|
سؤال بريء : هل كندينو متواطىء مع البلــوي ؟؟؟ السلام عليكم ورحمة الله وبركاته مبروك هذا الفوز يازعماء ليلة البارحة .. المهم .. في تمام الساعه الثالثة اتصل علي احد الاخوان وهو مشجع هلالي منذ وقت طويل وهو كبير بالسن بعض الشي .. وقالي لي بالحرف الواحد .. يا ابو منصور ابي منك رقم محمد فيصل .. اجبته بانني لا اعرف رقمه .. قال هل تستطيع توصيل رسالة لمحمد بن فيصل . قلت ان شاء الله تاصله الرسالة لاني راح اكتب له بالمنتدى وهو مايقصر يتفاعل مع الجمهور .. قال : انا منذ فترة وانا حاس ان كندينو راح يدمر الهلال ليس بسبب سوء كندينو او قلة خبرته فكندينو مدرب كبير وعالمي .. لكن انا متأكد ان لمنصور البلوي يد بالموضوع وهو الذي طلب منه التخاذل والتخبط لكي يبعد الهلال عن البطولات .. والا ماذا نفسرون رفض راشد الرهيب رغم معاناتنا من جهة الظهير الايمن ؟؟ التمسك بالعنبر رغم هبوط مستواه .. ولولا الله ثم مطالبة الجماهير لبقي العنبر حتى الدقيقة تسعين ولم نشاهد ياسر .. التبديلات غير المقنعة .. واشياء كثيرة جدا .. لذلك انا واثق ومتأكد ان لمنصور البلوي يد بالموضوع .. وهي ليست مستغربة عليه .. فكندينو سبق ان درب الاتحاد في فترة سابقة .. وكلكم رايتم كيف احتضنه لاعبي الاتحاد في مبارتهم الاخيره مع الهلال .. فأتمنى من محمد بن فيصل التحرك سريعا والتحقيق بالموضوع .. وانا متأكد وواثق واكتب اسمي مع الصورة وبطاقة الاحوال .. هذا نص الحوار الذي دار بيني وبينه بالجوال قبل اذان العصر .. وطلب اني اوصل كلامه .. وبيني وبينكم انا أويد كلامه .. وامل ان يكون البديل على مستوى الهلال ان شاء الله لكي تتواصل الافراح ان شاء الله .. |
اتوقع هالشيء صحيح البلوي بفلوسة يقدر يسيطير على كندينووووو |
-- انا ماودي افتح ملفات قديمه .. لكن اللي اغرى بعض لاعبين الهلال .. قادر على اغراء كندينو .. شكرا لردك اخوي .. -- |
بصراحه البرميل هذا كل شي متوقع منه يعني اهم شي عنده تدمير الهلال والاهلي بالله هذا رئيس نادي يقول كذا اتمنى تدمير الاهلي في الصحافه بس الهلال مايقدر يقولها لانه مافيه امل يدمره لو شنو سوى تحياتي لكم |
ماهي بغريبه على البلوي ألأي خرب الرياضه السعوديه وأرجووو من أبــــــو سلطان التدخل ومعاقبت كندنيو |
- يعطيكم العافية .. وارجو من اصحاب الشأن توصيل هذا الموضوع لابو سلطان .. حتى يقف البلوي عند حده .. لاننا لانضمن ماذا سيفعل في مبارياتنا القادمة .. - |
انا والله كنت شاك في هالكلام وبالذات بعد الهزيمه من الاتحاد كيف يحضن نور بعد نهاية المبارات:upset: فيه نقطه ثانيه هذا الدسيس اشغل الهلالين بموضوع الظهير الايمن بعد استلامه التدريب وكانه يقول ان البلوي سوى خلل للهلال يوم اخذ الدوخي ومنها 1- تطنيش الياس وتطفيشه حتى سمعنا انه حيعتزل الكره نهائيا 2- اعارة العصفور في وقت حرج 3- وضع خالد عزيز في خانة الظهير لاحراجه وحدوث خلل في المحور 4- ظهور اللاعب تركي الصويلح بعد غياب طويل لزيادة البلبله 5- الاستعانه بالاعب عمرالغامدي لتضعيف منطقة المناوره هذا والله أعلم |
اقسم بالله اني سبق ون سألت نفسي هالسؤال لأن الشغل الي قاعد يسوية كاندنيو والله مايسوية شخص صاحي وعموما برميل الفسو وشلتة المريضه عرف عنهم انهم مايدبرون انفسهم الا بالفلوس وبصراحة اذا شفت شخص زي البلوي تعرف ليش الرجال قالو الفلوس وصخ دنيا..... |
والله ياليت يحققون مع العاطل كاندينيو ابعاد ( العصفور - الياس ) دفعه وحده ومحاولة تحطيم ياسر القحطاني ياليت يحققون فيها |
والله اني كنت أشك في كذا وأقول الكلام من ليلة مباراة الاتحاد وقلت في نفسي مستحيل كيف راح يقدر يقابله؟ كيف راح يتصل فيه؟ لكن أمس راودني نفس الشعور وسألت الشباب اللي كانوا معاي ومنهم من أيدني ومنهم من عارض ولكن لو تلاحظون ان التركيز على الجهة اليمنى البلوي يغري الدوخي وياخذه من الهلال وكندينو يجي ويلعن أبو جد الجهة اليمنى ويفرط في اثنين من أحسن الاظهرة في السعودية ويرجع يجيب الصويلح ....... والله انها ماهي غريبة عليهم أبداً لعنة الله على كل خاين وراشي ومرتشي |
والله كل شي جايز وانا أخوك ولا تستبعد شي من البلوي مشكووور .. |
اخوي ابو منصور هل الشي موب غريب علىى البلووووي ولكن كاندينيو مرحله وانتهت وبأذن الله القادم رائع ومشكوور اخووووي |
والله انا اتوقع 100 % كلامك |
أخواني الهلاليون السلام عليكم ورحمةالله وبركاته وبعد : تعودنا دائما أن نحل مشاكلنا بهدوء وعقلانية والدليل كبوات العام ما قبل الماضي ( عام الخمسات الله لايعيده ولا يعيد ادموس والعجلاني ) ونحن الآن نمر بمرحلة مشابهة تماماً لتلك المرحلة ولكن الفرق بين المرحلتين أننا تعلمنا من المرحلة الأولى ما أفادنا كثيراً في هذه المرحلة وثقوا بأن النادي بأيد أمينة طالما أن أبا سلطان يعتلي رأس الهرم الهلالي ونصيحتي لجميع أخواني الغيورين على هذا الكيان العظيم بالتناصح الهادئ والابتعاد عن ذكر فلان وعلان وليكن لنا في جارنا خير عبرة ( النصر ) فعندما بدأت عليه علامات الاهتزاز أخذ مسؤولوه بمهاجمة الحكام ثم انتقلوا لمهاجمة الهلال والتقليل من مكانته والتشكيك في بطولاته واستمروا على هذا النهج حتى أصبحوا بعد كل مباراة يصرحون فيها يذكرون الهلال وينقصون من قدره وهم بعملهم هذا يهدفون لكسب رضا جماهيرهم حتى لايناقشوهم في أمر الأصفر البراق وفي مرحلة التدهور التي يعيشها إلى أن توقف بهم قطار البطولات عند عام 1417هـ حتى مشاركتهم العلمية نعلم كيف تأهلوا لها بدعم من الأمير الوليد بن بدر ( نائب الرئيس )حالياً وهذا مصداق كلامي لأنه كان في ذلك الوقت في الاتحاد الآسيوي ،،، عموماً الكلام المفيد يكمن بأننا يجب أن نعمل ونتكاتف من أجل هلالنا دون التعرض للبلطان والبلوي وبقايا النصر فليس جيداً عند نزول مستوى الفريق أو نزول مستوى بعض اللاعبين أن نهاجم البلوي أو غيره بأنه هو السبب فهذا لايقر ه عقل ولا منطق ،،، وتذكروا قول الشاعر : لاتنه عن خلق وتأتي مثله ،،، عار عليك إذا فعلت عظيم لكل الناس أندية يعشقونها ،،،،، إلا نحن لنا ناد يعشقنا وكل عام وهلالنا بطل |
- شكرا لتفاعلكم وتأكدت الان انه ليس انا فقط من يحس بهذا الشعور ولا هذا المشجع المتحمس.. وصدقوني ماراح نندم الا اذا سواها فينا البلوي مرة ثانية .. في وقت محرج .. لذلك لازم نوقفه عند حده .. قبل أن يقع الفأس بالرأس .. |
| الوقت المعتمد في المنتدى بتوقيت جرينتش +3.
الوقت الان » 12:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd