|
اهلك يركبون ليموزين : ادخل اقرا هالقصة يقولك هذا واحد شباب في مقتبل العمر ركب مع ليموزين باكستاني اللحية الى نصف الصدر والطاقية فوق راسة وتظهر عليه علامات الصلاح المهم ويقعد يسولف معاه يسولف معاه وحس الباكستاني ان الرجال ارتاح له وخوينا ارتاح للباكستاني وبعدين قام هالباكستاني وحس انه يمون على خوينا وقال له " انتا فيه يبغى بنت " طبعا خوينا بطل هالقصة انلحس وقال " وشو بنته " قال له الباكستاني " بنت عشان سوي ..................." المهم خوينا انلحس وقال خلنا نشوف وش عند ابو بكس وقاله " وين هذا بنت " قال موجود ويقوم ابو بكس ويمد يده تحت المرتبة ويطلع له البوم صور كامل متكامل ويقول له " شوف هازا " خوينا خذ الالبوم وهو منلحس ويقلب فيه يقلب فيه طبعا وجهه كان كله علامات تعجب ((!!!!!!!)) الباكستاني يحسب انه مااعجبة الصور وقام ويدخل يده مرة ثانية تحت المرتبة وقال " انتا يبغى بنت سعودي " خوينا حس ان الدعوة مهيب له قال " اييه" ويطلع هاك الالبوم اللي كله بنات سعوديات خوينا طبعا قال في نفسة اكيد الدعوة فيها (( ان )) ولازم اعرف وش القصة المهم اشر على وحدة وقال " ابي هذي " قال الباكستاني " ازهلها " ...." انتا فيه حدد مكان حدد وقت انا فيه يجي " نزل الباكستاني خوينا بعد ان اعطاه رقم جواله من بكرة الباكستاني يدق على خوينا ويقول " انتا جاهز انا جاهز " وبعد ربع ساعة الا الليموزين عند الباب وينزل هالبنت وباخذ له لفه المهم النبت دخلت عند خوينا وهو متحمس يبي يتاكد صحيح انها سعودية !!!! ويوم قعد يسولف الا والله البنت سعودية خوينا انلحس زيادة وقعد يستفسر يبي يشوف وش القصة وهي ماعطته وجه وتقول بنبرة حزن " خلصني خلني امشي " المهم خوينا نشب لها وقال " ماراح تطلعين الا لين تعلميني وش قصتك مع هالباكستاني " وهو وياها وهو وياها الين كعت له بكل شئ تقول انه في مرة من المرات " كنت طالعة من سوق المعيقلية ووقفت ليموزين المهم يوم ركبت معه حسيت اني اغمى علي او شئ زي كذا ومادريت الى وانا ... ماعلي ملابس والباكستاني قاعد يصورني في غرفة وبعدها ركبني ووداني للبيت وهددني بالصور ومن ذاك اليوم وانا على هالحالة " وبعد ان سمع خوينا بهالخبر ثارت ثائرته وقال لها " خلاص انا بفكك منه وابقولة بعد ماتطلعين اني ابيك تجين بكرة وباكون انا قد اتفقت مع الهيئة والشرطة يسووون كمين له عشان يفكونك " قامت هي وصاحت وقالت " الله يستر عليك استر علي انا متزوجة وعندي عيال ومستقرة مع زوجي " قال " ماعليك ان شاء الله بتطلعين منها زي الشعرة من العجين " المهم طلعت من عنده وكلم الباكستاني وقاله " خلاص بكرة انا يبغى هذا بنت " قال له الباكستاني " انتا تامر امر " وبعدها خوينا راح كلم الهيئة ومن بكرة كانت الهيئة مجهزة الكمين ويجي هالباكستاني على المووعد ويوم جاء ينزل البنت كبسوا عليه الهيئة والشرطة ويمسكونه وبعد التحقيق راحوا لشقته ولقو فيها البومات وليس البوم ولقو فيها ساعات تصوير من اشرطة الفديو ولقو فيها حشيش ومالذ وطاب من الممنوعات هذه نصيحة لكل من يجعل اهله يركبون مع الليموزين اتمنى من كل من يقراها ان ينشرها في المنتديات حتى يعلم العالم خطورة هؤلاء الوافدين وهذه القصة سمعتها من احد اصدقائي الذي احسبة ان شاء الله من الصادقين |
أنا ما عمري ركبت لموزين ولاافكر أركب بعد اللي قريته إذا ما احد بيودينا نجلس في البيت لو الحريم يسوقون ما احتجنا لسيارات الأجره وأعتقد الرجال يتحملون مسؤليه ليه ما يقضون طلبات أهلهم ويتركونهم لحاجة سيارات الأجره بس وش نقول حسبي الله ونعم الوكيل بالحب والإشراق |
شفتي قلنا لكم عطونا حقوق المرأه....هههه اصلا لو المسؤولين يشوف الرد اللي كتبته حبيبة قلبي رائده كان سمحوا بقيادة المرأه للسيااااااااااره..... بس هذه مو قصة لوموزين او غيره لا هذا يعتمد على ضمير الانسان نفسه وحرام نعمم على الكل يعني لو الوحده مضطرة يا حرام ايش تسوي...... انا اعتقد انه اللي يعمل مثل عملة هذا السائق يجب ان يكون عقابة امام الجميع حتى يكون عبرة للجمييييييييييع ومشكوورين اخوي ع الموضوع جزاك الله الف خيييييييييير.................... |
لاحول ولاقوة الا بالله الله يستر على جميع بنات المسلمين ويهدي شباب المسلمين يارب الله لايحدنا يارب لا على الليموزينات ولا على السواقين ولا على السواقه الله يسخر لنا اهلنا يودونا ويجيبونا اجمل واروع من اي شي ثاني الله يجزاك خير يارب |
الله يجزاك خير ياكاتب الموضوع والاخوات الي قالوا يبون يسوقون اقول لهم الله يهديكم بس.. |
قال وش قال قالن نبي نسوق اقول حبي كوعك منك ليه وبعين تسقن سقها الى القدس سقها |
الله يستر على بناتنا وبنات المسلمين لا حول ولا قوة الا بالله صارت تخوف هالمزينات الله يكفينا شرها يعطيك العافيه اخوي |
اختي بس ما تعرفين تسوقين وبتصدمين . |
إقتباس:
اتمنى الجواب يمكن يحصل بسبب سواقتكم بلاوي اعظم من الليموزينات لاحصر لها يمكن الا أكيد ومشكور اخوي والله يعطيك العافيه |
إقتباس:
|
الله يكفينا شر ابو فسيه ماخرب البلد الاهم |
والله مصيبه اما اللي يقولون ليه مايسوقن الحريم والله لو ساقن ان كان نقول ياحليل مصايب اللموزينات لأنهن لو ساقن راح يكون شي عادي وصعب يكشف عنه |
| الوقت المعتمد في المنتدى بتوقيت جرينتش +3.
الوقت الان » 07:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd