اخواني ومحبي زعيم الكره العربيه والخليجيه والسعوديه
سلام عليكم من الله ورحمته وبركاته واسعد الله اوقاتكم بكل خير
اولا / اخوكم عضو جديد ويتمنى ان يلقى الترحيب من الجميع
ثانيا/ لدي موضوع وودي اتكلم فيه لأنه بصراحه شيء مضحك وسخيف في نفس الوقت وكان ودي ان تكون بدايتي معكم في موضوع احسن من هذا لكن ما قدرت اصبر وتحمست اني اكتب في هذا الموضوع .
كالعاده الواحد يصحى من النوم ويادوب ياكل له لقمه وينقز لاقرب سوبر ماركت ويلقط له جريده ولا جريدتين يتابع فيها احداث العالم السياسيه والرياضيه وما الى ذلك .
عاد تخيلوا الواحد يجي يمسك الجريده ويلقى فيها عنوان كبير ومضمونه (
ثلاثة شروط نصراويه للتنازل عن آرثر للهلال ) !!!!!
يا للعجب اصبح الشغل الشاغل للنصروايين شيء اسمه ( الهلال ) تاركين ناديهم ومشاكلهم ويهتمون بشؤون غيرهم وقد لا الومهم وهم يرون الزعيم في سباق مع الريح وهم للخلف سر وكأن لسان حالهم يقول ( نموت الف موته ويموت الهلال موته وحده )
لا وبعد وش الشروط (
اعتراف الاداره الهلاليه بالتدخل في شؤؤن النصر )
شيء مضحك انا من يوم قريت اول شرط وانا طحت من الضحك قمت خليت الجريده خفت اقرا الشرط الثاني يغمى علي قلت خله شوي بعدين اقراه جلست شوي وتحمست الا اقرا الشروط الباقيه جيت للشرط الثاني (
على الاداره الهلاليه ان تعتذر لجميع المنتسبين لنادي النصر من اداره واعضاء وجماهير) عاد المره هذي طحت من جد من الضحك هذا اللي ناقص عاد اقول في نفسي الله ادارة الهلال تعتذر لادارة النصر لا لا مو معقول الهلال المنشأه العامه اللي ما تحتكر على شخص معين والجميع لهم كلمه ورأي مسموع من الجميع تعتذر لمنشأه خاصه ومحتكره على اشخاص معينين بصراحه ما صدقت في البداية لكن رجعت اقرا مره ثانيه قلت يمكن انا غلطت واخذت جريده غير جريدتنا يمكن والنادي المقصود مو نادينالكن يوم رجعت اقرا تأكدت ان زعيمنا هو المقصود المهم قلت خلنا نشوف الشرط الاخير يمكن يقولون انهم يقولون هذا من باب المزح لقيت الطامه الكبرى (
ان تتعهد الاداره الهلاليه بعدم التكرار في التدخل سواء مع نادي النصر او اي نادي سعودي آخر لا تفوتكم كلمة نادي سعودي آخر وتنشر في وسائل الإعلام ) والله شيء مضحك
وسخيف
يالربع كنت اتمنى ان ياتي احد من رجال الهلال ويرد على مثل هذي الاقاويل والتفاهات ولكن بعد اللي شفته وقريته تأكدت بأن إدارة الهلال ممثلة برجالها المخلصين من رؤوساء وأعضاء شرف بانهم واعين يتركون لغيرهم التفكير في الكلام وكيف يتصدرون أعمدة الصحف بالتفاهات ورجالنا يفكرون كيف يحصدون البطولات والمجد ونعم الرجال .
وودي اذكركم بحادثه منذ فتره الكل يذكر يوم اطلق على الهلال لقب الزعيم وهو يستحق هذا اللقب بكل جداره واستحقاق ولكن بعض ضعفاء النفوس ممن هم على شاكلتهم اخذو يستهزؤن بإسم الزعيم ونسمعهم يقولون بأنه لا يوجد زعيم غير مسرحية عادل إمام المشهوره وبعد فتره قاموا بنسب الاسم لفريقهم حيث قاموا بتسميته بزعيم زعماء آسيا وهذا لا يدل على ذكاء منهم بل قمة الغباء حيث انكروا في البداية وجود زعيم للأنديه ومن ثم قاموا بنسب الاسم لفريقهم ياللعجب وهذا اكبر دليل على اعترافهم بأن هناك فريق زعيم للانديه وهو الهلال بالأدلة والبراهين
وصدقوني يا اخواني اني اتوقع ان يطلعوا علينا في يوم من الايام ويتهمونا بأن اسم الهلال كان لهم وقد سرق عليهم :p :p توقعوا ذلك حتى لا تنصدمون ويصير وجه الواحد مثل كذا
مو مصدق اللي قاعد يصير .
على كل حال الكلام في هذا الموضوع يطول والحوادث كثيره ولكن ابختصر واترك لغيري المجال لمن يجد في نفسه الرغبه للكتابه في هذا الموضوع واسمحولي على الإطاله ودمتم .
الصمت حكمة الكبار 
خلهم ينهبلون 
الوضع العادي
