نادي الهلال السعودي - شبكة الزعيم - الموقع الرسمي - قدروا موضوعي ... لو هالمره بـــس

بسم الله الرحمن الرحيم

هاردلك للجميع واللي فات مات ...

اولاً احبائي الزعماء صح الزعيم خسر وخسر بنتيجة ثقيله...ولافات الفوت ماينفع الصوت
فعلا انهزمنا وخسرنا لقــب لكن فزنا بالسلام على خادم الحرمين الشريفين وبنفس الوقت استفدنا درس ..!

الفريق الشبابي لعب افضل منا واستحق البطوله..

وصلنا للمهــم ::: يازعماء خلاص انهزمنا وانتهى الموضوع ويجب علينا اننا مانكون طماعيــن ونرضى بقدر الله..

واللي ابيه منكم ومني ومن الجميع اننا نفكر بالمستقبل ونترك الماضي ونفكر بالبطوله الآسيويه ونحاول اننا نعوض
وترا الآسيويه مهمه جداً ولازم نحققها باذن الله ..

اقسم بالله اني اكتب الموضوع وانا جالس ابكي(اصيح) كل ماتذكرت الخساره وتذكرت ضياع اللقب واكيد انتم نفس الشعور

للأسف امس رايح للمباراة من الساعه 5 العصر وتارك كل حاجه لعيــون الزعيم .. وتوقعت اني برجع فرحان
ومع الاسف رجعت الساعه 1 بالليل ولانمت الا الساعه 3 يعني نمت ثلاث ساعات ونص تقريبا ورحت للمدرسه وانا مرهق وتعبان وانا جالس ابكي(اصيح) من القهر وبنفس الوقت اقول **احســن **

اكيد تقولون ليش اقول احسن وانا اجاوبكم ::
احسن لاننا اخذنا درس ماراح ننساه وباذن الله نعدل اخطائنا ... والاخطاء اللي كانت سبب بالهزيمه من وجهة نظري هي :

اولاً : وهو اهم عنصر اللي هو الاعـــلام اللي اعمى اللاعبين ودخلهم المباراة وكأنهم واضعين الكاس بجيبهم

ثانياً : استغلال الشباب لجهة الخثران واللي هي الجهه اليمنى واستغلوا الخثران بحكمة انه ماتعود يلعب يمين

ثالثاً : تبديلات كليبـــر الفاشله يعني بكل آسف اقول فاشله لأن مثل مالاحظتوا ان الشباب ممسكين نواف ومضيقين عليه
مما خللى نواف مايظهر بالمباراة وماسوا شئ ومع هذا ابقى على نواف وطلع كماتشــو!! وبصراحه كماتشو حتى انه ماسوا شئ امس لكن باي لحظه تجي منه تمريرة هدف ...
تبديل الموري غريب الى اكبر درجه وماله اي تبريــر ..!
تبديل البرقان بالجمعان كان من الاصل مبدل البرقان لكــن بســامي لأن سامي اذا دخل تحس الفريق يصير فيه روح..

انا عارف انكم تقولون وخروا عنه الشتالي وحنا ماندري :D :D لكن انا حبيت اطرح وجهة نظري فلعل وعسا ان تفيد الفريـق

وآسف على الإطاله وياليت تقرأون الموضوع بصدر رحب ...

أخوكم / هلالي و مانشستراوي