نادي الهلال السعودي - شبكة الزعيم - الموقع الرسمي

بسم الله الرحمن الرحيم ...

أخواني أخواتي ...
لاحظت أخطاء سلوكية في حياتنا ...

فحبيت أن أوضح لكم الخطأ ... وأحاول أن أصلحه لكم بسلوك تربوي أبوي ...

بسم الله نبدأ ..

خطأ :

عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح :

تمسكه مع ثوبه ... وتصكه بالجدار .. وترفسه في بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالوح ..

..................................................

خطأ :

تفتح الإشارة .. ثم يضرب لك بوووري اللي وراك ... ثم تطالع في المراية ... وتلقاه يهاوش ومعصب .. ثم تأشر بإيديك تتأسف ...

الصحيح :

تنزل له بمفتاح العجل .. أو عجراء ... وتدق الباب عليه ... وأول مايفتح ... جرّه مع شعره ... واجلده إلييين يقول ذا الليله عيد ...

ثم ..

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..

.................................................. .........

خطأ :

تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح حزين ...

الصحيح :

تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

ثم ..

طلع راسك مع الدريشة ... واضحك ..

خطأ :

جالسين أنت ومجموعة من الشباب ... وعندكم بباسي ... وطلعت تبي تغسل ... فيقوم صديقك ويخض العلبه ... ثم تجي تبي تفتحه .. ثم يطش بوجهك ... ويضحكون عليك .. فتقول ... هههههه الله يرجك والله لأرد لك المقلب ..

الصحيح :

تمسكه ... مع رجليه ... وتمسح به الأرض مسح ... وتجيب حق(بضم الحاء وسكون القاف) بيبسي .. وتخضه خضا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. نكّت معي هالتنكيت ... وهالمرة بسمح لك عشان خاطر الموجودين .. والا تدري !! ...
ثم اعفط العلبه... وحطها في كمه ... وقله لاتطلعه من كمك الا اذا رحنا ...

.................................................. .............................

خطأ :

تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تخاصمه مخاصمة لك عليها ... وتحاسب وتطلع ... وتقول بنفسك والله ماعمري أحلق عنده ...

الصحيح :

تاخذ الموس ... وتسوي شوارع في راسه ... وشنبه ولحيته ... وإن حصل تحلق راسه عكس ما هي بشينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..

قل بينك وبين نفسك ... ماعمري أحلّق عنده ...

.................................................. ..............

خطأ :

تمشي بالحارة .... مثلا رايح للمسجد ... ثم يجي ورع من الوراعين... ويصك راسك بحيده .. ثم تلعن الشيطان وتعوذ من إبليس ... وتكمل دربك .. تقول ورع ماعليه شرهه ...

الصحيح :

تاخذ لك طوبه وتفلخ بها راسه وإن ماعينت طوبه .. خذ عصا وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وانه التزاماتك... وبعدين ارجع له .. وتفرّغ له ...

.................................................. ..........

خطأ :

راكب سيارتك مستعجل ... وكل اشارة توقف عندها ... حتى الاشارات اللي ما عندها أحد..

الصحيح :

حتى لو انت مش مستعجل ... اقطع الاشارة ... الاشارة حطوها للي مايعرفون يسوقون ...

.................................................. ......

خطأ :

تمشي بسيارتك .. وتوصل دوّار ... ثم توقف .. لأنك قريت إن أفضلية المرور للقادم من اليسار ..

الصحيح :

تقطع الدوّار على سرعتك ... لأن أفضلية المرور للدندون ...

.................................................. ........

خطأ :

ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تطلع لهم.. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح :

جب لك كلب مسعور وحطه في السطح وجب درزن بساس وحطهم في قفص في السطح ولاتنسى تجيب الدريل معك ... لأنك بتثبت القفص حق البساس.. الليلة بس .. وبتصير حرب ضروس بين الكلب والبساس بس القفص يحده ..
ثم واصل للصبح ...

.................................................. .
خطأ :

متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح :

صكه بالمركأ ... ولحقه بفنجال شاهي ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...