رحله متعبه .. ومنظر يشوه بلادنا .. - نادي الهلال السعودي - شبكة الزعيم

الكلاسيكي · #1 30/08/2006, 11:47 AM

صباح الخير .. لمن استمع لزقزقة العصافير ..
ونظر لشروق الشمس .. وودّع الأمس ..

مساء معطر بشذى الورود .. وعطر الزهور ..
مساء كله صفاء .. مساء كله إخاء ..
اخواني اخواتي ..

اعود من جديد بعد غيبابي لمدة اسبوعين لسفري ..
ودي اجلس أكثر بس الشوق جابني لكم ..

ملاحضه/قبل البدء في موضوعي .. سيوجد على بعض الكلمات (*) يدل على ان له معنى في
الحاشيه في اسفل الموضوع

المهم كنت ناوي اقضي بعض الاشغال في صباح يوم الثلاثاء ..بعد ماحسيت اني نشيط هذاك اليوم
قلت يالله نروح ونقضي بعض الاشغال .. ونمر على احد الدوائر لتكملة اجراءات .. ونفطر بالطريق ..

ركبت السياره .. مشيت <<اجل طرت :p .. المهم في الطريق اكيد راح تقابلك اشارات .. والاشارات
احياناً من سوء الحظ تكون زحمااات .. والزحمات في بعض الاحيان تؤدي الى فقدان الشهيه .. مما ادى الى
صرف النظر عن الفطور .. وانا جالس انتظر الاشاره تولّع للمره الثالثه وانا ماوصلت لها ..
الا وأسمع زجاج السياره .. طق طق طق .. والتفت وفي وجهي علامة تعجب

واحصل ولد في السادسه تقريباً من عمره يقول عطني مما اعطاك الله .. بيني وبينكم مع اني اشك فيهم .. الا اني ارحمهم احياناً
.. قلت له الله يعطيك .. بس الولد مصر شوي ويسحبني من النافذه. وفي روايه الدريشه

قلت يالله بدور له فكه !! وعطيت مما اعطاني الله :p

شوي وامشي واوقف عن الاشاره الثانيه .. الا وهذاك اللي جايلي يمشي 220 يقول تشتري ماء ..
انا والله ظميان .. بس مدري قلت يمكن بعبيها من اي ماء .. مع اني راحمه ..

.. قلت مشكور ..

واتعدى الاشاره بسلام .. واقوف عند اخرى ... ويجيني واحد ويقول دييين عود دييين عود (دهن عود وعطورات )
وكريمات .. قلت بسلامتك انا ناقصك بعد .. وشوي وواحد يبيع شماسات

<<كأننا الحين في مدينة يمر فيها خط الاستواء *(لمن لايعرف ذكر خط الاستواء سيجده بالحاشيه في الاسفل

)

الموهم .. رحت وقضيتي اشغالي اللي مابغت تخلص من تعقيدات اجرائات بعض الدوائر الحكوميه ..

وانا راجع .. والشمس في كبد السماء .. عز القايله <<نقلاً عهن جدي ..

جاني باكستاني وانا عن احد الاشارت الغثه ..

ومعه جوال بيبيعه متهالك .. بدون ابراج .. من شفت الباكستاني
جايني وانا اقول في نفسي عسى مو مكتوب علي حراج بن قاسم * وانا مدري

..
جاني الباكستاني ويبدوا عليه الحاجه .. والتعب ..

وقال لي .. استري .. قلت كم ؟

<<لمجرد الفضول فقط ..
قال 150 .. قلت مايسوى .. قال يبغى يشيل 100 ... قلت انا اعطيك 150ريال خليه معك

ولا تستغربون لما تشوفون واحد جاي بثلاجه عند الاشاره للبيع .. او اثاث مستعمل

قلت لا ما ابغاه .. ونفسي راقيه بين حاجبيّ .. من الحر الشاوي .. والجو الكاوي ..

وبعدها ولعت الاشاره خضراء .. بعدما صغرت عيناي لرؤية اللون .. << طقوس خاصه لمن لديه ظعف في النظر
ورجعت للبيت بعد رحله متعبه .. لأجد السرير يغريني بشكله المرتب << اقول لايكثر بس

لأهجم بكل قواي العقليه والبدنيه على السرير .. على وجهي :p

===========================================================================

مايستغرب في الموضوع .. أين مكافحة التسول ..عن هؤلاء ..
أم انهم لازالوا كما كانوا في سباتٍ عميق ..
فالمتسولين يشوهون منظر بلادنا وبالاخص الرياض الذي تمتلأ الارصفه منهم .. ومنهم المحتاج الحقيقي
وكثير منهم كاذبون .. ويخدعونا بمناظرهم الكاذبه .. ونحن من ندعمهم ..
قال احد المشايخ على الشخص ان لا يدفع لمن يتسول عند الاشارات ..
لان هنالك مايسمى بالجمعيات الخيريه .. والضمان الاجتماعي ..

ثانياً / ايضاً البائعون الذين حول الاشارت .. اين المسؤلين عنهم .. الطرق ليست اماكن للبيع ..
نعم هم يترزقون .. ولكن هنالك اماكن أخرى للبيع ..
ونحن نسمع دائماً حوادث الدهس لاطفال يشحذون او يبيعون... ولكن لانرى عقوبه رادعه لمثل تلك ..
امام الاشارات ..

هذه المناظر غير حضاريه ابداً .. وتشوه مناظر بلادنا الحبيبه .. لذلك اتمنى زوالها ..
ولو اني اشك في ذلك .. لعدم وجود رقيب ولا حسيب ..

عموماً اعتذر عن الاطاله .. واتتمنى اني ما اكون غثيثاً كغثة اجراءات المرور وبعض الدوائر ..

الحاشيه ..
* اكثر المدن التي يمر بها خط الاستواء تكثر بها الامطار في فصل الصيف بغزاره .. مثال /: الخرطوم
* حراج بن قاسم .. حراج في جنوب الرياض .. كل من هب ودب يبيع فيه .. اشياء جديده واشياء مستعمله..
ويقولون في زحمه غير طبيعيه ..

ولكم مني أرق وأعذب التحايا..
ودمتم أحبتي بكل الود وعبير الورد ..

كلاسيكو

نـــــــ15ــــــمر · #2 30/08/2006, 12:04 PM

هلا
بالكاسيكي حبيبي
الغائب الحاضر دائما في قلوبنا
من جد لك وحشه
والحمد لله على السلامه
وما قلتلنا وين رحت شكلك طلعت على روسيا
والله اني اعرف اسوق
وبالنسبه للي يشحذون في هالشوارع
الله يعننا واياك بس انا
حسب النفسيه اذا كنت قافله معي
اعطيه اقول عسى الله يفرج همي
والي يبيعون ما اشتري الا المويه ويا موسوس تقول معبيها
من براده المسجد ياخي وين عايشين
وكانك شايف البرنامج الي جابته السعوديه قبل مده يحكي عن نفس موضوعك
وجابو وحده مصريه يقولون دكتوره نفسيه
وقامت تتفلسف واجد
ولا يقول في الشتاء يبيعون العاب وعصافير
عاد تصدق
الحلو في الشرقيه
ان في شارع الظهران وخاصه في الليل
يبيعون ورد احمر عاد من يوم ما اشوفه
ادقله بوري واقول صديق ويجي يدربي راسه اقول كم يقول 5 ريال
اقول 2 ريال يفقول
اشتري 2 خمسه ريال المهم
اخذها بريالين
واناظر الورده وانا مبسوط
اقول متى يجي اليوم الي اعطيها زوجتي
يا الله ما بقى شيء
ونرجع لمحور حديثنا
بصراحه الظاهره هذي المفروض يشوفون لها حل
لان بصراحه ظاهر شيئه
مع اننها منتشره في جميع انحاء العالم
الكلاسيكي
الحمد لله على السلامه
ولا تحرمنا من شوفتك

تشـــــــــــــــــــــــــــــــــــاو

AMJADG · #3 30/08/2006, 12:09 PM

مشكور اخوي .. من زمان وحنا نصيح بس وين اللي يسمع

ابويارا المغترب · #4 30/08/2006, 12:11 PM

هلا وغلا بالكلاسكي ... ,,,

والله لك وحشة ,, والحمد لله على السلامة,,

موضوع جميل وراااااااائع وراااااااااايق ....

ولكن لاحيـــاة لمن تنـــادي....

على فكرة جميع مواضيعك شيقة ومفيدة.....

دمت في رعاية المولى وحفظك الله من كل مكروهـ ,,,

فيلسوفة الكره 100% · #5 30/08/2006, 12:12 PM

الحمدلله على السلامه ,,

لا عاد تبطي علانا مرة ثانيه ... هااااه ,,,

والله معك حق أخوي ,,
الشرطة عندهم فرع لمكافحة التسول , لكن المشكله أنو هالفرع هذا يحطون فيه

الخدم الهاربين يعني اللي يمسكونهم , او مثلا لما يجي الكفيل يودي سواقه ولا شغالته

للشرطة يحطون هالسواق والشغالة في حق التسول !!!

يعني يصير فيه لخبطه ,

الله يعين بش <<< يعني بس

وثانكيويويويو على الموضوع الحلوو ..

الكايد أحلى · #6 30/08/2006, 12:22 PM

إقتباس


	.. أين مكافحة التسول ..عن هؤلاء .. أم انهم لازالوا كما كانوا في سباتٍ عميق

سبات 24/24

إقتباس


	وقال لي .. استري .. قلت كم ؟ <<لمجرد الفضول فقط .. قال 150 .. قلت مايسوى .. قال يبغى يشيل 100 ... قلت انا اعطيك 150ريال خليه معك

ووافق!!!!!

معاناة شيقه وممتعة<<

تحياتي إلك

ابو زيد الهلالي 9 · #7 30/08/2006, 12:32 PM

اهلا بعودتك يالكلاسيكي..

مكافحة التسووول اين هي سؤال وجيه ورائع؟!!!

مشكلة هذه الادارات ان اشخاصها لم قرون من الزمن ولم يتحركوا من مكانهم..ولكن العتب يوجه للداخليه..

the night wolf · #8 30/08/2006, 02:39 PM

الله يعطيك العافية على الموضوع اللي من جد بالصميم

ادريس الهلالي · #9 30/08/2006, 03:30 PM

ابداع لا حدود له

فهد_المشيطي · #10 30/08/2006, 03:49 PM

هلا والله اخوي الكلاسيكي

بالنسبه لموضوعك واله من جد الوضع يفشل

ومكافحة التسول نايمة

مادري الى متى نستمر زي كذا

والف شكرا لك

خفايا الهلال · #11 30/08/2006, 05:50 PM

إقتباس


	صباح الخير .. لمن استمع لزقزقة العصافير .. ونظر لشروق الشمس .. وودّع الأمس ..

صباح النور والسرور ..

إقتباس


	اعود من جديد بعد غيبابي لمدة اسبوعين لسفري .. ودي اجلس أكثر بس الشوق جابني لكم ..

غيباك اثر ع المجلس ،، لا تعودهـا ;)

إقتباس


	المهم كنت ناوي اقضي بعض الاشغال في صباح يوم الثلاثاء ..بعد ماحسيت اني نشيط هذاك اليوم قلت يالله نروح ونقضي بعض الاشغال .. ونمر على احد الدوائر لتكملة اجراءات .. ونفطر بالطريق .. ركبت السياره .. مشيت <<اجل طرت .. المهم في الطريق اكيد راح تقابلك اشارات .. والاشارات احياناً من سوء الحظ تكون زحمااات .. والزحمات في بعض الاحيان تؤدي الى فقدان الشهيه .. مما ادى الى صرف النظر عن الفطور .. وانا جالس انتظر الاشاره تولّع للمره الثالثه وانا ماوصلت لها .. الا وأسمع زجاج السياره .. طق طق طق .. والتفت وفي وجهي علامة تعجب واحصل ولد في السادسه تقريباً من عمره يقول عطني مما اعطاك الله .. بيني وبينكم مع اني اشك فيهم .. الا اني ارحمهم احياناً .. قلت له الله يعطيك .. بس الولد مصر شوي ويسحبني من النافذه. وفي روايه الدريشه قلت يالله بدور له فكه !! وعطيت مما اعطاني الله شوي وامشي واوقف عن الاشاره الثانيه .. الا وهذاك اللي جايلي يمشي 220 يقول تشتري ماء .. انا والله ظميان .. بس مدري قلت يمكن بعبيها من اي ماء .. مع اني راحمه .. .. قلت مشكور .. واتعدى الاشاره بسلام .. واقوف عند اخرى ... ويجيني واحد ويقول دييين عود دييين عود (دهن عود وعطورات ) وكريمات .. قلت بسلامتك انا ناقصك بعد .. وشوي وواحد يبيع شماسات <<كأننا الحين في مدينة يمر فيها خط الاستواء (لمن لايعرف ذكر خط الاستواء سيجده بالحاشيه في الاسفل ) الموهم .. رحت وقضيتي اشغالي اللي مابغت تخلص من تعقيدات اجرائات بعض الدوائر الحكوميه .. وانا راجع .. والشمس في كبد السماء .. عز القايله <<نقلاً عهن جدي .. جاني باكستاني وانا عن احد الاشارت الغثه .. ومعه جوال بيبيعه متهالك .. بدون ابراج .. من شفت الباكستاني جايني وانا اقول في نفسي عسى مو مكتوب علي حراج بن قاسم وانا مدري .. جاني الباكستاني ويبدوا عليه الحاجه .. والتعب .. وقال لي .. استري .. قلت كم ؟ <<لمجرد الفضول فقط .. قال 150 .. قلت مايسوى .. قال يبغى يشيل 100 ... قلت انا اعطيك 150ريال خليه معك ولا تستغربون لما تشوفون واحد جاي بثلاجه عند الاشاره للبيع .. او اثاث مستعمل قلت لا ما ابغاه .. ونفسي راقيه بين حاجبيّ .. من الحر الشاوي .. والجو الكاوي .. وبعدها ولعت الاشاره خضراء .. بعدما صغرت عيناي لرؤية اللون .. << طقوس خاصه لمن لديه ظعف في النظر ورجعت للبيت بعد رحله متعبه .. لأجد السرير يغريني بشكله المرتب << اقول لايكثر بس لأهجم بكل قواي العقليه والبدنيه على السرير .. على وجهي

مغامره اكثر من متعبه ومريت بحشد من الاشارات وينتج عن ذلك وقوفك عند اكثر من متسول !!

===========================================================================

إقتباس


	مايستغرب في الموضوع .. أين مكافحة التسول ..عن هؤلاء ..

اهمال وعدم اهتمام !! واذا قلت وين مكافحة التسول ؟ قالوا لك ما يدرون من ياخذون ومن يخلون !! يعني ما يبدون على كل شي !

إقتباس


	أم انهم لازالوا كما كانوا في سباتٍ عميق ..

تقريباً!

إقتباس


	فالمتسولين يشوهون منظر بلادنا وبالاخص الرياض الذي تمتلأ الارصفه منهم ..

شي واقعي ومحزن !! وكثرتهم سببها وللآسف ان المواطن السعودي ما يهمه اللي في جيبه بنظرهم ويعطي وما يضره شي !!

إقتباس


	ومنهم المحتاج الحقيقي

ما نعرف من هو المحتاج الحقيقي من غير الحقيقي !!

إقتباس


	وكثير منهم كاذبون .. ويخدعونا بمناظرهم الكاذبه .. ونحن من ندعمهم ..

وللآسف :sad:

إقتباس


	قال احد المشايخ على الشخص ان لا يدفع لمن يتسول عند الاشارات .. لان هنالك مايسمى بالجمعيات الخيريه .. والضمان الاجتماعي ..

اتوقع الجمعيات صارت الحل الوحيد للتبرع ،، وبعض الجمعيات يلهفون الدراهم وبعضهم يبحثون عن المحتـاج !!

حتى الجمعيات ما تدري من هم الصادق !!

إقتباس


	ثانياً / ايضاً البائعون الذين حول الاشارت .. اين المسؤلين عنهم .. الطرق ليست اماكن للبيع .. نعم هم يترزقون .. ولكن هنالك اماكن أخرى للبيع .. ونحن نسمع دائماً حوادث الدهس لاطفال يشحذون او يبيعون... ولكن لانرى عقوبه رادعه لمثل تلك .. امام الاشارات ..

هذي اساس المشكله !! عدم وجود العقاب !! ( من امن العقوبه اساء الادب ) !!

إقتباس


	هذه المناظر غير حضاريه ابداً .. وتشوه مناظر بلادنا الحبيبه .. لذلك اتمنى زوالها .. ولو اني اشك في ذلك .. لعدم وجود رقيب ولا حسيب ..

نتفائل خير بالاعوام القادمه !!

إقتباس


	عموماً اعتذر عن الاطاله .. واتتمنى اني ما اكون غثيثاً كغثة اجراءات المرور وبعض الدوائر ..

ابداً ،، واعجبت بسردك الرائـع ،، وتحدثك عن مشكله واقعيه وسيئه في بلادنا

لك مني اطيب تحيـه ،،

دمتم بود ;)

عريب عبدالله · #12 30/08/2006, 09:51 PM

حفيدي

دائماً رائع قضيه مهمه

التسول صار مهنه "شريفه؟!!!!!؟؟ " عند البعض

وحتى الباعه على الطريق هنا في الرياض أقل من جده ومكه
هناك كل شيء تراه من تسول الى بيع الى "سرقه" أحيان أخرى

مكافحة التسول لازالت نائمه في العسل والجوازات ليست بأفضل من صاحبتها
عاملنا هربان من مده ليست باليسيره والى اليوم يتسكع في ربوع وطني الغالي
والجوازات ما جابته لليوم تقول لين لقيوتوه بلغونا

تسلم أيها الرائع على المواضيع المتألقه
دمت لنا مبدعا
بالحب والإشراق

تغريد · #13 31/08/2006, 05:23 AM

اهلين كلاسيكو...

حمد الله على السلامه

وين سافرت؟:p

إقتباس


	واحصل ولد في السادسه تقريباً من عمره يقول عطني مما اعطاك الله .. بيني وبينكم مع اني اشك فيهم .. الا اني ارحمهم احياناً

مــساكين والله

والله تخنقني العبره اذا شفت طفل

ولا حرمه او رجال كبيرين بالسن

اكيد لو مومحتاجين مااهانو نفسهم كذا وبهالحر والشموس

احس حرام تكسر خاطرهم ماتعطيهم..
اعطيهم ولو كانو مو محتاجين ربي بيجازيك اكيد بنيتك

إقتباس


	وشوي وواحد يبيع شماسات

يالله يمكن فال خير وتمطر

إقتباس


	فالمتسولين يشوهون منظر بلادنا وبالاخص الرياض الذي تمتلأ الارصفه منهم

صـــادق...

يمكن الرياض اكثر مدينه في المملكه

يعطيك العافيه عالموضوع

جا بوقته وخاصة رمضان جاي......!

نتمنى يكون لهم حل ......

مغرور حدي · #14 31/08/2006, 05:45 AM

حتى بالشحذه ماعندهم ادب واسلوب خخخخخخخخخخخ
يعني شف شحاذين اوربا والدول المتقدمه << برا
تلقاه يعزف على قيتارا .. والا يرقص .. والا يستهبل ويسوي حركات .. اما حنا هنا .. تقوله الله يعطيك يقولك اقول اعطني ....!!!!

مره انا كنت واقف عند صراف سياره .. الا فيه عجوزين وحده واقفه من جهه والثانيه من جهه .. قبل لاتسحب الا هم ناشبين بحلقك خخخخخخخخخخخخخخخخخخخخخخخخخخخخخخخخخخخ يعني بالله وش بتسوي بالحاله هذي .. ؟!!!

فيه ناس ترحمهم والله بس الشين يغطي على الزين <<< ناوي يخطب الاخ .. ومكافحه التسول نسمع بالسنه مره انهم ماسكين عصابه ومدري ايش وتلقاهم اثنين ... واحد نازل من سياره خويه عند الاشاره والثاني يقولهم توصلوني ...!!!

الله يعين ومش حالك كلها 300 سنه وتتعدل الامور ..

تحياتي

سندريلا الهلال · #15 31/08/2006, 06:13 AM

الحمد لله على السلامة

كــل شيء هنا نائم بالعسل متى تدق ساعة المنبه لا أعلم!!! عيبنا الوحيد أننا لا نصحى الا بعد حدوث الكارثة وليتنا لم نصحى!!!

التســول آفه خطيرة على الفرد والمجتمع الأفراد هم المجتمع وان كان حال أفراد بعض مجتمعنا التســول كيف بنا نخرج من مصطلح الدول النــامية ونحن لم نستطع أن نسيطر ونعالج وضع فئة من فئات المجتمع نحتاج الكثير للتغير والتبديل فلا شيء مستحــــيل من الممكن أن يكون صعباً لكن لابد أن ندرك أنه ليس مستحيلاً!!

الله يعطيك العافية الكلاسيكي