اي ظلم تكفى الريال يحمد ربه انه تعادل والبركه بكاسياس ورنالدو ولا الباقي داجين

زين ان المباراة عدت على خير شكل المرداس راح النو كامب وحنا ماندري

الحكم ظالم الفريق المدريدي ونا متابع الحكم من بداية الموسم في كل مبارياتة الي يحكمها ضد فريق الريال رونادو وزيدان والله مالهم حل بس حاطين عينهم على كأس العالم

والله يالحبيب ذكرتني بمباراة ريال مدريد الي قبل مباراة دبورتيفو الي انتهت بالتعادل وانا كنت قاعد في القهوة واذا الحكم يعلن نهاية المباراة بالتعادل فاذا بجماهير الريال الي في القهوة تصفق وتصفر وتهلل وكأنهم اخذو الدوري.
هنا حابي اقول انه شكله جماهير الريال اخيرا عرفت قدر فريقها واصبحت تقنع بالتعادل مع بعض الفوز والمركز الثاني.
والفاااااااارق 11نقطة على العموم مبروك لكم التعادل مع الفريق الكبيييييييييير البارسا.
لكن الي يقول انه التعادل بهذه الظروف تمسح نتيجة مباراة الذهاب اقول مستحيل فهناك ثلاثه بيضاء وهنا تعادل فقط وكل لبييب بالاشارة يفهم

لاعبين الريال <<=-= طالعين من الشر

مساكين هالفرشاويين والله؟؟ صار الريال الحين يفرح بالتعادل,,الله لنا راحت ايام يوم كان الفرشا يفرح لو بالهزيمه بس ماتكون ثقيله ,,والحين طالع لي واحد يقولن مارقعناكم سته وش هالبزارين ذي!! ترا الفرشا جلس 30 سنه ماخذ ولابطوله ياناس افهموا وش فيكم على الريال صح انها غريبه ان الريال مايجلس بالعاده مثل هالفتره 3سنوات ماياخذ شي لكن حسنه للفقراء المساكين ,,,,,,,,,,,,لكن احب اقوووووووووووول لكم شي لاتنسووونه ,,هالمووسم اخر بطوله لكم استمتعوا ,,,لان الريال الموسم الجاي بيكون غير انشالله وبينسيكم ابو بلنتي وغيررررررره ...

اجل مساكين البرشلونيين حلوه هذي !!!! تصدق انك انت المسكين واللي مرتفع ضغطك بعد الله يعينك ....

يعني على سبيل المثال ما شفت فرحة كاسياس يوم سجلتوا هدف التعادل مع سرقسطه في مباراة الدوري اللي يشوفه يقول كانكم فزتوا بالدوري مو جايبين تعادل ( نعطيه العذر لان الهدف جاء في الوقت الضائع خلاص:yes: ) والمباريات اللي غيرها كثير ، وبعدين من وين جبت هالسوالف اجل البرسا جلس 30 سنه ماجاب بطوله لمعلوماتك يابو الشباب ترى اطول فتره جلسها البرسا بدون بطولات اقل مده من فريقك واذا بغيتها بالضبط برشلونه جلس 13 سنه بدون بطولات بينما فريقك جلس 21 سنه بدون اي بطوله ( ان حبيت الفتره بالضبط اعلمك اياها عادي وانا اتكلم عن الدوري الاسباني ) .

وبالنسبه اذا كنتوا تعطون البطولات حسنه زي ماتقولون اشوف كثرت حسناتكم واذا كنت تشوف ان السنه هذي اخر بطوله لنا احب اذكرك انكم قلتوا الكلام هذا اول الموسم وآخرتها صار كله كلام في الهواء.

تحياتي لك وعقبال سنه رابعه فشل الموسم القادم ان شاء الله ... الا ابغى اسال وش اخبار وودجيت هو راح يشارك معكم الموسم القادم او راح يجلس مصاب على طول ؟؟؟؟