إقتباس الرسالة الأصلية كتبت بواسطة ابودحه الهلالي ^^ ودييقو لوبيز وين راح ؟ طبعاً قارن بأسماء اللعيبة الي قدام لوبيز والي قدام فالديز .. ثم أختر يا حوبّي

أهم شي عندي انه ينضم ! ولاحقين على انه يكون الثاني أو الثالث


لك

إقتباس يالغلا مو اي احتكاك داخل الصندوق بلنتي لازم يكون من الاخطاء العشره .. وبيكي عشانه حط صعبين على رونالدو وطاح يبي ياخذ بلنتي مايصير وانا اخوك اما لقطة بويول وبنزيما صراحه ماذكرها ماراح افتي لك فيها اما لقطة كاكا ههههههه معليش يالغالي الظاهر انك تسمع بالتحكيم كاكا كان عليه مضايقه واحتكاك كتف قانوني عادي جدا .. ولو فرضا ان قلنا كان فيها اعاقه الحكم اعطى فرصه لكاكا وأكملها اللاعب وعكسها وخرجت ركنيه

ماتسّجل .. تلقم

فاكت كل الناس عارفينه .. حتى الشباب الحلوين اللي كانوا يجمعّون مصروفهم لشهرين عشان يجمّع له 100 ريال ويشتري الجزيرة ويشوف رونالدينيو يسحّب وصار يشجعهم

انك تلعب في أرض برشلونة " افضل فريق بالعالم حالياً " ونص لعبك في نص ملعبهم , وتقدم مستوى مرضي , اللاعبين عارفين أدوارهم , إنضباطية دفاعية وإنضباطية وسط مجنونة وتضيّع هجمتين بالشوط الاول محققات كـ أهداف
هنا نحييك يابلقريني , ونحيي لاعبينك , حماسهم , روحهم , مستواهم

الفريق بشكل عام أبدع
تكتيك بلقريني بطل , عرف كيف يلعب مع برشلونة , يعرف يمشيهم على اللي يقدر عليه , حد من خطورة تشافي , أنييستا , ألفيس
ماراح اقول ميسي .. لإن بيب مع احترامي ماوظفّه في هالمباراة بالشكل السليم
ميسي زي ماقال عبوّد " بنزيما 10 "
قوته لما يجيك في الجناح اليمين , اما تخليه في النص زي ماصار البارح , انت كذا تحجمّه .. وهذا اللي قلل من خطورته البارح

اللاعبين كانوا في مستواهم جميعاً

خصوصاً راموس اللي أدهشني انه رجع لمستواه .. وكان سد منيع للهجمات البرشلونية من الجهة اليمين , ذكرني براموس الأول

كل الفريق كان بطل .. ماعدا الزيدي ابن الكلب مارسيلو (صورة واحد يطرّش ) والصلبي هيجواين ( وجه يتذكر شعره المخيس قبل سنة )


انا ماني زعلان لأننا قدمنا مستوى كبير واحرجنا برشلونة القوي بأرضه وبين جماهيره .. وبغينا نفوز لولا ان الله سبحانه وتعالى ماكتبها لنا
بس منغبن من الفرص اللي ضاعت , وماكان المفروض تضيع بهالسهولة
كريس ؟؟ .. تسجّل اصعب من كذا ! معقولة ذي تضيع ؟
قلتها , ربي ماكتبها لنا
الحظ ماخدمنا هالقيم , برشلونة استفادوا من الفرصة الي جتهم وسجلّوا , نقول لهم مبروك
لكن كـ إستحقاق , مااشوف برشلونة يستحق الفوز كثر مانستحقه إحنا
سيطروا , استلموا الكورة أكثر , طقطقوا ... بس فيه هجمات خطيرة ...؟ نوو

نفس فكرة الأرسنال قدام تشيلسي في مباراتهم البارح , وصلت سيطرتهم لـ 62% لكن مافيه فايدة من هالسيطرة .. بالأخير لقموّا ثلاثة زي براد أبو ثلاثة

واعجبني الفريق بمستواه , لو يستمر على التماسك الدفاعي والنص .. نبي نلحق برشلونة ونسفطهم ورانا ان شاء الله إلى درجة ان كاسياس يناظر برشلونة بالمراية ويشوف برشلونة نقطة صغييييييرة وراه وفيها شي كبير < الشي الكبير خشم إبراهيموفيتش خخخخخخ , مع أنه يهمني أكثر اننا نؤدي بالأبطال ونعدي دور الـ 16 ملعون الوالدين .. ونستمر ننافس فيه هالبطولة اللي تبي ترجع لنا بإذن الله

على فكرة
كورة كريس اللي ضيعها , لمت فيها كاكا أكثر من كريس
كان قدام الباب 7 متر وزيادة قدامك .. وضعك أفضل بكثير من كريستيانو
كان المفترض انك انت اللي تحطها في الباب .. كريس كانت زاويته أضيق من زاويتك

عموماً هي راحت الله يخلف علينا وخيرها في غيرها

الأكيد ان المباراة استمتعت فيها أنا شخصياً .. كـ مشجع مدريدي بغض النظر عن النتيجة اللي تغبن ... لأني بوجهة نظري أشوف اننا احق بالفوز , وكنا نستاهل ع الأقل التعادل

من ناحية التحكيم .. هدف إبرا لما شفته كويس
صعبة على الحكم المساعد انه يجزم فيها .. ودايم الشك في مصلحة المهاجم
بلنتي بنزيما برضو .. زاوية الحكم صعبة , وبويول سحبه بطريقة لاعب خبرة وطريقة خبيثة مااحد يقدر يشوفها الا من زاوية الكاميرا
لكن بلنتي كريس !! , الإندفاع باليدين ؟؟ .. هذي انظلمنا فيها للأسف


كنت اعتب على الحكم بالاخطاء , كل ماانبطح لاعب حسبها فاول , ووزّع كروت اليما تعب بعضها يستحق والبعض لايستحق
فايدة الطرد اننا نبي نشوف ألونسو محور هجومي الأسبوع الجاي دام ممادو ديارا يبي يلعب ان شاء الله


لكن هذي الكورة زي مابدينها نختمها

إن ماسجلت .. يُسجّل فيك


مبروك برشلونية حبايبي ..

هارد لك مدريدية

^^
كان حاس انه متضايق وجت في باله فكرة انه محتاج يغير جو .. قال بغير فريق مره وحده كذا

بندر .. شوف الخاص

إقتباس معليش ابخالفك في هذي ياسليم .. اول شي ارقام ايتو تغنيه عن اي انتقاد وتسجيله في نهائيين تشامبيونز لعبهم تكفيني لكن طريقة لعب ايتو تختلف عن ابرا ابرا لو تلاحظ مايصنع لنفسه الا فرصه ولا 2 في المباراه ويسجل .. ايتو يصنع له قد شعر راس بويول له ولباقي الفريق .. ويتبادل مراكز مع المهاجمين وممتاز جدا في فتح المساحات باقي اللاعبين .. هذا شي يميز ايتو عن باقي المهاجمين وانا ماراح اتكلم عن مزايا ابرا لأنه اثبتها اليوم بنزوله

من ينظر الى الخلف سينسى المقدمة !

بإختصار ، ابرا أفضل رأس حربة بعد فيا ان لم يكن يوازيه

اصبح اكثر فاعلية ، ينزل ويسوي قلق ، ويمسك مدافع معه ..

من تحجج بأرقام ايتو ، فالمجموعة تصنع كل شيء في البرسا ، وهاهو ايتو انفرد أمس بفراي واقرب مدافع بعيد عنهم يجي 20 متر ، ومع ذلك ما عرف يسجلها ، والله اعرف انتراويين يلعنون الساعة اللي جابوا فيها ايتو ، ونشوف نهاية الموسم .


فالديز

كان اغبى حارس في الليغا بالنسبة لي ، لكن بداية من مباراة اسبانيول اللي جاب فيها العيد ، والى يومك ، كل يوم يسوي اشياء ما اتوقعها منه ، بعيد عن فرصة رونالدو او الكلاسيكو بشكل عام ، مباراة كازان ايابا ، مباراة اوساسونا ، نهائي التشامب ، شيء ممتاز لفالديز ، واذا كان تفوقه بسبب ضغط البرسا ، فالمنتخب الاسباني يلعب بضغط عالي على الخصم .

نقاش هونتي وان الريال فرط فيه ..

هونتي هو من طلب الخروج ، وشخص لا يريد البقاء في مدريد ، حتى ولو كان كاسياس ، فشخصيا لن اتحسف عليه ! .

سسسسسسسلام ..

مداخله ع السريع

اول شي مبروك لجمهور البرسا هذا الفوز .. وبصراحة الشوط الثاني قدموا مستوى جيد .. خصوصا ً بعد دخول [ ابرا ] .. وفي عرف كرة القدم [ ان لم تسجل فـ عليك ان تستقبل .. ] .. الريال ضيع اهداف محققه .. لكن الحمد لله على كل حال ..


بالنسبة لـ هدف ابرا .. الهدف من وجهة نظري المتواضعه .. ليس بـ تسلل ابد .. [ المعروف ان اي جزء من الجسم يجوز اللعب به يعتبر تسلل لكن اليد لا تعتبر ]


هنا في الصورة نجد ان ابراهيموفيتش ليس متسللا ً .. والسبب ان يده فقط هي التي في منطقة التسلل !!


اليكم الصورة :





ما يهمنا كـ مدريديين هو عودة الروح للريال .. خصوصا ً [ كاكا .. ] و [ راموس .. ]


حظ اوفر للمدريديين .. ومبروك للبرسا ..


بـــرب ..

8
عبدالسلام صح ؟ < طرّاه سواليف التأكد من الأسماء ههههههه


سواليفي قابلة للنقاش كان فهمت منها شي .. لانها جايه من واحد ساحب على الدوام ومواصل

رح وتعال بس اخاف ماتلقاني

حيّهم ..
الحين نقدر نحتسي عن المطش عقب ما ريّحنا ..
بتكلم عن عدة نقاط ومنيب قاعد اقسمها فلذلك الي ما يحب الردود الغير مرتبه ينط الرد على طول ..
بيلقريني .. دخل المباراة بتكتيك رهيب .. قدر يفرض سيطرته عالبرشا , قدر يفصل الثلث الهجومي للبرشا عن ثلثي الوسط والدفاع , في كثير من أحيان المباراة خلى البرشا يقمط ويدافع ويلعب بتكتيك الفرق الي تواجه البرشا , وكل هذا عمله بمحورين بس لكنه ثبت مارسيلو في اليسار مع كريس وقدر مارسيلو يحد من خطورة ألفيش واربيلوا قدر يتفرغ لميسي .. تخيلوا معي بس ان مدربنا ما لعب مارسيلو مع اربيلوا شوفوا الحفلات الي بتصير .. اذا كان الفيش + ميسي + تشافي كلهم يدخلون دايم مع اليمين بالله من بتوقف ؟! هل اربيلوا لحاله يقدر يوقفهم لذلك الي يقول مارسيلو وش يبي من الحياة اقوله مارسيلو لولا الله ثم هو كان شفت النتيجة أكبر للبرشا .. هيقوين وحيداً في الهجوم هذي خطأ من بيلي , لدرجة أن ثامر وصلت انه يقول هيقوين عاهة .. ما توصل كذا ثامر , هيقوين بطل بس لازم توظفّه موب هو ذاك اللاعب الي تقطه في أي مكان ويبدع لك , هيقوين يحب التوازن يعني ما تجي يا بيلي وتلعبه هيد سترايكر لحاله ولا بعد تشطح وتلعبه جناح يمين .. اقولك يا بيلي وش أفضل مكان لـ هيقو " مهاجم ثاني مٌتحرّك " يعني زي كريس مع المان في كثير من مبارياتهم .. يعني اذا بغى يضم للهجوم ويدخل كمهاجم صندوق ويستقبل كورة ويسجل ما في مشكلة .. واذا بغى يجنح يمين ويفك لك سبرنت ويخترق برضو مافي مشكلة .. عشان كذا انا ألوم بيلي في مسألة هيقوايين كـ مهاجم .. تخيلوا معي بس أنه دخل بـ البنز .. كيف بيكون تبديل المراكز الخالع ؟! مره البنز هجوم وكاكا وراه وكريس جناح ومره كريس في الهجوم وكاكا وراه والبنز جناح ومره كاكا هجوم وكريس وراه والبنز جناح .. والله لـ يتعذب قلب القطو تعذيب ولعد يدري من يمسك .. نجي لـ تبديلاتك يا بيلي .. سيئة سيئة سيئة لأبعد الحدود .. مشكلته ما قرا المباراة صح .. ياخي انطرد بسكوته أسحب مارسيلو عشان الضغط بيخف عليه كثيييير والبرشا بيدافع .. لذلك اسحب مارسيلو نزل فاغت أو درينثي الي والله في الهجوم مش بطال هاليومين .. هالتبديل بس ممكن كان يقلب المباراة رأس على عقب .. بس يالله ما كٌتبت لنا ..!
فريقنا والله رهيب يا عيال .. انتم فكروا فيها بس .. برشلونه أقوى فريق في العالم حاليّاً نحجره ع أرضه وبين جماهيره وسوبر ستارنا ما لعب المطش كامل .. و أسلوبنا هجومي ولا قمطنا ودافعنا .. والهزيمة جت بـ غلط تحكيمي فادح .. و3 بلنتيات مستعد اجيب صورها كلها ما حسبت لنا .. بكذا ليه نسب بيلي ؟! معليش بس فيه نوعية أعضاء هنا ترفع الضغط وهم عارفين أنفسهم .. انتقادات لـ بيلي ع الطالعة والنازله .. ياخي من انت عشان تقيم بيلي .. ليه دخلت بهالتشكيلة .. وليه ما استدعيت اللاعب الفلاني .. وليه وليه وليه وليه ؟؟ تبي تنتقد انتقد نهج تكتيكي .. تبي تنتقد انتقد تبديل وأخطاء في قراءة المباراة أما انك تنتقد تشكيلة والمباراة ما انلعبت فهذي عيب والله .. انتم تبون بس فريق جاهز زي برشلونه يقدم متعه .. ياخي أصبر ع الفريق .. السكواد ذا حق برشلونه جلس موسم كامل بنفس التكتيك وبنفس الأسماء لين تجانسوا وشافت الناس المتعة .. ياخي ليه العجلة والانتقاد الدائم .. انتم فيكم من الماركا والآس الكثيير صراحة !

هذا ردي في الرابطة ..

إقتباس راااح عليكم يا المدريدية صدز يعني لو جلس بدال الطعس الغبي هيغوين ما كان آصرف ؟ مثل ما قال عبدالله صياد يكفي هدفه الآول اليوم ! يلعن آم الثقة اللي عليك يا هونتي ! ع العموم الحمد لله آنه راح لـ الميلن !

بندر ..
معليش بس تقارن لي هيقو بـ هونتلار ؟
هيقواين أفضل بكثيير ..
لكن زي ما قلت بيلي ما وظفه اليوم صخ ..
هيقوين سريع + مهاري + يشوت من برا منطقة الجزاء + هداف ..
هونتلار هداف بخلاعه بس هذي مهارته ..

إقتباس نقاش بندر الكويس

شف بما أن الاستثمار مدّهر في انيقلند ..
لا تتوقع توقف مفاوضات نجوم الدوري الاسباني للانتقال لانديتهم ..
طبعاً نجوم ( ريال مدريد - برشلونه ) غير قابلين للمساس الا اذا صار مشكلة كبيرة مع احترامي للاندية الأخرى ..
عشان كذا تشوف المفاوضات هذي مستمره ..
لكن بوجهة نظري انا ان صعبه انتقال هـ النجوم ..
لأن الانظار بدت تتسلط ع الدوري الاسباني بعد جية النجوم له ..
بدت الاندية الاسبانية تزدهر ..
وأظن في نادي اسباني قرييب من انه يستثمر من شركة خليجية ..
طبعاً هالشي راح يرجع بالنفع ..
خصوصاُ للأندية المتوسطة والضعيفه ..
وراح نصير احنا نفاوض نجوم البريمير بدال ما يفاوضون نجومنا ..
عوافي بندر

إقتباس ماراح اقول ميسي .. لإن بيب مع احترامي ماوظفّه في هالمباراة بالشكل السليم

إقتباس ميسي زي ماقال عبوّد " بنزيما 10 " قوته لما يجيك في الجناح اليمين , اما تخليه في النص زي ماصار البارح , انت كذا تحجمّه .. وهذا اللي قلل من خطورته البارح

إقتباس معليش بس تقارن لي هيقو بـ هونتلار ؟ هيقواين أفضل بكثيير .. لكن زي ما قلت بيلي ما وظفه اليوم صخ .. هيقوين سريع + مهاري + يشوت من برا منطقة الجزاء + هداف .. هونتلار هداف بخلاعه بس هذي مهارته ..

بندر شف ..
فالديس كويس أوكي ..
لكن خادمه السكواد الي قدامه والله ..
بغض النظر عن دفاع البرشا ..
البرشا فريق هجومي كل الفرق تلعب قدامه بـ 10 - 0 - 0 ..
وقليل توصل له هجمات ..
لكن نرجع أول وقت ما كان برشلونه ما يلعب بهالتكتيك وما كان بذا القوة ..
كان كثير من مشجعين برشلونه ضده وكان نكباته واجد ..
اوكي فالديز كويس ..
أمسكه حارس ثالث في اسبانيا بعد لوبيز ..
الي ع فكرة متابعه من فترة موب قصيرة ..
والحارس مبدع بشكل غير طبيعي ..
واتذكر تصريح لـ كابيلو اذا منب واهم كان يمدحه فيه ..
انا اقول يمكن لو اعطي الفرصة في المنتخب الاسباني ..
نشوفه ماسك حراسة واحد من اندية اوربا A ..

^
بندر ..
مقارنةً لـ هونتلار أطلق مهاري بعد ..
هونتي لاعب كبير ولو يذكرون بعض العيال من الرابطة كنت خاقن عليه خقة موب صاحية ..
من نص هجمة يجيب لك قول ..
لكن كانك تبي الجد المهاجمين من طينته كثروا ..
ومتوفرين كثيير في آخر السنوات ..
يعني مسألة انك تفاضل لي بينه وبين هيقوين بفضل هيقوين من غير كلام ..
خصوصا وانه بزير وتقدر تعدّل مشاكله البسيطة مثل الانانية والتوهان ..
يكفي ياخي انه يتدرب مع فان قول وراؤول ما تبيه يستفيد ..
بعدين حرام عليك في منطقة الجزاء والله عنده قدرة تهديفية حلوة ..
خصوصاُ من الاطراف وركز فيها ..
الزبدة ان هيقوين الموسم الماضي كان منقذنا وبطلنا ونجمنا ..
ولو رجعنا لهالوقت وفاضلت لي بينه وبين هونتلار برجع وبختار هيقواين ..
رغم حبي لـ هنتر ..

إقتباس مدري صراحة كيف حكمتو ع مارسيلو آنه سيء في هـ المباراة ؟آنا آشوفه صرراحة من نجوم الريال في مباراة الليلة و كان سبب رئيسي في آن قوة البرشا في الجهة اليمنى قلة كثير ! مارسيلو صحيح طعس آحياناً و ما يعرف كيف يتصرف بالكورة لكن يبقى لاعب جيد تكتيكياً و مساندته المميزة اليوم لـ آربيلو دليل ع كلامي ! آيضاً مارسيلو اليوم ثبت آلفيش في مكانه و كان يراقبه من بعيد لـ بعيد ! و هذا اللي حد من خطورة آلفيش كثيير اليوم و لا شفناه تقدم كـ عادته !

إقتباس هيغوين متى ما صار مهاجم ثاني ورى راس الحربة و عطيته الحرية جاب لك اللي تبيه ! ،

يا حبي لك بس ..
القلوب عند بعضها ..
انا قايل انك مدريدي مجنس برشلوني ..
ولا انت المفروض يمدردونك لان تفكيرك موب برشلوني متحجر < انا عم بمزح ..
رح شف ردودي في الرابطة تقريباً كلها نفس مضمون كلامك يا حلو ..