^
"
"
"
"

انا لله و انا إليه راجعون..؛؛

الحمد لله على سلامتك..؛؛

انا لله وانا اليه راجعون

اما انا قبل اربع سنين بالمتوسطة (( مسوي كبير خخخخخخخ )) اهم شي كان عندنا درس فاضي ولعب وزحف وجيت انا الله يسلمن تبرعت اني اراقب للطلاب علشان اذا جا المدير ولا شي اهم شي مادريت الا المدير مقبل على الفصل وانا اصفط الطبلون للفصل واخش على السرعة جا المدير جا المدير وماشوف الا خوي اللي يجلس جنبي (( دب )) وجهه احمر وكاتم ضحكة وش السالفة واتلفت مادريت الا المدرس جالس بطرف الزاوية عاد وخذ ضحك ههههههههههههههههههههههههههههههههههههه :d
الموقف الثاني يوم اني صغير بصلاة الجمعة مالقيت ثوب قلت ياولد مالك الا ثوب اخوك :d لبست الثوب وكان طويل مرة علي شكلي كان يضحك :p واروح للصلاة الركعة الاولى مرت على خير اما الركعة الثانية جيت اقوم من السجود ومادري الا انا نشبت بالثوب ويييييييييييييييييين واجي على راسي لا والمشكلة اني جيت على راس اللي وراي عاد كل اللي حولي ضحك ههههههههههههههههههههههههههههههه :d
اتمنى اني ماكون طولت عليكم

هههههههههههههههههههههههههههههههههههههههههههههههههه

ههههههههههه

هذا موقف محرج ومظحك..........
ايام الابتدائي كان عندنا مدرس لغة عربية غبي مرة من المرات طلعنا للكمتبة وقال كل واحد يقرا قصة....غصب
واحد ما قرا شي قال له المدرس وراك ما قريت؟ قال الا قريت وخلصت
قال له وش قريت؟
قمت وبغير اراده مني قلت:
وش دخلك بعد شوي قلت: مدرسين اخر زمن...!!!
حمق هو وطلع من الفصل وهو يلعن علي^_^

^_^

حقيقة الحزن يلاحقني ملاحق
القصة الأولى
كان لي ولد عمة ( خوي الروح بالروح ) جاه سرطان ( أعاذنا الله منه ) في الظهر المهم أنه تم إزالة السرطان وقالو بكرة بيطلع من المستشفى ويروح لبيتهم من الفرحة ما نمت الا الفجر ويوم صحيت إلا البيت كله صياح وبهذله والكل يتهرب مني مايبي يقولي السالفة المهم ويرن التلفون وأرد وإلا حرمة تسأل وين بيصلون عليه في أي مسجد تخيلوا الصدمة
هالسالفة لها الآن خمس سنوات ولا يمكن أنساها وإلى الآن أثار هالصدمة علي من ناحية إني ما أتحمل أحد يبكي قدامي ( دمعتي على طرف عيني )



أما القصة الثانية
فأختي دخلت مستشفى الشميسي بالرياض تسوي عملية المهم العملية نجحت وطلعت من المستشفى ونتباشر بصحتها وبعد أسبو أغمى على أختي ودخلت المستشفى ولا أنسى ذاك اليوم كنت نايم وأحلم بواحد يعزيني وشوي أشوف ناس يصيحون وأصحى من النوم وألاقي أبوي عند غرفتي وهو اللي يمسكني ويدخلني غرفته ( عارف إني ما اتحمل الصدمة ) المهم ويقعد يكلمني عن الصبر عند المصائب وشوي يقول أختك نقلوها للعناية المركزة فأنا قلت قل إنها ماتت قال إيه هو قال إيه والله لايوريك ما صرت أدري وش صار بعده وهالحادثة صارت لي في ثالث ثانوي الفصل الثاني وغبت أسبوع وبعدين رحت للمدرسة وشوي وأنا أتذكر أختي وأستاذن وارجع للبيت وأغيب شهر كامل بس ما انسى وقفت الطلاب معي لخصوا لي الدروس والحمدلله نجحت ودخلت الكلية

8 8 8
8 8
8
اذا احب الله عبدا ابتلاه ,,,

السلام عليكم

اخش في الموضوع

وهو محرج جدآ

كنت انا واخوي رايحين للسوق نتقضى للعيد قبل 2 سنتين وكانة السيارة جمس المهم نزلت اتقضى ونزل اخوي وراح يتقضى بعد

المهم خلصت من المقاضي ورجعت ابروح للسيارة واركب السيارة واشوف حريم وراي وصياح البزارين مابقى احد في

السوق ماسمعهم بس اشوى ان ابوهم مهوب موجود المهم انا بغى يغمى علي من الاحراج:d جيت ابنزل ابفتح الباب يالله

فتحتة:d المهم وانزل امشي مليون ويوم ابعدت الى اتذكر ان الاغراض نسيتها في سيارتهم:d من قو الاحراج وارجع والقى

البزارين حاذفينها عند الباب والقطها:wallbash: واروح ادور سيارتنا:laugh:


بغيت اعيد قبل الناس ذاك اليوم:d

مشكوووورييين

وينكم يا شباب