نادي الهلال السعودي - شبكة الزعيم - الموقع الرسمي - لا تدخل وأنت مطفي نورك .. Don't enter if ur light is turn off

السلام عليكم ورحمة الله وبركاته :D

أصدقائي صديقاتي الالكترونيين والالكترونيات ...

طبعا موضوع مايحتاج لجر الشوش وتشقيق الثياب ومدّة اليد ... خلونا حبايب شباب تراي حليل قسم :D :D

مباراة الهلال مع الميناء انتهت والحمد لله كسبنا الثلاث نقاط وهذا الشي الأهم .....

صحيح مستوى الهلال الشوط الأول كان فاشل جدا... بس الشوط الثاني كان شوط مميز للهلال ...

قد يقول قائل إن كندينيو فاشل ... أنا معكم ... بس لاحظت شي في مباراة الميناء ...

الغامدي يهدي لاعب الميناء انفراده بالدعيع ....

الغنام بغى يجيب بنا العيد ببلنتي لولا ان الحكم مانتبه والكورة راحت للاعب الميناء ...

كماتشو قدم أسوأ مبارياته هالموسم كل تمريراته غلط ...

التمياط قدم لمحات مهارية لكن غابت خطورته .... وكثرت شوتاته اللي تقل يصيد عصافير :D

سامي مرر تمريرات غلط وماكان بمستواه أصلا ...

يعني خطاء كلها أخطاء فردية من اللاعبين أنفسهم المدرب ماله دخل فيها ...

كم من هجمة مهدرة ... هجمات أهداف ... وش دخل المدرب ؟؟

كندينيو أضاع هوية الهلال وأنا قلت هالكلام قبل ...

بس الهلال فيه نجوم المفروض يكونوا على أي تشكيلة جاهزين ...

ليش نحط اللوم على المدرب ...؟؟؟ ... وعندنا لاعبين تقاعسوا عن واجبهم تجاه الزعيم ....

على فكرة ... ياسر قال قبل المباراة بجيب هدف ..... وجاب هدف أول مالعب ...

يعني كان يلعب بحماس وقتالية عشان كان براسه هدف ...

ليش مايكون هالحماس معه طول مباريات الموسم ....؟؟ ..

ليش مايكون فيه شخص يزرع في اللاعبين الحماس في الهلال ؟؟؟

لأن وجود شخص يفهم نفسيات اللاعبين ويدعهم نفسيا شي مهم ...

ليش مانرى روح ياسر أمس في جميع اللاعبين وخلال الموسم كله ...؟

بعضنا قسم قسمات تحلف انه بيقضي عمره وهو جيبوا فلان شيلوا علان ... :D :D

قبل ...

قالوا لعبوا العنبر ... ليش احتياط ... شيلوا الجمعان ... هذا فاشل .. بيعوا عقده

ولعب العنبر ...

شيلوا العنبر ... لعبوا الخراشي ... نبي الخراشي .. العنبر مافي راسه كورة ...

يلعب الخراشي .. ثم شيلوا الخراشي .. نبي الصويلح ....

تبي تطول وتبي توصل الى اننا نلعب الجماهير :D :D :D

شدعوا شباب ..... لهالدرجة صرنا ماندري وش نبي ...:D :D

طالبوا بابعاد الياس ... والحين يقولون رجعوه ...

قالوا حطوا الغامدي ظهير أيمن ... والحين يقولون شيلوه وحطوا الموري ...

مرة من المرات كثارين قالوا ابعدوا الدعيع عن الهلال لأنه كبر ولايعرف يصد بلنتيات ...

والحين صار الدعيع النجم الأوحد وهو اللي لولا الله ثم هو لمني الهلال بخسائر فادحة <=== ياحبي لي بعد يانا اسلوب :D :D

أنت اقرأ المواضيع واضحك بس :D

أكيد فيه لاعب أفضل من لاعب ...

ولكن بعض الاعضاء كل شوي له رأي ... بعد كل مباراة يبي لاعب :D

موب غريبة بعد مدة يطالبون بابعاد ابو سلطان عن رئاسة النادي ... وبيجيكم كلامي صدقوني :D :D لاتستغربون شي :D

اللي بقوله وبختصره أدري بكم راعين مشاغل ومنتب فاضين لي :D

المدرب سبب من أسباب المستوى الهزيل ...

لكن السبب الأكبر هو اللاعبين ...

صدقوني لو لعب كل لاعب بنصف مستواه ... ماخسرنا من العين ولا الاتحاد ...

لو شفنا دقة تمريرات ... ومهارات ... كان قلنا من المدرب ...

لكن اللي شفناه تمريرات ضعيفة وغبية :D ... تسديدات طائشة تحلف يلعب كرة قدم امريكية من قوة ان الكورة فوق :D

اتوقع المدرب ماقال لهم مرروا غلط أو سددوا غلط :D .. اذا ضمن الخطة اعترف ان المسؤولية كلها على المدرب .. :D

اللاعبين هم اللي بيديهم مفتاح الفوز ... متى ؟؟ .. اذا لعبوا بنفس روح ياسر أمس ... صدقوني بياخذون كاس المونديال:D

تحياتي لكم ...,,,...

أبوساري :D