|
حسبي الله ونعم الوكيـــــــل |
حسبي الله عليهم اللي مايخافون من الله لاحول ولا قوة الا بالله |
ياشباب اللي فعلوا الجريمه هذي اقسم بالله ماحضروا المباراة هذولي جايين بعد المباراة يتصيدون للناس عند شارع الاستاد والمشكله اقول للعسكري سرقوني وكسروا سيارتي يقول لاعاد تحضر مباريات بالله هذا يعقل ؟؟ |
لاحول ولا قوة الا بالله الله يعوضك يالغالي.... وبصراحة شي ماينسكت عنه.... حسبنا الله ونعم الوكيل.... |
الله يعوضك خير يا زعيم |
الله يلعنهم ويشل إيدينهم وياخذ كمخ الأمن هذي عاشر مرة تصير هالحادثة في مباريات الاستاد والاعلام المنافق مسكت وا أثارها الأمن مفقوود بالسعوديه وهذا أحد أنواع الارهاب الي يصير ومسكوت عنه قاتلهم الله من رعاع وهمج رجعوهم للصحاري تراها أصلح لهم من المدن |
الله يلوم الي يلومك .. فعلا نكدوا علينا فرحه الفوز .. سيارات مكسره وجوالات مسروقه .. وانا من ضمن الضحايا والله اي واحد منهم مستحيل يجي الملعب مره ثانيه يمكن .. وان جا بيلبق على بعد 2 كيلو ... المهم وانا اخوك لا تنسى الدعاء فدعاء الظالم كما تعرف مستجاب من رب العالمين .. الله لا يحللهم ولا يبيحهم الله لا يحللهم ولا يبيحهم الله لا يحللهم ولا يبيحهم الله سبحانه وتعالى سياخذ بحقنا منهم يوم القيامه .. بيوم الفصل .. وفي المال ولا في الحال وانا اخوك .. |
اخوي دمي ازرق لاتصكت عن حقك واول خطوة تسويها الاتصال على مكتب وحدة من الجرايد بالرياض واعطائهم الصور ولا اوصيك من هالكلام السنع وقل من يعوضنـــا بحقنا وشوية تظلم وابشر بالخير ان شاء الله حتى وان ماساعدتك شخصية هلالية تأكد ان الاجرائات بتصير افضل المباريات الجاية , بس المهم لازم يتفعل الموضوع تمام ما اقول الا الله يشل يده ويخلية عبرة لغيييييرة وماتشوف شر ان شاء الله |
... أخوي أحمد ربكـ على السلامهـ.. وبعدين انا صار لي نفس ماصار لك يوم مباراة الهلال والنصر بالاستاد كنت طالع بعد المباراة واشوف ناس متجمعين أعمارهم صغيره مابين 12 الى 17 سنهـ.. قلت بروح لهم وبشوف اذا كانت المشكله بين هلالي ونصراوي عشان افزع مع الهلالي ;) وخليت اخوي وولد عمي عند السيارهـ واشوف طفل يمكن عمرهـ 13 يمشي وراه فوق 15 ولد .. المهم اشوف الولد يركض ويروح لسيارتي وكان بالسياره ولد عمي واخوي وتجمعو عليهم وقال الولد الصغير هم اللي ضربوني يقصد أخوي وولد عمي المهم مسكت الولد الصغير قلت وخر عن السياره ومدريت الا واللي يدفني من ورى المهم قلت لاخوي قدم السياره وتجمعو علي وقال البزر هذا اللي ضربني ضحكت بوجيهم عرفت انهم ناوين على نيه وتجمعو علي والورع معه بلكه بيده حذفها علي وضربت برجلي ولا اقدر اسوي شي لاني لحالي المهم جا الولد ودخل يده بجيبي وانا كنت اتفاهم مع واحد ومسك الجوال وهو بجيبي وطلعت يده وركضت وعطيت اخوي الجوال وقلت رح بعيد عنهم يوم راح اخوي وهم يطردونه يبغون يكسرون القزاز وبعدها ركبت مع اخوي ورحت ادور الشرطه ولقيت رجال الامن عند الاشاره ينظمون السير (أمحق تنظيم) جيت للعسكري وقلت له السالفه قال مااقدر اتحرك من مكاني قلت هذي شغلتكم قال لا مانقدر قلت طيب وش اسوي الحين قال روح جيبهم انت ...قلت تبغاني امسك 15 حرامي قال تصرف انت ..وبعدين قلت له وانا مقهور امحق عسكري والمشكله ضحك بوجهي ورحت البيت وحطيت راسي ونمت <<تبغوني اكمل بعد هههههههههههههههه المهم هذي السالفه ونبيكم تقولون للابو سلطان عن هالموضوع على الاقل يسوي شي..! طيييييييط s13s s13s s13s .. |
لا تعليق |
على كذا الواحد يشيل معه مسدس المباراة الجاية... أقسم بالله قمة الفوضى.. ورجال الأمن شطارتهم على تفتيش الجماهير بس لا حول ولا قوة الا بالله |
اول شي اخوي لاتروح الملعب بدون شباب معاك ثاني شي ربنا ينتقم من هالعصابات |
ماراح ينفعك غير سلاحك خذ سلاحك معك وريح راسك من البزران |
الله يعينك أخوي والله العظيم انصدمت ماتوقعت اللي صار حسبي الله ونعم الوكيل:mad: :mad: :mad: :mad: :mad: :mad: :mad: :mad: :mad: :mad: :mad: |
ماتشوف شر ياخوي وابشر بسعدك.. وإذا تبي تعويض انا اتكفل بدفع المبالغ المترتبة على هالأمر وأنا أعلم جيدا أن الأمير محمد بن فيصل لن يسكت فهو يعلم انك اخ له وهو لايعاملنا كجماهير بل هو منا وفينا هو يعاملنا كأخوانه بندر وفهد هو يعتبر الجماهير جميعهم اخوان له.. لذلك اتأكد انه مارح يسكتون وراح ياخذون لك حقك وانا اقول مارح اوجه رسالة للأمن ولا راح اوجه رسالة لمدير شرطه خصوصا لاعرفنا انه ورا الشرطة (أسعد عبدالكريم المتصعلك الإتحادي وأحد عبيد عبدالمحسن ال الشيخ لكن أقول.. وينك يابو متعب يالي تسهر عيونك ماتنام من خوف رب العالمين تجي وتشوووف وش يصير بشعبك لكن لعن الله البطانه السيئة الي تحاول تجميل كل السواد بمجتمعنا علشان ماتتأثر مناصبهم ولا تفقد كريشااتهم البلع الي يبلعونه كل يوم.. عموما اخي الحبيب في حالة عدم تعويضك ارجو التنسيق مع أحد المشرفين أفضل الأخ الموج وان شالله مايقصرون ابناء الهلال معك |
| الوقت المعتمد في المنتدى بتوقيت جرينتش +3.
الوقت الان » 08:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd