|
البولنديات والبرسا وانتوا بسم الله الرحمن الرحيم السلام عليكم ورحمة الله وبركاته البولنديات كلنا شفنا مباراة المنتخب الأخيره ولاحظنا وجود المشجعات البولنديات وانتشرت صورتهم في كل المنتديات ..وماأظن هاذي اول مره يدخلون فيها مشجعات [ غير سعوديات ] الملعب ..موهاذي السالفه اللي ابي اقولها السالفه : يوم قريت بنات[ سعوديات] يبون يتساوون بها ويدخلون الملعب ويشجعون ..لاحول ولا قوة الا بالله .. أي مساواه اللي يقولون عنها .. الحمدلله والشكر.. مفروض هي المسكينه تطلب تتساوا بنا ويمنعونها تدخل .. الحمدلله اللي اعزنا بالإسلام ..أولا والحمد لله اللي خلقنا سعوديين ..ثانيا وان شاء الله يستمر منع دخول الحريم للملاعب.. تخيلوا بالله ..تخيلوا البنات وهم يشجعون بالملعب انا بالبيت لا وبعد انخش لا شفت ابوي جاي.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــ جمهوووووووووووووووووووووووووور البرسا حاجه مو معقوله .. سحر ..خيال ..روعه كيف يسوون هاذا الترتيب والتنظيم ..مأدري والله بصراحه ماتتفرج على المباراه عشان البرساولا الريال تقعد تتفرج على الجمهور اللي يهدر زي موج البحر طول شوطي المباراةومايهدا طول الوقت .. ويشجع بحماس منقطع النظير.. حتى لو مافيه اهداف ولا التنظيم .. حكايه ثانيه .. حاطين لهم على الكراسي أوراق يمسكها الجمهور طبعا اوراق ملونه عشان اذا دارت الكمره بالملعب تشوف اسم البرسا مكتوب بطريقه .. تحفه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــ الجمهوووووووووووووووووور وجمهورنا..آه ياجمهورناجينا لمربط الفرس.. ليه ماتسوون زي ايام زمان التموجات المكسيكيه بترتيب؟؟ ليه ماتوزعون اوراق وتكتبون اسم الهلال في المدرجات زي البرسا؟؟ ليه ماتهدرون زي موج البحر طول الوقت؟؟ يوم الجمعه مباراتنا مع الأهلي نتمنى نشوف ترتيب معين وتنظيم مختلف يتميز به جمهور الهلال .. الجمهور المميز دايما.. ودمتم بخييييييييييييييييييييييييييييييييير |
عيني عليك باردة يابنت ... بس فيه نقيطــة صغنطوطه بالله عليك تقارنين جمهور البرشا بجمهور الهلال ؟ طبعــــاًً الهلال أفضل <-=-=-=-=--- يصرف يعطيك العافية .. |
تخيلوا بالله ..تخيلوا البنات وهم يشجعون بالملعب انا بالبيت لا وبعد انخش لا شفت ابوي جاي.. الله يرجك يا شيخه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههه |
انتظرونا ضد الاهلي |
اول من بيتضرر البنات نفسهم يااختي حنا يالشباب متضررين -((دخان+سب ولعان+كلام وسخ) عاد ومن زين الملاعب الموجودة لا مكيفات ولا غيره حر وكتمة وممنوع تخش حتى بقلمك الحبر البنت المسكينه اللي علباها بتنبسط.. وش بيجيها؟! اقول اذا ماخطفت كويس اما عند التفتيش بيمكون فيه مفتشات ويمكن تخلي شنطتها اللي ماتقدر تفارقها ابدا ابدا عند هالمفتشه والا ترجع من حيث اتت:) وانا اقول زين ان خشيتي بعباتك :D شي لايحتمل .... الله يعز الاسلام بس .... كرم وحفظ بنات المسلمين من العلمانيين والافكار المنحرفه... ويرد كيد المعتدين والعلماني والعلمانية ويهديهم ويهدي كل مسلم ويعز هالديرة اللي قايمة على شريعة الاسلام ... ويحفظنا من كل مكروه وفكر حقير دنيئ قبيح سافل ويحفظك من كل سوء اختي لولوة ومن يعز عليك. سلامو عليكم |
مع ان ودي ادخل ملعب بس الحمد لله انهم مايسمحون لنا الصراحة احنا في نعمة بس مو حاسين فيها |
مشكورة ،، وياليت كل البنات بمستوى تفكيرك خصوصا في الحضور للملعب .. |
هههههههههههههههههههههههههههههههههههههههههه |
الحمدلله مو مسموح للبنات ذخول الملاعب في السعودية :) على شان لا يصير شيء لانحمد عقبة تحياتي لكاتبة الموضوع سلاما عليكم |
إقتباس:
والنقطه اللي قلت عليها... جمهور الهلال كبير .. وشف المباريات عام 1417هـ واللي قبله وانت بتتأكد |
والله انا اتمنى من جمهورنا التشجيع المتواصل دون توقف ولكن جمهور الهلال كبير وكثير ولكن ماله تأثير |
بصراحه أمك جابت بنت رجال |
إقتباس:
|
إقتباس:
والله انها سهلة....بس يبي لها هندسة |
أشكرك اختي على طرحك الجميــل للأسف الكثير لا يفرق بين الحرام والمؤدي للحرام فدخول الملاعب للنســاء ليــس بالحرام لكــنــه سيؤدي لما لايحمــد عقبـــاه كالقيــاده المرأه ليست بالحرام ولكنها ستؤدي أيضا لما لايحمـد عقبـاه وهذه هي المشكله في مجتمعنا عندما يكون هنـاك المنـع لشيء مبـاشره يربطونه بتشدد الديـن مع العلم أن الديـن يسر وليس بعســر فدرىء الشبهـات من الأمور ألتى حثنـا عليها ديننا الأسلامي ,,, وعندما يناقش في مثل هذه الأمور يجب النظر ألى ماسيؤدي أليــه , وعند ذلك يطلق الجواز في الأمور أو المنـع وليس التحريم لأنه للأسف اصبح كثير لا يفرقون بين الحرام والمكروه والممنوع فالحرام بنص شرعي ,, والمكروه لا يعاقب فاعلـه ويجزاء تاركـه ,,,, والممنوع غالبـا مايحصل في الأنظمــه الوضعيـه ألتى ستؤدي ألى محظورات أما النقـطه الثاني ماتخص جمهور البرشــا هل تقارنين جمهور نــــادي تأسس قبل أن توحــد السعوديـة ؟؟ فكلنا يعرف ان نادي برشلونه تأسس قبل أن توحد السعــوديـه , يعني يوم أن أجدادنا ببيوت طيـن وفي اسبانيـا ملاعب كره قديمـــــــه وعنـدهم تشجيــع لذلك تجدين أن الثـقافه الرياضيـة عندهم تطورت بشكل رهيب ,, فجمهور البرشـا كمـثال قبل 20 سنـه ليس كمجمهور البرشــا اليوم من ناحيه الثقافه الكرويـه المتطوره لأن عامل الزمـن والخبره والممارسـه تحدث مثل هذه الأمور وأيضـا هناك شيء مهم ألا وهو أن الخصخصـــه لوحصلت عندنا , سيحصل بعض مايحدث في أسبـانيـا من ناحيـة التشجيع فملعب نادي برشلونه يتسـع لميــة ألف متفرج وفي مبـاراه ريال مدريد كان حضور الجمهور 98 ألف أما الألفيــن المتبقيين كان لجمهور الريــــــال لذلك لا يوجــد أي مقارنـه ,, وللمعلوميــه الشعارات البلاستيكيه الملونــه وضعت على الكراسي قبل بدأ المبـاراه فكل شخص يشتري التذكره ومعـه رقم الكرسي حسب اختيــاره ويذهب ليحصل الشعار في الكرسي ماعليـه الا رفعـه في أوقــات متعارف عليــها في المبـاراة كنشــيـد برشلــونه وعنـد تسجيل الأهداف وهذه الطريقه لاتحدث الا في المباريـات الكبيره غالبـا تقبلي فائق احترامي لك على طرح الجميل ودمتمتي في رعايه الله |
| الوقت المعتمد في المنتدى بتوقيت جرينتش +3.
الوقت الان » 01:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd