|
مهم وضروري (الصورة هذي بنسويها) أرجوا التثبيت لأنها خطيييرة أيها الزعماء الأشاوس مساكم الله بالخير مبروك البطولة الي مدري كم عددها!! يمكن 45 أو مدري بالضبط:confused: لاتلوموني ماعاد نجمع من كثرتهن ((اللهم لك الحمد)):D حبيبنا ابوسلطان ((أشهد بالله انك تستاهل البطولة وتستاهل حب هالجماهير الي جلست تصفقلك طول المباراة))s60s عموماً وللإختصار تذكرون الصورة الي كنا نتمناها وتوقعناها صعبة ((صورة الملعب بالأزرق والأبيض)) http://www.w6w.net/users2/23-10-2005...479efc3646.jpg يوم جيت لمباراة الكأس من الساعة أربع ونص لأستمتع بالزعيم وجدت أن مجلس جمهور الهلال قد وضع على كل كرسي من كراسي الاستاد التي شيرت البلاستيكي وهذي حركة راااائعة لاكن لقيت فكره جهنمية جلست أفكر فيها طول عصر الجمعة ((من الفظاوة)) ودي أشرحلكم بس طولوا بالكم علي ؛ لأني ماأعرف المسميات كلنا شاهدنا التيشرتات الي على المقاعد وطبعاً كانت كلها باللون الأزرق فقط كأنكم بديتوا تقرأون أفكاري برافوا عليكم ؛ عيني عليكم باردة ؛ ماتنلامون زعماء الفكرة هي بإضافة الشيرتات الزرقاء تكون هناك شيرتات بيضاء مثلاً المدرج الي بين البوابة 25 و 26 نحط على كراسيهم شيرتات زرقاء المدرج الي بين البوابة 26 و 27 نحط على كراسيهن شيرتات بيضاء المدرج الي بين البوابة 27و 28 نحط على كراسيهم شيرتات زرقاء المدرج الي بين البوابة 28 و 29 نحط على كراسيهن شيرتات بيضاء وهكذا فبالتالي سوف نحقق الصورة المذكورة أعلاه وياحبذا تكون هناك بالونات نظراً لأن لها مردود أكثر من رائع وأقل شي يتسلى فيها الواحد وقت فراغه;) عطونا رايكم صدقوني إذا سويناها والله راح نسكت الكل:thumbup: ويمكن يقلدونا في أوروبا ويسمونها المدرج الهلاليs13s أسوتاً بالأمواج المكسيكية آسفين على الاطالة أخوكم هاوي سراب |
فكرة حلوة اخوي بس وين التنفيذ ؟ |
فكرة حلوة اخوي بس وين التنفيذ ؟ |
اخوي سعود مشكور على المرور مشكور على التفاعل أنا ودي أعرف رأي الجماهير أولاً وأنا قشها معاهم بعدها راح أكتبها في تقرير وأقدمها لمجلس الجمهور لأنهم مايقصرون في أي شغله جديدة بس وين الردود أبي واحد يناقشني فيها أنتظركم هاوي سراب |
ياجماعة الخير وين ردودكم!!!!!!!!!!!!؟؟؟؟؟؟؟؟؟ مايصير هالكلام أبداً ناقشوني الفكرة حلوه والا من جنبها نبي نتناقش سويتاً علشان ننفذها على أرض الواقع أنتظركم ((لاتفشلوني الله يهاديكم)) 57 مرور ومافيه الا رد واحد فقط!!!!!!! |
فكررره روووووووعه اتمنى انك ترفع تكلم المجلس .. وان شا الله نشوفها بالمباريات الهـلاليه تحياتـي ..@@ |
ابوريم الله يجبر بخاطرك أخيراً لقيت واحد يرد الصوت يعني أفهم من كذا ان الفكرة معجبتكم لو فيه ملاحظات عطونياها علشان أناقشها مع مجلس الجمهور أنتظركم هاوي سراب |
ياهاوب السراب أنا والله أطالب من زمان أن نسوي هذه الحركة إذا عندك إتصال بياسر الطلالسي تكفى كلمه وريه الصورة عشان يقتنع ويجب أن تكون بنفس اللون الموجود في الصورة |
يأخ ياسر أرجوك تكفى تكفى لاتردني ياياسر طبق حركة جمهور البرشا في هذه المناسبة التاريخية التي يشاهدها الملايين من العرب والخليجين يإبراهيم ياحقوي تكفى طالبك هيا لاتردني، نبغى نطبق حركة جماهير البرشا في النهائي تكفى لاتردني ،الحركة بسيطة جداً جيب ثلاثين ألف لوحة فلين بيضاء في المدرج العلوي وثلاثين ألف لوحة فلين زرقاء في المدرج السفلي من الدرجة الثانية أو سواءًمن خلف المرمى الهلالي أو من الدرجة الأولى لرابطة الهلال ويكون هناك معك خمسين إلى ستين شخص يشتغلون معك ويتوزعون على جميع الدرجات الأولى والثانية سواء في المدرج العلوي أو السفلي لتوزيع لوحات الفلين، وثم إخبار كل شخص يقوم بالتوزيع بإعلام الجماهير متى ترفع اللوحات ، ترفع لوحة الفلين عند دخول اللاعبين لبداية المباراة وعند كل هدف هلالي للهلال، أرجوك أرجوك لاتردني المسألة يبغالها تنظيم فقط في الذين يشتغلون معك، طبعاً يكون توزيع اللوحات الفلينية قبل بداية المباراة بساعتين لأنني أعلم أن جماهيرالهلال في المناسبات والنهائيات تحضر وتملأالدرجة الثانية تماماً قبل بداية المباراة بساعتين، وأعتقد أنها فرصتكم جيدة لترتيب الجماهير وتنظيمها قبل المباراة بساعتين خصوصاً أن أغلب المدرجات ستكون هلالية وهي فرصة جميلة لتكوين لوحة فنية جمالية أمام العالم عن جماهير الهلال في هذه المناسبة التي يشاهدها الملايين من العرب هذا ماكتبته قبل النهائي للأخ ياسر الطلاسي يأخ هاوي السراب |
اخوي الو زعيم طالما ان فيه ناس مؤيدين للفكرة صدقني انها راح تصير يعني من ثلاثة شهور واحنا نتفرج على هالصورة ونتحسر ونقول ياليتها تصير بس صدقني بحول اللي ماتنام عينه ان تشوف هالصورة على أرض الواقع واذكر كلامي زين عندنا مجلس جمهور يسعى لما هو جديد ولاهم مقصرين في أي شي بيض الله وجيههم ترى السالفه ومافيها شيرتات بيضاء ووضعها على الكراسي قبل اللقاء والي يجي عند كرسيه يلبسها وانتهى الموضوع بإذن الله سترونها في مباراة العين إن شاء الله تعالى هاوي سراب |
يأخ هاوي إنت ساكن بالرياض أرجوأن تحضر للنادي وتجتمع بالأخ ياسر الطلاسي وتوريه هذه الصورة الرائعة وتخبره أن يجب في مباراة ماشال أو العين أن يجهزو خمسين شخص من مجلس الجمهور الهلالي ويتوزعو على المدرجات سواءً في الدرجة الثانية في الطبقة السفلى او الطبقة العلوية أو سواء خلف المرمين أو في الدرجة الأولى، وترى المسألة ليست أن يلبس المشجع هذه البلاستيك فلو تدقق في جمهور البرشا كان يحضرأوراق وفليين وبلاستيك لايلبسها إطلاقاً بل عندما يدخل لاعبو برشلونة يقومو جمهور برشلونة جميعاً برفع اللوحة بأيديهم للأعلى ويلتقطها مصوري الكاميرا وليس لبس البلاستيك كما تقول |
والله الفكره روووعه وقالوها قبل فتره زعماء غيرك بالمنتدى بس وين التنفيذ يعني مثل ما يوزعون على كل المقاعد ازرق يقسمونها بين ابيض وازرق على ارقام البوابات اللي ذكرتها بس اللي يقهرك ان فيه بزران يجون يترقصون تحت وهمهم بس الوناسه والضحك والاستهبال والخراب والهوااش هذولي وين تبي تفهمهم ويطبقون اللي تبي ؟؟؟ الله يعطيك العافيه اخوي على موضوعك الرائع وان شاء الله نشوف تجاوب |
إذا نبي نطبقها او تم التجهيز لتطبيقها نبيها لمباراه العييييييييييين نبي العييييين والله ننتظرهااااا يا ناااااااااااس والله ما اسكت طول المباراه نبي نهز الملعب ونبي هالحاجات اللي تخلي هالعيناويه تصفق ركبهم ببعض |
فكره رائعه وتمت المطالبه من قبل ولكن لم تجد صدى لدى المسؤولين في مجلس الجمهور أو انهم إستصعبو المسألة على الجمهور ولكن بعد حركة الجماهير في مباراة الكأس (( حركة الجمهور الأرجنتيني )) أعتقد ليست بالمسألة الصعبة أن نطبق مثل هذه الفكرة ولكن حبذا أن تكون ورق مقوى أو كرتون ويتم رفعها عند طلب المنظمين وستكون رآئعه الفكره مثل جمهور البرسا |
فكره ولا اروووووووووع يسلمووووو على التفكير الرائع نعم نحمل في طيات منتدانا اعضاء ذو تفكير عالي فكره ولا اجمل منها اتمنى ان تكون ونكون منبسطين من خلف الشاشه نناظر لكم والمنظر الرائع |
| الوقت المعتمد في المنتدى بتوقيت جرينتش +3.
الوقت الان » 04:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd