|
مشكور مغرور حدي والله يوفقنا وياك ونوصل لما نطمح اليه..... أقول تذكر أيام الشات يالشايب :D . |
الزعيم ... مشكور أخوي على المرور .. والله يوفقك بالماجستير وعقبال الدكتوراه يارب .. أبو ريمان ... الله يسمعك منك أخوي الغالي .. شاكره لك مرورك الكريم .. |
ما شاء الله مبرووووك النجاح مقدماً أو إحتياطاً عقبال النجاح :D تمنياتي لكي بالتوفيق بس مسألة أنكي نسيتي شيء من العربي هذي قويه شوي :mad: ولو أنها شيء جايز يصير لك هذا لكن حاولي ترجعين وتحاولين توازنين بين اللغتين تحياتي -كتب هذا الرد بدون الإطلاع على الردود اللي قبلي بتاتاً البته :D - |
كيفي هلالي .. الله يوفق الجميع يارب .. مشكور على المرور .. عزوز الأزرق ... أزهله من هالناحية .. حتى مشتبتن سبدي من الدكاتره .. ما أدري ليه رافعين خشومهم .. وحالفه لا أدلع طالباتي تدليع ما حصلش .. وإنشاء الله لا أخذت الدكتوراه بدري بتفس كليتي عشان يعرفون قدرنا زين .. لاتوصي حريص .. أخجلت تواضعي بمناداتي دكتوره ,,, مشكور على المرور .. لاعدمتك ... |
هلا بهنوفه ,, لا يالغاليه ما تخرجت .. راحت حياتي كله إختبارات تهي تهو .. وربي طفشت تخيلي امتحنت أسبوعين ووقفنا شوي ورجعت أختبر هالأسبوع إلى السبت الجاي وكله شهري .. تصدقين أهلي وقرايبي دايم لا شافوا خشتي أول سؤال : أخبار إختباراتك ؟ عارفين أن طول عمري أختبر .. ويقولون لي بعذرنا من عرفناك وأنتي تختبرين ! كل ما سألنا ليه اليزا ما جت ؟ قالوا : عنده إختبار ... خلاص أحس أكتبئت .. ولا شكيت قالوا : يابنت الحلال هانت كله شهر وانتي متخرجه .. مير متى ؟ ... دامك تحبين الإنجليزي ادخليه وقبل بداية الكليه خوذي دورات وربي تسهل عليك المشوار .. الله يوفقك يالغاليه وتجبين مجموع كبير وتدخلين القسم اللي تبغينه .. لاعدمتك .. |
هلا بك: هلاليه دلوعه ... حلووو قسمك أدب إنجليزي .. الله يوفقك يارب وتتخرجين وتصيرين دكتوره قد الدنيا ... بالنسبة للروايات .. صدقتي روبنسون كروزو حلوه أما الروايه الثانيه والله ماقريته ... حلوه بهد برايد آند بريجدس لـ جين أوستن ... وكمان: جن ويذ ويند لـ مارغريت ميتشل .. (عاد هاذي من الأدب الفرنسي ) والسجينه(مليكه أوفقير) لـ ميشيل فيوتسي وهاذي قصه حقيقيه بس رووووعه مأساه فظيعه .. وربي جنان روايتهم ومعروف انه أغنى من الأدب الإنجليزي .. مشكوره عزيزتي على المرور .. لاعدمتك .. |
مغرور حدي: الله يهديك وتهتم بدراستك .. الحاتمي : أولا أنا عندي عنصريه تجاه الرجال .. يعني الحريم لهن السبق في كل شي .. وفي الإتكيت عند الإنجليزيين : المرأة مقدمه على الرجل يعني يقال : ليدز آند جنتلمن .. وجيرلز آند بويز مو العكس .. لكن أنت يالعريبيا خصوصا السعودين مافيه أمل يصير عندكم أتكيت .. هاهاهاهاها ... صدقت الواحد يقدر يطور لغتين إذا قام بهالشي .. لكن أنا أهتميت بالإنجليزي حيل وتركت العربي .. وهذا اللي ضعف من ذخيرتي اللغوية بالعربي .. وبالنسبة لكليتي .. عندي مادة لغة عربيه قبيحه وكريهه وتصدق تخصص مو مشترك .. وكلها أدب .. تطور الروايه .. المقاله .. القصه وطقتهن ... حاجه تغث .. مشكور على المرور .. لاعدمت مرورك الكريم ... |
هلالي الظهران : هلا وغلا .. فينك من بدري؟ صدقت بكل كلمة قلته .. ومن ناحية الحساسيه والله أنا موكاكاو ولا بيض ولا موز .. إذا ليه الحساسيه؟ ميرسي على المرور .. لاعدمتك .. |
s3odi: هلا بك أخوي : أدخل إنجليزي وتوكل على الله .. وبالنسبة للأساسيات .. تعلمهن بالدورات الصيفيه .. وربي تفيدك وتسهل عليك الشي الكثير .. دامك تبغى الإنجليزي ماعليك إلا انك تشد على نفسك ويكون عندك طموح .. لاعدمتك .. لوحة مميزة : الله يسلمك ويوفق الجميع .. شكرا على المرور .. لاعدمتك .. |
اللغة الإنجليزية اصبحت ضرورية جداً في وقتنا الحاضر دراسياً ووظيفياً وكذلك إن أراد الإنسان التواصل مع المجتمعات الأخرى , فالتخصصات الهامة في مجتمعنا والتي سيكون لها المستقبل تعتمد على اللغة الإنجليزية في تدريس موادها ,, حتى اللغة اليابانية أرى بأنها ستصبح مهمة لأن المستقبل سيكون في شرق آسيا :D إقتباس:
حتى انهيتها في يوم واحد فقط .. لا ادري كيف اصفها ولكن جميع المشاعر تنتابك وانتِ تقرأينها ,, تبكين ... تتألمين .. تتعجبين .. تضحكين .. تُعجبين .. تحلمين .. تبكين مع أسرة اوفقير التي سجنت بكاملها وأخُذت بجريرة والدها سنيناً طويلة .. عذاب في السجون وقهر وألم ,, طفل لم يتجاوز السنتين بقي في السجن حتى اصبح شاباً ,, تتألمين على ضياع شباب مليكة واخيها واخوتها ..وكذلك على دكاتورية الحكم في بعض بلادنا العربية .. تحلمين معهم في احلامهم وآمالهم بالخروج من هذا السجن الذي انتقل إلى مراحل عديدة .. تُعجبين بقوتهم وصمودهم أمام ما واجهوه من صعاب .. تعجبك مليكة عندما اخذت بتعليم اخوتها الصغار وتدريسهم في هذه السجون .. يُعجبك روح التعاون بينهم ومحاولتهم الإستفادة من كل مايحيط بهم في هذه السجون , تتعجبين من المجتمع المغربي خصوصا الطبقة العليا فيه وكيف أنهم يعيشون حياة بهيمية ضاعت هويته الإسلامية ولا ادري هل السبب في ذلك كثرة الأعراق واختلاط الأديان .. تتفاجأين بأنهم مسلمين رغم أنهم لا يعرفون عن الإسلام إلا اسمه فقط .. يحز في خاطرك وانت تقرأين بعض الأحلام التي تراود هذه الأسرة والتي تنافي اسلامنا .. واكثر ما يؤلمك عندما تحولت الأسرة إلى المسيحية وبقيت الأم فقط مسلمة إسماً فقط , تتفاجأين من العائلة المالكة في المغرب واسلوب حياتها.. تندهشين من كثرة الجاريات والوصيفات وكأنك تقرأين عن العصر الأموي او العباسي .. الكثير من البدع والخرافات تنتشر في اوساطهم ,, من لم يقرأها أنصحه بقراءتها .. فهي حقاً رائعة .. اعتذر لأنني اطلت في الرد وخرجت عن صلب الموضوع , :D إقتباس:
|
الله يوفقكم يارب .. |
| الوقت المعتمد في المنتدى بتوقيت جرينتش +3.
الوقت الان » 01:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd