|
الله يعطيك العافيه اخوي كودو على هذا الكلام الجميل. هذي ثاني مشاركه لي بهذا المنتدى علماً بأن اول مشاركه لي كانت رد على موضوع كتبه الكابتن نواف بن بندر التمياط. ولي الشرف ان تكون اول ردودي على نواف ومن يحب نواف. اولاً : نواف التمياط لاعب من طراز نادر ولكم في العروض الاوربيه عبره. ثانياً : انا اوفق من قال بأن الإداره السابقه جددت مع نواف رغم اصابته. ولكن لاتنسوا ان الإداره قبل التجديد سألت الطبيب المعالج وقال بأن عودت نواف للملاعب سهله وقد حدثت حالات اصعب من حالته وعادوا افضل من قبل . ثالثاً : رغم ان الإداره السابقه كانت لها موقف جيد مع نواف إلا ان الإداره التي قبلها كانت ظالمه له. لأن نواف تحصل على عرض اوربي من فريق ( رودا الهولندي ) وقفت الإداره ضد نواف بتجاهلها العرض وقد طلبت رفع المبلغ المطروح رغم ان نواف كان الاعب الوحيد الذي يأتيه عرض اوربي من فريق عريق مثل ( رودا الهولندي ) وكانت مصلحه نواف بالرحيل ولكن قدر الله وما شاء فعل . رابعاً : اذا ادارتنا الحاليه فعلت المستحيل لترد اعتبارها بصفقه ياسر ودفع الملايين لكي لاتخسر هيبتها في عيون جماهيرها هنا يحدث كما حدث بصفقه ياسر لأن نواف يملك عرض اتحادي قوي وهو وضع الكوره بيد ادارة النادي وهي من تقرر اذا كان نواف يستحق التضحيه ودفع الملايين له كما حدث مع ياسر او تخسر نواف لكي لا يأتي من بعده ويطلب نفس المبلغ . ( رغم اني لا اتوقع وجود لاعب بالهلال يوضاهي مهارة وفكر نواف الكوروي ولكن ... ) خامساً : انا لا اتوقع تماطل نواف بعدم تجديد العقد الآن بسبب قدوم عروض من انديه مختلفه ليساوم النادي. لأننا عرفنا نواف بأخلاق عاليه لايفكر كما يفكر الجاهلون. ولكن نواف وعلى ما اتوقع والله اعلم يفكر بالإحتراف الخارجي ولا يريد اي من كان ان يعيقه عن حلمه في كرة القدم كما حدث في الإداره قبل السابقه . لكل من قال اجعل نواف يذهب غير محسوف عليه ( الي مايبينا مانبيه ) هذا كلام عصر الجاهليه في كره القدم نحن تطورنا ووصلنا لأقوى البطولات والآن عصر الإحتراف وعلى كل لاعب ان يضمن حقه واذا كان نواف ليس للهلال فصدقوني سوف نبكي بدل الدمع دم لو سجل نواف احد اهدافه الصاروخيه او الفنيه في مرمانا . ( تخيل هدف نواف على الأهلي في كأس ولي العهد قد سجل في مرمى محمد الدعيع فوالله انها لكارثه اذا انتقل نواف لغير الهلال . اللهم انصر هلالنا وحفظه لنا بكل قوته وحفظ لنا لاعبينا من شرذمه الملاعب. والسلام ختام |
نواف يستاهل ال 10 مليون |
صح لسانك يالمشاغب وانا معاك بكل اللي تقوله حرف حرف انا اتذكر نواف ايام رئاسة الاميرعبدالله بن مساعد نشف ريقنا على بال ماوقع لاوهو مصاب بعد وبعيدا عن الاصابه ومين وقف مع مين نواف مايحب الانفسه وهذي ثاني مره يساوم الهلال مافيه اي لاعب ساوم الهلال غير نواف واول لاعب طلب مقدم عقد في الهلال سامي وهذا من حقهم بس مافيه لاعب ساوم الهلال غير نواف والتاريخ لايكذب وبالنسبه للمبلغ اللي طالبه نواف كمقدم عقد الحقيقه انا اعتبره مبالغ فيه ليه عشان الدب عارض عليه 14مليون اصلا البلوي سفيه ويحارب الهلال والمبلغ اللي عارضه على نواف مو حب في نواف واعجاب بفنه ولعبه لا الحقيقه هي نكايه بالهلال والنخر في كيانه واحداث الشوشره في اروقته عشان كذا البلوي يرفع سعر اللاعب وخير مثال البلوي دفع في انصاف لعيبه مثل الودعاني 10 ملايين هذا يعقل ياجماعه والهلال غني برجاله بنواف وبدونه ويفتخر نواف وغير نواف انهم يرتدون الفانيله الزرقاء ولهم الشرف ولاكيف لاعب يقول ابي الهلال ويساوم ويراوغ !!!!!!!!!!!!!كيف تجي هذي القناص ياسر قال ابي الهلال واصر وتنازل عن اشياء كبيره اما نواف قولولي تنازل عن ايش ؟؟؟؟؟؟؟؟؟ الاجابه ولاشي الا اخذحقه اربع وعشرين قيراط قيراط ينطح قيراط والحين جالس يساوم ناديه ويقول مابي العب لغيره شف التناقض بس اخيرا اذا الاداره تقدر تدفع لنواف المبلغ بدون مايثقل كاهل خزينة النادي فنواف ولدنا والهلال كريم امااذا اصر الطرفين على رايه فأنا مع الاداره في اعطاء نواف الظوء الاخضر للانتقال ومن عافنا عفناه لوكان غالي وجهة نظر شخصيه والله اعلم |
إن شاء الله يتم التجديد لنواف التمياط والله يعطيك الف عافية |
ياخوي انت تبي الصدق !! والله ان ( نواف ) يستاهل اكثر من 10 ملايين !! شوفني متعصب هلالي مووووووووووووووت بس اتمنى ان ينتقل للنادي اللي يعطيه حقه وينصفه ياخوي بالله عليك لتقول لي مرزوق اللي انتقل للاتحاد بتسعه مليون احسن من نواف ؟ ياشيييييخ والله نواف مظلوم !! |
والله حاله |
نــواف يسـتــاهل والله أكثر ... |
والله بتصير مهزلة اجل البلوي بيحدد عقود لاعبينا بدل ما حنا نحددها لابد للادارة عرض ولا نجبر انفسنا على دفع ما يريده الاخرين |
يستاهل ابو بندر كل خير |
إقتباس:
s60s s60s s60s |
الفلوس تغير (بعض) النفوس .... وأعتقد أن الاعب الخلوق نواف التمياط ماهو من هؤلاء( البعض)... والله أعلم مرفوض أن يحدد البلوي أو غيره أسعار الاعبين الهلاليين مرفوض أن يساوم أي لاعب أناني ناديه مرفوض أن تهضم الإدارة حقوق أي لاعب أقول نواف يستاهل 10 ملايين إلا إذا كان هذا المبلغ سيحمل الإدارة ما لا طاقة لها به |
يا شباب ماله داعي هالكلام |
يستاهل نواف ومشكور اخوي كودو |
اعتقد 7 مليون ل5 مواسم كفايه ونوواف نجم عالمي وكبير رغم انه حرق دمي في النهائي الله يوفقه |
كلام كبيييييير وحلو.................. |
| الوقت المعتمد في المنتدى بتوقيت جرينتش +3.
الوقت الان » 10:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd