الكاس كنه منسئل وش تمنّى ؟ / وقال الهلال يصير تاج الزعامه
 

s13s s13s s13s s13s s13s



كلٍ على ليلاه غنـّـى وغـنـّـى

...........وانا على (هـــلالــي) تـغــنــي الزعــــامه


حتى الـتـمـنـّي صار فيه يتمنـّى

.......... كن الذهـب (بالــجــن) حــقـّـق مــــرامــه


للمـجـد فـعـل وموج الافـعال مـنـّا

........... دام البـحـر يزهى ( بالازرق ) كلامــــه


ياكم خـصـومٍ في رحـانا طـحـنـّا

..........وعـنــد ( الـصـقـر ) يظهر هبال الحـمـامـه


جات البطوله...كنها الْـنـا تـعنـّـى

.............جـت للعريجـا بالرضى والــسـلامــــه


هـي تــدري ان الفن كـفــه تـحـنـّـا

.............نــقــش الزعـيم اللي عطى لـه عــلامــه


والله ياهــي بـالهــلالـي تـهـنـّـى

............كـنـّـه فـتــى وكـن الـبطولـه ( مـدامـه )


والـمـجـد يـتـعـب لو حـكـى يوم عـنّـا

..........هــلالــي وبــرق المـنـصّـه وســـامــه


عـز الله ان المـوج الازرق تـجـنّـى

.......... غــرقــاه راحــوا بـيــن ذل ونـدامــه


هالكاس كنه منـسـئـل وش تمـنّـى ؟

.......... وقال : الـهـلال يـصـير تـاج الزعــامـه


s13s s13s s13s s13s s13s


عبدالعزيز في ( كيبوردية ) زرقاء

مشكووووووووووووووووور ومبرووووووووووووووووووووووووك

صح لساااااانك يابطل..

والحمدلله على فوز الزعيم..

صح لساااااانك يابطل..

والحمدلله على فوز الزعيم