D |
| الوقت المعتمد في المنتدى بتوقيت جرينتش +3.
الوقت الان » 03:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd