نادي الهلال السعودي - شبكة الزعيم - الموقع الرسمي

حوطية في الاواكس

الحواطى يوم اكتشفوا البترول عندهم وش سوو .. ؟؟؟؟!!!!!
قدموا طلبات واجد للحكومة ( الله يخليها لنا ) والحكومة ماقصرت نفذت لهم شيء كثير منها
قاموا الربع طمعوا وقالوا نبي طيارة اواكس للحوطة وضواحيها وش حيث اننا هما الرياض عندهم نبي زيهم !!
صار فيه طيارة مستغنية عنها الدولة توهم موضبين القير حقها ولاهم مضيقين صدور هالحواطى فحققوا لهم هالطلب بعد
يوم جتهم تهاوشوا من الي يطلع عليها ؟؟
ابوصويلح عيوا عليه لانه نظول !
وابو رويشد لانه يحب مناظر الحريم !
وابو صعفق عيت عليه حرمته ( تغار عليه .. تخاف يدري انها اشين وحدة في الديرة ) !!
ودحيم الدبشة يخافون مايدل !
وكل ماجاء واحد عذربوا فيه الباقين !!
ولا اتفقوا على من الي يطلع عليها !!

اخيراً وبعد تدخل الداخلية والبلدية والصحية….
اتفقوا .. على ان مايطلع عليها الا حريم علشان مايكشفون الرجاجيل عوراتهم.
وبدت الطيارة تقوم برحلاتها الاستطلاعية وطاقمها مكون من ام زيد وام رشيد ..
بالاضافة للسواق حق الطيارة !!
المهم اول شي سووه اول مادخلو الطيارة فرشن ذاك البسيط ( تراه بساط بلاستيك ناحل وفي اطرافه بعد شوك عقب البر ) على ارض الطيارة وحطن القهوة والقدوع وبدن يتفنجلن العمات ..

انا ماقلت لكم انهن استقالن من وظيفتهن الاولة في المدرسة الابتدائية ( وحدة فراشة والثانية فراشة بس مرة الحارس )
بدوا يسولفون ام زيد وام رشيد ……………………….
ام زيد تقول : شوفي ام نويصر كابعت ( لابسة ) عباتها والزمزمية في يدها ورايحة تزور ولا علمتنا ؟؟
نوريك فيها هين !! وانا ناوية اعطيها صاع حب مالح توني طابخته .. الا يامعطيتها !!
قالت ام رشيد : اقول شوفي شغالة ام صعفق قاعدة تسولف مع ابو بدلة صفراء هالبلدي شوفي وش ذا الي عطته ؟؟ ماينسكت عنها !! ابعلم عليها ام الرجاجيل ذي !!
قالت ام زيد :
شوفي عنز نوير الضايعة شوفيها ورا الطعس مساكين لهم يومين ماذاقوا الحليبة اتصلي تكفين على العمليات بسرعة تكفين علميهم .
ام رشيد : وشي عملياته حقة الصحية ( قصدها غرفة عمليات المستشفى بس هم يسمونه كذا ) ؟؟
ام زيد .. لاهية عنها ومبققة عيونها في الرايح والجاي وتواصل القز ( النظر والعيون تكاد تخرج من محاجرها ) بدربيل روسي جايبه ولدها من الحج العام ولا ردت عليها ..
قامت ام رشيد وتتصل على تلفون المستشفى وقالت لهم عطوني الدختور الي يسوي العمليات وجا الضعيف بسرعة والدمان ماليتن مقطعه ( الروب موب الزبادي ) الاخضر .
وقال : اهلين ام رشيد كيفك شو صاير خير انشاء الله رشيد منيح ( ابو رشيد كافل اخو التختور ولا يقدر يتأخر عنهم بشي ) قالت ترا العنز …………………….
وانتبهت ام زيد لها ومتخت ( مأخوذه من فعل متخ وهو جر الشيء بعنف مبالغ فيه ) سلك التليفون منها وقطعت الخط وقالت لها يالخبلة مهوب ذولي الثانين الي عندهم روادو واجد ( ام زيد مثقفة علشان رجلها يشتغل دبوس – حلها حوطي ودبوس ( دبوس = جحة بلغة القصمان = في باقي الدول مباحث ) )
بعد شوي اتصلوا عليهم العمليات ………
وقالوا لهم : وش اخبار الرادار عندكم فيه شي جديد ؟؟
قالت ام رشيد : وشو ذا اللي تحكي عنه انت ؟؟
قال : اوف .. هالتلفزيون الي قدامك !!
قالت : هالمدور الي فيه شي يدور كانها مساحات سيارة ؟؟
قال لها ( والغضب يكتنفه من دباشتهن وغبائهن ) : ايه وش اللي ظاهر فيه هالحين ؟؟
قالت : مافيه الا نقيطات ماتستاهل من يناظرها :):) !!
ماعليك حنا نقز كلش مع هالقزازة ومعنا دربيل زيد الروسي !!
قام الرجال يخبط على الماصة الي هو جالس عليها ولايدري وشلون يتعامل معهن واخيراً قال بالطقاق الشرهة علي اللي يحكي معهن !!
لكنه شاهد من الرادار الارضي شيء غريب يتحرك مع الطيارة .. وش السوات ؟
قام واتصل عليهن وقال : الو .. ام زيد وام رشيد حول ..
قالوا له بصوت واحد : هو تونا راقين وشو له نحول او دوامكم مثل دوام المدرسات :)
قال لهم ووجه صار كنه قوطي صلصلة من الغضب : اقول لك انتي واياه فيه جسم غريب في الطيارة !!
قالت ام رشيد : ابداً مافيه الا انا وام زيد والسواق صاكين عليه الباب وجايبة شغالتي عشان تصير محرم لنا
قال : الا انا طالع عندي شي اسود !!
قالت الذهينة ام زيد : يمكن الطيارة طالع لها حبة خال :)
قالت ام رشيد تكلم ام زيد : كاني اسمع صوت طقطقة حديد تسمعينها ياام زيد
قامت ام زيد وتشيل الصنفة ( شيلتن توضع على الرأس بشكل دائري يخفي معالم الرأس كله ) عن راسها وطلعت اذنها الي كانها دش الاوربيت .. :):)
وقالت : أي والله صادقة ياوخيتي

العمليات طبعا ماانتظروا .. ارسلوا طيارات استطلاعية تشوف وش الي صاير .. وطلعت الطيارات تشوف ولقوا ان وحدة منهن صاكة باب الطيارة على بشتها !!!!!!!
هذا بشت ام زيد .. وفي طرف البشت رابطة مفاتيح البيت ( وهو اللي مسبب صوت الطقطقة السابق .. طق طق طق طق … )
ام رشيد يوم انها شافت هالطيارات انهبلت واتصلت عليهم تقول فيه طيارات تلاحقنا !!!!!!!
يوووووووه حنا افتكينا من حقين الدداسن ( الوانيتات ) وبدوا يلاحقونا بالطيارات بعد !!!!!!!!!!
ام زيد تعقب على كلام ام رشيد وتقول الله واكبر من طولك عاد يطمعون فيك
الوك مركز التجارة العالمية كان يصير فيك مطمع :)
ترا العنز تفرح اذا مشت جنبك تقول شوفوا اختي :)