إدخل يالمفرج هنا أرجوووووك
 

السلام عليكم ورحمة الله وبركاتة :



أخواني والله شي يقهر لما نخسر الكأس والسبب لاعب واحد إيه نعم لاعب واحد لايجيني أحد إلحين ويلوم لاعب

غيره يعني بالله عليكم ياأخوان لاعب خبرته مع النادي 10 سنوات ولاطور نفسه إلا الأن وأكثر البطولات إلي خسرناها

كانت بسبب هذا اللاعب ياعالم هذا اللاعب مهو من مستوى الزعيم مستواه يلعب في درجه ثانيه .

الهدف الأول يروح ينبرش على لاعب الشباب انبراش ماله اي داعي كأن بأمكانه اخذ الكره دون الانبراش

ويتسبب في هدف حرمنا أحبط لاعبينا والهدف الثاني آآآآآآآآآخ يالهدف الثاني بس لعنبو دارك دفاع أنت ولا

مهاجم زايد مع الشباب يعني واقف اخونا في الله لوحده لاتغطيه ولا شي ومن قدامه يأخذها اللاعب الشبابي

ويسجلها , والهدف الثالث ياخي فريقك مهزوم ومتقدمين الدفاع يعني مبدئياً إعمل مصيدة التسلل بدال وقفت الغلط

ياناس وربي إنه مهو في مستوى الزعيم .

وبالنسبة للوسط ماقصرو يعطيهم العافية ولاتلومون البرقان صحيح إن لك عليه لكن الأهداف جت من الأطراف

وأقصد الطرف الأيمن للهلال وطبعاً الثلاث الأهداف السبب الرئسي المفرج .


ياخي أرجوك وثم أرجوك وثم أرجوك إررررررررررررررحل عن الهـــــــــــــــــــــلال .

ياخي أي هزيمة وحده بأمانة أليس أكثر البطولات التي خرج منها الزعيم السبب فيها المفرج

والله مهو في مستوى الزعيم واااااااالله

انا اشهد والله انك صادق 100 %

ومو اول مره ننتقد المفرج يعني بالعربي الرجال ولا شي

هو مجتهد نعم نشهد له لكن ماكل مجتهد مصيب

أشكرك على ردك أخوي الزروقي

وش رايك تجي تدافع مكانه

هذا جمهور الفوز بس.

ياشباب لاتحطون اللوم على لاعب فهد المفرج أذا كنت ماتذكر أذكرك في مبارة الهلال والأهلي بعد ماخرج الدعيع من مرماه ويضربها لاعب من الأهلي براسه من كان خلف الدعيع؟ من الذي أبعد الكرة بعد ما كانت هدف 100%؟ والحين جاي وكاتب موضوع قاعد تلوم المفرج!!!!!!

صدق من قال النفس طماعه ياخي احمد ربك 6 بطولات ولا نادي سواها