:: رابـطـة عُـشــاق الآزوري :: كل مايتعلق بالمنتخب الإيطالي هنـــا :: - صفحة رقم 149 - نادي الهلال السعودي - شبكة الزعيم

المصروع · #1 11/07/2006, 02:14 AM

الف الف مبروووك

وجائزة افضل لاعب لا يستحقها غير كانافارو

ريدزاوي · #2 11/07/2006, 02:20 AM

اللي في نفسه شي على ميتاراتزي يخش هنا ويطقه 11 مره

http://tonaz.altervista.org/zidane.html

مـيـلانـيـللـو · #3 11/07/2006, 02:29 AM

رديزاوي خخخخخخخخخخخخخخخخخخخخخخخخخ والله حركه

شكرا

ضحية مجاملة · #4 11/07/2006, 03:29 AM

مبروووووك الفوز ياحلوين .. وذهبت الكاس الة من يستحقها

عازمكم فردا فردا على موضوووعي

الديك : اه اه اكلت يوم اكل الثور الابيض

http://vb.alhilal.com/showthread.php?t=314418

ويلا ولاتنسوون الردود

دمـوع · #5 11/07/2006, 03:38 AM

زيدان أحسن لاعب في البطولة ؟!

مدام بلاتر وهالفيفا موجودين لو يسوون بطولة مافيها الا ايطاليا بس ما بيعطوا أي أحد فيهم جائزة أحسن لاعب .. بيقولوا بنلغي الجائزة لعدم وجوج من يستحقها

كنفارو , بوفون , بيرلو << جميعهم كانوا أفضل من زيدان

إقتباس


	اقول اذا هبط اليوفي والميلان نبي نستعير وسام وفارس يحركون لنا رابطة الانتر

لو يهبطوهم مو بس للدرجة الثانية في ايطاليا لو يهبطوهم حتى للدوري السنغالي صدقني لأشجع الميلان وبكل فخر

بس اظل احب الأنتر وروما واليوفي والفيولا ولاتسيو وكل شيء ايطالي

زيدان5 · #6 11/07/2006, 04:56 AM

سلام اخوان كيف الحال ومبروك لجميع الازوريين , والله ادري انها متأخرة حيل , لكن انشغلت مره وتوني افضى للنت .

المهم : شباب يمكن انتو من زمان تعرفوني بــ ( بارســــــــ10ـــــا ) لكن تدرون انه حق اخوي بعد . فيه 2 اكبر مني , هم اللي كانو يقولون ادخل المنتدى لا يفوتك , لأني كنت دايم ادخل النت احمل اغاني ويس , وبوم جربت المنتدى وعجبني خذت ( بارسا10 من اخوي ) وشاركت كثير , ويمكن من المشاركة رقم 50 تقريبا واخوي ما عاد دخل النت ( والسالفة طويلة صراحة اللي يبي يسمعها يقولي , ويعطيني ايميله )
وبعدها يوم غيرت ايميلي , وكنت انتظر رسالة التفعيل , وصراحة طولت , اخذت ( زيدان 5 ) واخوي بعدين عصب وقال مالها داعي ابي اشارك في موضوع وانت سابقني ( وجهتين نظر في موضوع واحد ) وقال خلاص لا عاد تاخذه .
عاد انما قلت ما دام ( بارسا10) ما تفعل , واخوي يبي اسمه ( زيدان5) والازوري فاز .
قررت اسجل بأسم جديد ( @ايتاليانو@ ) وش رايكم , وابيكم ما تنسوني اذا جيت بعدين بهذا الاسم . واخواني صراحة دخلاتهم قليلة للنت , لكن انا الفضاوة لاعبة فيني لازم ما يمر يومين بدون الزعيم , وانتظروني بعد التفعيل بهذا الاسم , اما اللحين بـ ( زيدان5 )

ويا شباب حدكم عاد الا ( البارسا ) ترى مو كلهم , انا ادري انه فيه مبزرة توهم طالعين , لكن لا تعممون , واذا تبوني اكتب لكم 3 صفحات عن البارشا ما عندي مانع ( تورط ههههههههه )

وفكرتكم صراحة حلوه برابطة ( الكاليتشو ) , تو قعدت اشوف الردود من بعد المباراة الى اليوم .

وخلاص احفظوني ( @ايتاليانو@ يوسف ) بعد التفعيل , لأخر مره , لأني كل شوي بأسم لكن هذا هو الاخير ان شاء الله

سلاااااااااااااااااااام

دمـوع · #7 11/07/2006, 05:29 AM

من صجكم بتشيلوا عفشكم وبتروحوا ؟!
بهالسهوله انتهينا

<< ناوي يقلبها عليكم حزن

بالنسبه عني شخصيا فما بطلع لو تجروني جر << حتى لو تجيبوا راكان ما بيقدر عليي

أبيجلس آخر واحد في الباص وبمسك في الكرسي بكل قوتي وباقول : لو تحلمون ما طلعت << متأثر بجاتوسو

على طاري جاتوسو .. أنا شفت له تصريح قبل المباراه يقول انه بيقرع اذا أخدوا كأس العالم .. وسواها عن جد هالمخبول .. وشاركه ماتيرازي

و دي روسي

:

بينما كامورنيزي فقد قال انه اهدى نصف شعره ( اللي قصاه أودو ) إلى الأسطورة ماردونا الذي شجع وآزر المنتخب الإيطالي << قايل لكم مشجعينا ذوق ذوق ذوق !

اما بوفون فقال انه لأول مره يرقص في حياته .. واللاعبون هم اللي طلبوا منه هالشيء قبل المباراه , قالوا له اذا فزنا لازم ترقص

اما حبيب القلب وشبيهي توتي

فقال قبل المباراه اذا خسرنا فسأبقي على شعري هكذا ( قصير ) << يعني أفهم من كلامك انك بتطوله ؟ زين انك خبرتني

من اللي شاهد فيكم الإحتفال اليوم ؟ عرضوه على قناة الرأي الإيطاليه مباشر
والله مو احتفال مو طبيعي << يستاهلوا الأبطال

المفروض ماتيرازي يهدي شعره لزيدان !

الملك ما يقدر ينسى روما

احسه يقول لهم خلوا كأس العالم في نادينا

ليبي مع خويه

يناظر للكأس تقول كأنه كأس أبوه ما يبي أحد يلمسه

تأج الملك !

فعلاً تاج الملك لازم يكون غالي والكل يتمناه .. ولكن التاج اختار ان يذهب لملكه !

بيروتا و بوفون كأنهم أفغانيين

زامبروتا قاعد يصور بالجوال

الظاهر ما يدري ان فيه رابطة للآزوري تحط الصور

ملاحظة : دل بيرو غنى أغنية WE ARE THE CHAMPIONS وتفاعل معاها الجمهور كثيراً

عرفتوا منهو الأقرع ؟
هذا دي روسي صاير حفلة بدون كيك مع قرعته

قايل لكم توتي شكله ناوي يخليه بنادي روما
شوفوا كيف جمع شلته ويخططوا لخطف الكأس

من قدكم يا ركان كأس العالم بيصير في ناديكم

دمـوع · #8 11/07/2006, 05:39 AM

هذي موصيتني أوصل لكم بوسة

هذي زوجة توتي ايلاري و ( كريستيان ابن توتي ) لحظة النزول من الطائرة

تشييع زيدان

دمـوع · #9 11/07/2006, 05:46 AM

معلومة : تسلم الأبطال أوسمه ( جمع لــ وسام ;)

) من رئيس الوزراء رومان برودي

دمـوع · #10 11/07/2006, 05:48 AM

العفو أخوي صقر العرب

توتي : الإعتزال ؟ سأنظر إلى عيني إبني و أقرر
قال فرانشيسكو توتي بأنه سينظر إلى عيني إبنه الرضيع كريستيان ثم يقرر ما إذا كان سيعتزل اللعب دوليا أم لا ، توتي أكد انه لن يلعب للأزوري بعد كأس العالم بنسبة 90 بالمائة لكنه و بعد حمله للكأس الذهبية قرر ان يتمهل في التفكير " أحتاج للتحدث الى زوجتي و النظر الى طفلي ، هناك الكثير من التضحيات المطلوبة مني و انا اريد قضاء وقت أطول الى جانب عائلتي " و يصر توتي ان بقاء ليبي على رأس المنتخب من عدمه لن يؤثر على قراره النهائي " الأمر لا يعتمد على بقاء ليبي من سواه ، لكني أريد الآن أن أستفيد من هذه اللحظات الى أبعد الحدود لأني لم أمر بهذا الشعور أبدا من قبل ".