|
نقل مقر نادي الهلال الى الشمال [SIZE="2"]بسم الله الرحمن الرحيم اخواني زعماء نصف الارض اخواني الشعب الكبير حبيت اكتب هذا الموضوع واتمني انكم تشاركوني فيه قد يكون غريب علي البعض وقد يكون غير مهم لبعض اخر بس انا اري انه موقع نادي الهلال الان غير جيد من الناحيه الاستشماريه واتمني ان يعمل مقر لنادي في شمال الرياض وفي موقع متميز بحيث لو فكرنا نستثمر الاراضي الي حوله بنبيعها او ناجرها بمبالغ ممتازه واشوف طريق الداثري الشمالي مخرج الدرعيه افضل موقع لانه له مستقبل استثماري خصوصا بعد تكملت الضلع لدائري وطريقة التمويل اتمني وياليت تطرح اكتتاب يمكن يراها البعض غريبه بس اعتقد جيده وممتازه علي العموم اترك تحديد الموقع وطريقة تمويله لكم انتم واتمني من الزعماء الي يقدر يتخيل تصميم لمقر النادي الجديد لايبخل علينا اتمني تاخذون الموضوع محمل الجد يمكن يوصل صوتنا ويتحقق في ظل وجود القياده الحكيمه تاكد ان لم تزيد شئ بدنيا فاعلم انك زائد فيها[/SIZE] |
انا معك في هالاقتراح وخصوصا ان المواهب الشابه راح تتوجه للنادي لقربه وهذا نادي الشباب مثل حي بس بناء نادي متكامل يحتاج لميزانيه كبيره |
شمال جنوب شرق غرررب ماتفرررق الزعيـــــم في كل مكـــان .. |
صعب تطبيقها قبل الخصخصه |
وانا اقول ان المواهب ماتطلع الا من الاحياء ذو الدخل المحدود اما عيال النعمه في الشمال مهوب فاضين للانديه طالع عظماء الكره وين طلعوا منه .. |
صح كلامك زيدان العرب بس مايمنع اكتشاف المواهب باي مكان ويمكن يكون من مناطق بعيده المهم المردود المالي ونت تشوف الضغوط الماليه علي الانديه علي العموم مشكورين يازعماء واتمني نستمر في طرح الافكار واتمنا يكون فيه تخطيط لمقر النادي منكم |
اي شمال الزعيم مكانه الحالي افضل بعدين الفكره صعبه |
والله هذا حلم من عرفت نفسي وانا اتمناه يكون مقر في الشمال في مكان واسع وعلى خط سريع ويكون ملعب النادي على طراز رفيع مثل الملاعب الاوربيه او مثل ملعب السد القطري ومهوب بس الهلال يا ليت النصر بعد وباقي الانديه وبكذا كل فريق يلعب على ارضه في النادي زي كل الدوريات العالميه وبكذا نرتاح من سالفه تقسم الملعب وغيره وحتى تنظيم الجمهور بيكون اسهل ولا تنسى الحضور الجماهير بيزداد |
تعرف ونش قوي يشيل مقر النادي عشان ننقله .. ؟!! |
[QUOTE=^^نواف الهلالي^^]تعرف ونش قوي يشيل مقر النادي عشان ننقله .. ؟!![/QUOTE والله انك منسم اقول سطحه ماينفع خخخخخ |
كلام سليــــــــــــــــــــــــم يا ليت يا ناس ياليت ينقلون النادي ويغيرون المبنى هذا ويصير المبنى الجديد قد اسم الهلال الزعيم يا ناس شوفو نادي العين وشوفو السد ما يجون ربع ربع ارباع جماهير الهلال وكيان الهلال وشوفو نواديهم وملاعبهم كلامك عين الصواب واهنيك على هذا الاطراء |
فكره حلوه |
لا تعليق << شرقاوي ولا يدل شي بالرياض |
لو سمحت خل اقتراحك لك <<<<<<<< بيتسطر بس ماأبغى الزعيم يبعد عننا |
مشكورين اخواني الزعماء علي المشاركه صدقوني تحقيقه مو صعب ودايم نادي الهلال صاحب اولاولويات في كل شئ واتمني انه يوصل راينا للمسؤولين صدقوني بيتحقق ومو صعب الموقع بوجود اميرنا سلمان بن عبد العزيز ولا بصعبه التمويل اذا فكرنا بطرح مثل هذا المشروع اكتتاب زي ماهو حصل ولا تستغربون اذا طرحنا فكرة الاكتتاب له اقل شئ نبيع الاسهم بمكسب ههههه والتصميم سهل واتمني من الاخوان يرسلون لنا صور ملاعب بنضام الاوربي وشكرا لزعماء |
ليت يفتحون مدرسه للبراعم زي أول الي كانت بحي الملك فهد |
علينا يامناحي تبيه قريب من بيتكم ههههههههههههههههههههههههههههههههههه امزح والله لو يجبونه عندنا بالازدهار كان زين تلقوني جايب فراشي معي |
المشكله مو في نقل النادي المشكله في نقل الكؤوس من بيقدر يشيلها . ههههههههههه بجد فكره رائعه وياليت ينفذونها <<<<<<<< يبي يقرب النادي من بيته |
مشكورين المهم يكون موقع النادي علي تقاطع طرق سريعه يقدر اي شخص يوصل لنادي سواء من الشمال او الجنوب او شرق او من الغرب وتقبلوا تحياتي |
اللي تشوفونه انتم ادرا بالرياض |
صعبه هالفكرهـ !! |
واللــه ياليـت.. شــف مـوقـع نـادي الشـباب (إستراتيجـي)..s60s |
كلمه وحده ابي اقولها الهلال واجهة حضاريه للمملكه العربيه السعوديه |
انا اقترح فتح اكاديميه في شمال الرياض على طريق الملك فهد بعد نادي الشباب لان انا اشوف ناس تلعب لعب غير طبيعي وهم هلاليين من الدرجه الاولى واذا قلت لهم وراه ماتخش في نادي الهلال قالي بعيد ومن هالكلام وبعدين شف الشباب وشلونه هالعيبه تجيه لان موقع ناديهم مميز واكثر لعيبتهم اللي يلعبون في الصف الاول مايشجعون الشباب |
صح كلامك عبود الهلالي |
وراهم ما ينقلونه لعفيف ======>بيطق |
والله يا لييييييت يبنون مقر بمباني محترمة و امكانات رائعة افضل من الموجود الآن .. يعني مقرات الاندية كلها بانيتها الحكومة .. يعني الحكومة ما قصرت .. لكن الأندية الكبيرة بحاجة لتطوير مقراتها .. بالذات الهلال والنصر والاتحاد والأهلي .. و يا لييييييت يتم بناء ملاعب جيدة للأندية حيث يلعب النادي مبارياته على ملعبه .. و ما نبي منة من نمشان ولا غيره .. وشكرا .. |
الله يعطيك العافيه على الطرح البناء اي والله وانا واعوذ بالله من كلمت انا اول ادعمين بااذن الله واشكرك على الطرح الجميل |
<<<<<< تقدرون تجيبونه الخبر فيه ارض بجنب بيتنا وكبيره وعلى شارعين اقول من جد مقر النادي صغير وانا زرته كم مره ولا يصلح لنادي كالهلال وبعدين ليش ما يبنون استاد باسم نادي الهلال او احد رجاله مثل والدنا الشيخ عبدالرحمن بن سعيد بيكون استثمار ناجح وتكون مباريات الفريق الاول على ملعبه ودخل المباريات بيكون اكيد للنادي والله فكره تخيل 60000 الف مقعد والله دخل خيالي والجمهور راح يجي اكثر |
ياخي بكرة مباراة وانت فاضي انقلوا النادي صوتك لن يتعدى أذنك هذي المواضيع تطرح إذا لم يكن هناك اهتمام بموضوع معين في وقت الطرح لا تنسون الحضووووووووووووور |
والله من زمااان المفرووض ينقل بس اتوووقع صعبة يبي لة مزانية |
صعب |
أضن ماتفرق شمال شرق جنوب غرب المواهب في كل محل بس الكشافين وينهم |
ياليت والله يكون شرق او شمال الريااااااااااااااااااض شكرا لك |
ما اعرف وش اقووووول,,,,,,, |
ياليت يحطون ملعب خاص بكرة القدم في شمال الرياض يكون عالمي من ناحية الشكل والطراز وهالملعب يكون خاص بنادي الهلال فقط اضافة للمقر الموجود في العريجاء |
كلامك ميه الميه |
فكرة ممتازة للبعض ومو ممتازة للبعض وانا ماادل بالرياض لكن افضل طرح الاكتتاب لتصميم ملعب للنادي مثل السد والانديه الاوربية وكلنا فدى الهلال الحر999 |
عبدالله بن ابراهيم فكرتك حلوه |
أقول النادي ملك للدوله وليس للجمهور حق بالنقل |
صعب هالشي |
ايش الي يمنع تطبيق هالفكره كل شئ موجود الموقع والمال والاراده وبكذا تكو انديتنا واجهه حضاريه للبلد ونخفف العبء علي الميزانيات الانديه ونطور اداء الرياضه مو في القدم في كل الالعاب تكون ملاعب مكيفه ومغلقه زي ملاعب الاوربيه واحنا احوج منهم لهذي الفكره لانه الاجواء عندنا حاار وبردها ايضا قاسي وناهيك عن الامطار والغبار غيره وتكون ملاعب رائعه التصميم تجذب الحظور وتجعله وع من اواع السياحه والترفيه باضافته فعاليات مصاحبه للمباراة وسهولة الوصول لها واخيرا تطرح للاكتتاب العام ويستفيد الناس ويسفيد البلد وتخيل كم عصفور بحجر نظبر لو طبقنا هالفكره |
فكره ممتازه نأمل ان تتحقق |
وانا اقول ان المواهب ماتطلع الا من الاحياء ذو الدخل المحدود اما عيال النعمه في الشمال مهوب فاضين للانديه طالع عظماء الكره وين طلعوا منه .. |
| الوقت المعتمد في المنتدى بتوقيت جرينتش +3.
الوقت الان » 01:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd