اول شي مبرووك لعشاق أرسنال واللي استحق المباره بعد هذا المستوى الرائع جدا والثابت في دوري الأبطال
انا من وجهة نظري ان كابيلو أخطا في التشكيله المفروض انه ما يلعب بــ الأبله زابينا
ووين يلعب هذا الأبله في نفس جهة هنري يعني بالعقل هل زابينا بيقدر على هنري المفروض انه لعب بنفس التشكيله اللي لعب فيها ضد بريمن في ألمانيا بغض النظر عن الغيابات
وانا مستغرب من شئ واحد لييييييش مانويل بلاسي أحتياط والله حررررام
وتورام نفس الأخطاء الساذجه اللي كانت ضد لاتسيو في الدور الأول من الكالتشيو
يعني لولا الأسد بوفون و كنفارو لكانت النتيجه أكبر يعني على الأقل 4 ولا 5
وبالنسبه حق تغيير تريزيقوول انا أقول ان المفروض ترزيغيه ما يلعب من البدايه هو ولا زالاتان أبراهموفيتش يعني كان المفروض ما يلعبهم مع بعض وغياب نيدفيد و أليكس أثر كثييير وبالأخص أليكس
وأخيرا وانا أدري اني طولت بس والله قهر كابيلو كل مره يفشلنا في دوري الأبطال رغم ذلك هو و اليوفي كباااار
وانشالله يتحقق الفوز في قلعه تورينو
الوضع العادي
