|
مابقى إلا أنت يالقطو ...!! السلام عليكم ورحمة الله وبركاته ... مساء أو صباح الخير للجميع ... ********************************** في البداية أخواني الغالين أطلب منك تخيل ... وتخيل بسيط جداً ... تخيل القطو يصير نمر ...!!!؟؟ أو القطو يتحرش بالنمر ...!!؟؟ وش تكون نهايته ...!!؟؟ لاحول ولاقوة إلا بالله أكيد بيشوته على وجه وخشته وكل مكان فيه ... حتى يتوب القطو ويعرف أنه قطو مهما سوى ...!!؟؟ حتى لو صاد غزلان ...!! لأنه ما يقدر يصيد إلا كان بقايا النمر ... ولكن تخيلوا مرة ثانية القطو يهدد النمر ويزعل منه ...!!! لكن بعد حادثة بسيطة ... وهي أن القطو شاف له غزال (( صيده )) ... وقال خلني أحاول أصيده ...!! لكنه قطو لا يهش ولا ينش ...!! وجلس يتفرج على الغزال حتى جاء النمر وصاده وأخذه معه ...!! بعدها زعل القطو زعل فضيع ...!!! وصار يصيح ويبكي في مكان ...!! وطلب مواجهه مع النمر ...!! وش طلب من النمر تخيلوا ...!!؟؟ يقول اعتذر مني ومن كل القطاوة اللي يحبوني ...!! ولازم يالنمر تعترف أنك أخطأت علي ...!!! ولازم تتعهد لكل العالم وبالذات أحبابي القطاوة أنك ما تتعرض لي مرة ثانية ...!! هههههههه بصراحة بيكون مشهد كوميدي ساخر ... وأكيد أن النمر بيشوت هالقطو شوته ما يدري وين بتكون نهايتها منها ...!! مابقى إلا هي ...!! النمر يفكر في قطو ...!! هذه البداية الكوميدية البسيطة هي تعبير عن أحداث قرأتها اليوم ... وهي تشبه بدرجة كبيرة قصة القطو والنمر ...!! اليوم وأنا أتصفح جريدة الهبابيه ...!! قرأت عنوان كبير ... ( 3 ) شروط نصراوية للتنازل عن آرثر للهلال ...!! لا ومن زود الثقة كاتبين الشروط بالخط العريض ...!! (( أعتراف الهلال بخطأه ... الاعتذار لكل القطاوة (( عفوا النصراويين )) ... والتعهد بعدم النكرار )) ... بصراحة أنا ضحكت من كل قلبي على هالكلام ...!! وش هالكلام الكبير من هالقطو عفوا ( النصر ) الواثق من نفسه ...!! والله العظيم هزلت ...!! آخر الزمان نعتذر لهالقطاوة ...!! وعلشان مدرب ...!! آرثر وقع مع الهلال وأستمر مع الهلال ... والأخوان إلى الان وهم يفكرون فيه ...!! تعاقدوا مع فار لتدريب القطاوة ههههه قصدي مع مدرب لتدريب اللاعبين ... وإلى الان بفكرون في أرثر ...!! أصبح الهلال هو شغلهم الدائم ...!! يطاردونه في كل المواضيع ...!! ويقولون أننا لا نهتم بالهلال ...!! ولكن قضية أرثر التي أخذت منحنيات عديده ... ودخل فيها العديد من الأمور ... مع أن القضية واضحة تماماً ... فأرثر رفض النصر وتركه النصراويين ... فقبل بالهلال وتعاقد معه الهلاليون ... إذا لماذا البكاء والعويل والنحيب ...!! ولكن بكل صراحة ممكن القطو ينجح في مبتغاه ...!! خصوصاً أنه حبيب الأسد (( الإتحاد السعودي لكرة القدم )) ... وإذا وافق الإتحاد السعودي لكرة القدم على أن أرثر للنصر ... فهنا سوف تكون بداية المهزلة للإتحاد السعودي النصراوي ...!! ولكن أنا أقول لو حدث ذلك فعلاً ... فليذهب أرثر غير مأسوفاً عليه ... أما الإعتذار والخراط الفاضي فأقول ما بقى إلا هي ...!!! ولا تنسون مستحيل النمر يعتذر لقطو ...!! ولكم تحياتي ... أخوكم / سفر المرزوقي . |
تسلم يمينك اخوى سفر على هالموضوع الحلو ترى اكيد القطاوه ينكتووووووووووووووووووووون |
السلام عليكم: اخوي ........ وش قصة القطاوه هاللايم ماتمر في شارع الا وتلقى قطو مدعوس والظاهر ان لك علاقه بهذا الموضوع.....الظاهر انك تعادي القطاوه وتحاول الاستهانه بها انت لو تشوف وش سوت قطوة الكويت برعها في منتدى الديوانيه تعرف ان القطط ليس هينه .. عموماً لايمكن ان يذهب جورج ارثر للنصر مهما كان لان الاساس الخطاء كان من نادى وادارة النصر ..فلذالك موضوع ارثر منسي بنسبه لاتحاد السعودي وتشكر ياعدو القطاوه;) |
الاخ سفر المرزوقي0000 تشبيه منطقي والله يكفينا شر القطاوة000 :D |
قل امين ياسفر .. الله لا يكثر القطاوة .. تسلم على هالموضوع الرااائع .. وعوايدك ياسفر :) |
$$ تسلم يا سفر على هذا الموضوع وصدقني انني ذهلت وانا اطالع الجريده واشوف هالعنوان من جد انهبلوا اللهم ثبتو عقولهم ... |
مشكور اخوي سفر على الموضوع الجميل |
و الله فعلا مشهد كوميدي يموت من الضحك |
:D بسم الله الرحمن الرحيم أولا أحييك وأحيي أعضاء هالمنتدى الرائع ولا أقول الا عش رجبا ترى عجبا |
الله لايكثرهم هالقطاوة |
اخوي سفر المرزوقي مبدع كعادتك يالغالي ومااقول الا الله يعطيك العافيه وتسلم يمينك. |
ياجماعه ترى القطاوه تختلف فبه قطاوه متربيه ونظيفه وفيه قطاوه وسخه مثل قطاوتنا اللي من زباله لزباله والقطاوه ذولا من النوع الثاني |
اخوى سفر تسلم يمينك ما قصرت... |
هذا اللي ناقص قطو ..... الأخ العزيز سـفر .....تصدق أنه من عجايب الدنيا الثـمان أن القطـو يـتحكم بالأسـد (( والله أسد مهزله ويفّشل )) لأننـا الدولة الوحيدة اللتي يحكم القطو فيها ويتأمر على الأسد &&&&&&&& اما من ناحية الأعـتذار فمثل ماقالوا آبائنا وأجدادنــا على الشيء المستحيل (( إذا حـجت الـبقر على قرونـه )) &&&&&&&&&&&&&&&&&& ولك مني أجمل تـحية مغلفه بالحب والود والإحترام أخــيك ** عـــلى كيفــــكR@TT |
و انا اقول ليه القطاوة صايرة تاخذ وجه ؟؟؟؟؟؟؟؟؟؟؟؟؟ لقيت قطو نايم فوق كبوت سيارتي و العادة القاه تحتها ......... بس و لا يهمكم صفقت بالزبريه على وجه ....... مثل ما بي سوي النمر الازرق بالقطو الاصفر تسلم اخوي سفر :) |
| الوقت المعتمد في المنتدى بتوقيت جرينتش +3.
الوقت الان » 04:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd