|
خلاص ابطفي التلفزيون؟!!!؟ عندما يتحدث لنا كبار السن عن نجوم عاصروهم وتمتعوا بفنهم وابداعهم على المستطيل الاخضر نجوم حرثوا الملاعب طولاً وعرضاً بحثاً عن المجد والشهرة والالقاب حلمهم ارضاء جماهيرهم . استوقفني كلام احد اقربائي ذات يوم عندما قال وتغنى انا من الذين عاشوا جيل كوري قديم فأنا تابعت اجمل لحظات كورة القدم واشدها اثارة عشت لحظات لا يعيشها احد ابداً كان للكورة طعم ولون واسترسل في كلامة وقال لي هل تعلم يا مازن ان كورة القدم بعد مارادونا انتهت :eek: قلت لماذا قال لي وبالاحرف الواحد الان اصبحت كورة القدم تلعب من اجل المال فقط :rolleyes: انا تعجبت من كلامة واكمل حديثة وقال مارادونا فعل كل شي في كورة القدم جعلني اهجر هذه اللعبة فبعده كورة القدم ليس لها لون ولا طعم :rolleyes: انا بديت افكر في كلامة واقول في نفسي لهدرجة يحبه :eek: وبعدين كمل كلامة وقال انت ما لحقت على الكورة الحقيقة مالحقت على كأس العالم 86 قلت ليش وش صارفيه قال تخيل لاعب يفوز فريق بكأس العالم :yes: لاعب اقسم ان يده ستلمس كأس العالم وفعل ذلك حرم من كأس العالم 78 الذي نضمته الارجنتين واحرزت لقبه لانه كان صغير تجاهلته الارجنتين كلها وهم لا يعلموا ان هذا هو ساحرهم الذي سيجعلهم يبكون من شدة الفرح قلت كمل وش صار في كاس العالم 86 قال زي ماقلت لك مارادونا = الارجنتين فعل كل شي احرز اهداف من نص الملعب في اعتى الفرق واقواها جاب هدف بيده وسمو الهدف يد الله ((استغفر الله العظيم)) ليس هذا وحسب تدري ان مارادونا صنع فريق قلت وش بعد قال مارادونا بدى في البوكا وسوى الهوايل ثم البرشا الفريق الذي لا يقهر وفعل كل شي وبعدها انتقل الى فريق نابولي بصفقة قدرت ذاك الوقت بأغلى صفقة في العالم وقال لي ان الي جاب مارادونا الى نابولي هو موجي حيث كان يعمل هناك فرحت انا وقلت موجي هذا داهية وبعدين كمل كلامة وقال نابولي فريق لم يكن بقوة اليوفي s60s او الميلان وكان جمهورهم يريد بطولة من سنوات طوال وجاء مارادونا وحقق لهم البطولة الايطالية وهم فريق اضعف من ناحية الامكانيات المادية من اليوفي وميلان وسمبدوريا الذي كان فريق قوي وحقق لهم بطولة اوروبية قال وش تبي اكثر من كذا لاعب يصنع منتخبات واندية لاعب وين مايروح يصنع انجاز اعجازي قال انا لان اتحدث عن جانبة المظلم لان المنشطات ممكن تجعلك قوي ونشيط وتركض في كل مكان لكن تأكد انها لان تجعلك موهوب قلت طيب وبعد قال بعد مارادونا لم ولان اتابع كورة القدم مارادونا لان اصفة في كلمة او كم سطر اقولها لك بأختصار بعد مارادونا ابطفي التلفزيون:laugh: انا وقفت واستغربت قلت طيب تدري اني انا بعد ابطفي التلفزيون قال ليش قلت انت عشت جيل وتغنيت فيه حتى انا عشت جيل وافتخر فيه لاعب صنع كل شي لمنتخب بلادة او اي فريق يلعب فيه لاعب من اصل عربي ومسلم ماعرفته هو زيدان نعم زيزو هذا اللاعب انتم تكلموا عن اي لاعب قديم من بيليه او مارادونا او كرويف بلاتيني زيزو احسن منهم وانا الي اشب فيه:D قلت زيزو خذ مع فرنسا كل شي من كأس عالم الى بطولة قارات الى بطولة اوربية وخذ التشامبيون ليج واخذ الدوري الايطالي والاسباني وكأس السوبر الاوربي مع اليوفي ومع الريال وش بقي ما سواه هالاعب http://www.kooora.com/images/news_2/zidan.jpg قلت زيزو طلع ستايل ولا عمري شفته ويحق لي اصفه مع اللاعبين الي قلتهم زيزو غير مفاهيم الكورة عندي زيزو حسسني ان الكورة موهبة لا تعلم في المعاهد انسحرنا بفنه كنتروله عجيب كل شي فيه فن في فن هو الوحيد الي يستاهل مبلغ 65 مليون دولار فقط وهو الي خلاني احتار في امري هل اشجع اليوفي ام اشجع زيدان هو اللاعب الوحيد الي تركني افكر مره واحده في هجر اليوفي كنت اقول من الي خسر الثاني اليوفي او زيدان:cry: جلست فتره اقول ليش ياليوفي ليش ويوم شفته يشوت هالكوره الي مافيه امل احد ينساها http://www.rol.ru/pictures/misc/news/zidan_fi.jpg وش اقول عن زيزو هذاهو بيعتزل بعد كأس العالم :upset: زيزو بيروح خلاص:cry: وآخر شي قمت وخليته وقال وين بتروح قلت انت طفيت التلفزيون انا ابروح ابيعه:cry: |
أخوي مازن إذا كنت بتروح تبيع التلفزيون أنا الله يهديك بعته أنا صراحة ما أقدر ولا أتحمل أشوف زيدان يعلب وأنا متأكد إنها مبارياته الأخيرة زيدان وش أقول فيك يا أسطورة آآآآآآآآآآآآآآآآآآآآآآآآآآآآآآآآآآآآآآآآآآآآآآآآه يا زيدان الكورة بعدك ما تسوى يا ناس زيدان سوا أشياء ما فيه أي لا عب قدر يسويها إذا كان مارادونا وبيليه وكرويف هم أساطير اللعبة فثلاثتهم قالوا في زيدان كلام ما قالوه عن أي لاعب يكفيه شهادة مارادونا يوم قال زيدان أفضل مني في كنترول الكرة والله الكورة بعدك يا زيزو تنعاف وأشهدوا يالربع أنا آخر علمي بالكورة هو كأس العالم 2006 |
اقول مازن ... مرني حتى انا بأبيع التلفزيون ...اجل في اقل من سنه يعتزلون ثنين صلعان يوسف الثنيان و زيزو لا خلاص ثبتت بيعت التلفزيون... |
في البدايه اشكرك اخوي مازن على الموضوع الاكثر من رائع ماردونا وزيدان اساطير في كرة القدم بافعل لكن ثق تماما بان مثل هذه المواهب قد تقل ولكن لاتختفي ظهر ماردونا واعتزل مالبث الا ان ظهر زيدان وسيتعزل وهاهو رونالدينيو يكمل المسيره وسيعتزل رونالدينيو على امل ظهور اسطوره اخرى وقد صدقوا عندما قالوا : لكل زمن دولة ورجال فنصيحتي لك ابق على التلفاز وانتظر الموهبه القادمه تحياتي لك |
zidane2real مشكور يا الغالي على المرور وانا آخر عهدي بالكورة مثلك كأس العالم 2006 :rolleyes: مينليستا(ميلان) والله انك صادق اجل في اقل من سنه يعتزلون ثنين صلعان يوسف الثنيان و زيزو:cry: يعطيك العافية تشكر على المرور الـرايـــق سأبقى انتظر وقد يطول صبري زيدان اسطورة لان يكررها الزمان:rolleyes: شرفت الموضوع |
يارجال تعوذ من ابليس .. وترا الهدف صح وزود عليه بلنتي .. :D اسمع اقولك .. لو بطفي التلفزيون طفيته من ايام باجيو وبوبان الكرواتي .. اظاهر انكم ماتعرفونه .. اخس يالكبير . :laugh: بيليه راح على اني مااطيقه .. وجاء بعده ماردونا .. وراح ماردونا وخلاص مااعتقد ان احد يستحق ان يطفى التلفزيون لغير هذولاء الاثنين .. فيه كان بلاتيني الفرنسي بس مشكلته انه طلع في زمن ماردونا .. وهذي المشكله .. فيه باستن وكوريف .. راحوا نجوم وجاوء نجوم .. لو توتي ماطلع بعد باجيوو كان صدقني بعت التلفزيون من بعده بس طلع توتي والحمدلله :yes: وهالحين اعتقد فيه لاعبين كبار وبيجون برضوه لاعبين كبار باذن الله فهذا حال الكوره ولاتطفي التلفزيون ولاتبيعه ولاحاجه الا ان كانك طفران فهذي تصريفه حلووه .. :thumbup: فمان الله .. |
أخوي مازن.. كلامك رائع و جميل جداً.. بس معليش عندي مداخلة بسيطة.. ألا تعتقد أن المقارنة بين زيدان و ماردونا ظالمة نوعاُ ما لماردونا.. ماردونا مع نابولي أتى للفريق و هو يلعب في الدرجة الثانية.. بعد ما أتى ماردونا صعد بهم للدرجة الأولى.. و أخذ بطولة الدوري الإيطالي.. ثم أخذ معهم بطولة دوري أبطال أوربا.. زيدان عندما أتى للريال.. كان معهم رونالدو + ميكاللي (( قبل رحيله لتشلسي ))+ كاسياس و غيرهم من النجوم.. مما ساعده على البروز في ظل وجود الكوكبة من النجوم.. أما ماردونا فكان فريق لوحده.. يعني جاي لنابولي ومافيه أحد مشهور في الفريق.. لدي الكثير.. لكن طولت عليك.. آسف على الإطالة.. ألف شكر لك.. |
زيدان افضل اللاعبين الي انجبتهم الملاعب العالمية بعد الاسطورة مارادونا وياقلب لاتحزن |
Abo Crestan بلنتي روما كان ظالم والحكم متحيز لكم:laugh: ويالله يالغالي لاحقت على بعضهم بس زيدان تربع في القلب:rolleyes: ماقصرت ومشكور هتلر الرياض كلامك صح بس ما نبخس حق زيدان زيدان لو يلعب في اي فريق هو كفيل بتفوقة حتى لو كان ضعيف((وجهة نظري)) وياهلا فيك man.u&برشا اتفق معك تماماً تحياتي لك |
الله يعطيك العافية يالغالي مازن ومن أحلى المواضيع اللي قرأتها لأن موضوعك جدد الجرح اللي فيني:cry: من سمعت أنه بيسوي مؤتمر صحفي وأنا طاقني الحزن:cry: ويوم أعلن الأعتزال بعد كأس العالم وأنا أتضايق بهالخميس والجمعة:mad: إقتباس:
إقتباس:
|
والله ياخوي زيدان لاعب كبير بس صدقني أنها مشت معه وصار أسطوره من أساطير الكوره كـ أنجازات فقط :) .. الاعب لعب مع فرنسا في عزها واخذ لقب كاس العالم وكاس اوربا ولعب مع فريقين كبيرين وفي عزهم اليوفي والريال . ... في كاس العالم 98 أذكر لي شي سواه غير الهدفين بـ النهائي .. أخذ القيمه كلها من لاعبين فرنسا حتى العالم تناست مجهود تورام الي ما عمره جاب ولا هدف بـ تاريخه لمنتخبه فرنسا الا الهدفين الي أهلتهم لـ كأس العالم مع كرواتيا .. فرنسا في البطوله ما كانت تعتمد على لاعب واحد كانو كلهم نجوم وفوق هاذا كله جمهور وهاذا السبب في أخذ فرنسا الكأس .. وتكفي حركة زيدان مع فؤاد أنور في البطوله مع اني ما كان ودي أضيفها <<بس من القهر :mad: . ... في كاس أوربا 2000 أذكر لي شي سواه غير الفاول مع أسبانيا بدور الثمانيه والبلنتي أمام البرتغال في نصف النهائي :rolleyes: . ... الكالتشيو والليقا ودوري الابطال لعب مع أعضم فريقين اليوفي والريال وكانو في أفضل أوقاتهم وهاذا الشي الوحيد الي غصبن عليه تجيه الالقاب وتنور أنجازاته :) . ... زيدان كـ لاعب أعتبره لاعب كبير بس لا يقارع الاساطير وأنجازاته هي الي خدمته وجعلته بين الاساطير :) . ... أتمنى ما زعلت من كلامي بس لكل واحد وجهة نظر :) .. وأنتبه بس لا تكسر التلفزيون وبعدين ما تقدر تبيعه :D . |
اللي بيبيع تلفزيونه تراني شراي :D محتاج تلفزيون اشاهد فيه توتي .. وواحد ثاني اشاهد فيه كاكا .. وواحد رونالدينهو .. و و و و و و الا على فكرة من صجكم ما تشاهدون في التلفزيون الا لاعب واحد << التلفزيون اللي عندي غير :D حتى انه يقدر يطلع الملعب بقده :D وتصدقون اني في مره شفت اخوي يشاهد فيه سبيس تون >> يعني التلفزيون له فؤائد واجد وترى يمكن تلفزيوناتكم تستفيدوا منها في أشياء واذا تموتون في شيء اسمه زيدان ومدام اعتزل ما تحتاجوا اقول لكن انكم غلطانين لأن بالتلفزيون تقدر تشبك بلاي ستيشن وتلعب بزيدان << ولو انا منكم العبه حارس بعد :D ^^^ امزح <<< لا تقول يا شيخ :D زيدان ساحر .. وبينه وبين الكرة جاذبية من نوع خاص تمريراته قاتلة وتوزيعه للعب رائع وتسديداته متقنة وإن كنت تمنيت أن يعتزل زيدان قبل هذه الفترة حيث كان سيء في كثير من المباريات هذا الموسم والموسم الفائت لأنه كبر في السن ولم يحافظ على لياقته بالشكل المطلوب ناهيك على انه في نادي الريال الذي يعيش فترة إنخفاض في المستوى .. تمنيت أن نذكر زيدان بإبداعاته فقط ! ولكن ربما يستطيع ان يفعل المعجزة مع فرنسا في المونديال ! إقتباس:
وحركات زيدان واجد من هالنوع .. وخصوصاً لما كان بالدوري الإيطالي وقد سبق له ان طرد في كثير من المرات وتم إيقافه ايضا إقتباس:
فماذا فعل رونالدينهو ؟ وماذا قدم لنادية ومنتخبه من انجازات ؟ << مع احترامي لرونالدينهو فزيدان مقارنة مع كل من هب ودب واصبح اسطورة في زماننا هذا فهو أولى بهذه التسمية في نظري ! واحب ان اضيف ان من انجازات زيدان حصوله العام الفائت على أفضل لاعب في آخر نصف قرن ( 50 سنة ) من اليويفا وهذا انجاز كبير آخر يضاف إلى سلسلة جوائزة وداعاً زيدان .. |
فارس11 الله يعين كورة بدون زيزو :rolleyes: يعطيك العافية ◦●☺هلالي☺●◦ شلون جت معه صدفة فرنسا ماعرفت البطولات الا يوم جاء زيزو شفنا مستوى فرنسا في التصفيات الاخيرة يوم اعتزل زيدان تحس الفريق ناقصة شي وكان المنتخب بعيد عن التأهل يوم رجع الرجال ويضبط امورهم:thumbup: ويتأهلون في المركز الاول صدقني فرنسا لاتحلم ببطولات عقب زيزو لفترة على الاقل :) تشكر على مرورك دمـوع زيدان الله يهدية بعض المرات تخرب الاخلاق ويقوم يعفس الدنيا مثل ابو يعقوب تماماً :D :laugh: تشكر على تشريف الموضوع http://www.sport.es/vivo/recursos/fo...155084_CAS.jpg |
إقتباس:
بعدين في كأسالعالم اللي يستحقه بالفعل بوبان واسئل اي واحـد عنه .. زيدان كما ذكرت هدفين فقط . وبعدين في مثل هالبطولات لاتحسب لـ لاعب واحـد .. بل تحسب للمجموعه .. اما في قضية الاخـلاق صدقني لن اقول توتي افضل منه لكن سيان الاثنين .. لكن التطبيل ومايفعل .. شكرا |
أخوي مازن.. يعطيك العافية على كلامك.. و لو إني أزعجتك بس معليش.. أخوي.. ذكروا الشباب في ردودهم إن زيدان جاء من فريق عظيم إلى فريق عظيم آخر.. بس قولتك إن زيدان لو كان الفريق ضعيف لقاده إلى الإنتصارات.. صراحة إسمحلي و لو إنك عزيز و غالي بس حبيت أقولك.. مقارنتك فااااااااشلة إذا كنت تقارن ماردونا بزيدان.. زيدان على تاريخه.. إلا إنه ما يجي ربع ماسواه ماردونا.. وقلت لك قصة ماردونا مع نابولي.. من الدرجة الثانية إلى بطل أوربا.. إنجاز مستحيل أن يتكرر في وقتنا الحاضر... غير كذا إن زيدان نجم ضخمه الإعلام أكثر من اللازم مثل ماجد عبدالله هنا في السعودية.. آسف على إزعاجك ولكن ما قالوه الشباب كافي.. ألف شكر لك.. |
| الوقت المعتمد في المنتدى بتوقيت جرينتش +3.
الوقت الان » 05:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd