|
محاولات اغتيال عمر السلام عليكم ورحمة الله وبركاته في البداية أستغرب غضبكم من هزيمة الاتحاد الوضع عادي وأصلا لازم يفوزون فهم شيوخ الملاعب ( أطال الله اعمارهم ) والي مايعجبه يشرب من البحر تخيل لو فاز الهلال او الاهلي او الشباب على الاتحاد يمكن يزعلون ومايلعبون زين في كأس العالم ومنتخبنا في امس الحاجه لهم فهم شيوخ الملاعب ( اطال الله اعمارهم ) والي مايعجبه يشرب من البحر مو مهم يخسر الهلال او الاهلي او الشباب هاذولا ولائهم مضمون وبيبذلون كل مافي وسعهم لخدمة منتخبهم مامنهم قصور نرضيهم قبل كاس العالم وكعادتهم مثاليين وبيتقبلون الرضاوة حتى لو كانت ( ماقصرت حبيبي ) المهم شيوخ الملاعب ( اطال الله اعمارهم ) والي مايعجبه يشرب من البحر انرفس فهد الشمري والا انقتل وين المشكلة؟ اهم شي لاتتعور رجل سويد (يمكن ) نحتاج سويد في كاس العالم نخاف ينطرد ويزعل (طال عمره ) والشمري ماراح نحتاجه ولو حصل واحتجناه تراه حبيب كلمة ( محتاجينك حبيبي) كافية انه يبذل كل مافي وسعه المهم سلامة شيوخ الملاعب ( اطال الله اعمارهم ) والي مايعجبه ( قضى البحر وش تبون يشربون؟ ) بالعربي ومن هالحين لاتفكرون ببطولة الدوري لانها بتروح لشيوخ الملاعب ( اطال الله اعمارهم ) مراعاة لنفسياتهم قبل كأس العالم لضمان الولاء ليش زعلانين؟ والا تبون ثمانيات؟ مو هذا موضوعنا خلوا عنا تكرن الملاعب ( قصم الله ظهورهم ) نجي للمهم والموضوع الي غاب عن اذهان الكثير من الهلاليين كرت اصفر كل مباراة هلال نشوفه على لاعب معين وتحت اسخف ظرف لازم يجيه كرت ومن حكام متعددين يجمعهم ميول أصفر ومن كثر ما اخذ كروت نشوف اي حكم في اي مباراة هلال متى ماحب يثبت قوة شخصيته يستدعيه لو هو يفرك عينه ويعطيه كرت ويكشر بوجهه لاسباب سخيفة وتقهر والي يقهر زيادة حتى جمهور الهلال مايدافع عنه حتى ابو فيصل ( حبيبنا ) ياما مدح لاعبين لكن دايم هاللاعب يغيب عن ذهنه حاربوه جمهور محسوب على الزعيم ولفترة ماهي بالقصيرة من غير سبب يمكن لأنه دايم ياخذ كروت انطبع في مخيلتهم انه متهور ومطفوق وصار ايمان تام بأن هاللاعب مايديرها وانقهر زيادة اذا شفته يحييهم بأحلى تحيه وكل يوم يبتسم لهم الكثير من لاعبين الهلال صار عليهم ملاحظات الا هو دائما منضبط وهادي ومحترم نفسه وفريقه وجمهور فريقه اسئل اي مشجع نصراوي عنه بدون اي تردد بيقول ( اسوء لاعب مر على الكرة السعودية ) وللأسف كثير من جمهور الهلال شالوا معهم وساعدوهم على الحرب ضده ركزوا معي زين الله يرضى عليكم وتخيلوا بذهن صافي لاعب محارب من اغلب الحكام ( بحكم ان اغلبهم للأسف نصراويين الميول) ومحارب من جماهير الاندية كلها لأنه ( ناشب لنجومهم ) وبالذات من جمهور النصر ( لسبب غايب عن الكثير ) ومن ( عدد كبير ) من جمهور فريقه ( ولا اعرف السبب ) يعني الحكام + الاعلام الغير هلالي + أغلب الجماهير السعودية وهذا مستواه الحين تصوروا مستواه لو كان بعيننا فقط لاعب هلالي عادي ودافعنا عنه وضغطنا على من يضغطون عليه في كل مباراة ويحبسونه بأسرع وقت ( بكرت اصفر ) وقلنا لجمهور النصر انتم تكرهونه لأنه ( أبكى نجمكم الهلامي ) وعاملناه كلاعب يلبس الفنيلة الزرقاء وحسم بطولة من اغلى البطولات الهلالية أرجوكم وتكفون وطلبتكم جاملوه لو مجاملة فقط لنهاية الموسم وجربوه بعد حب صافي وثقة بموهبته وحبه لنا قبل حبه للزعيم رسالة إليك ياعمر الغامدي والله ثم والله انها ضريبة بلنتي البطولة العربية وكل حكم يكشر بوجهك ابتسم له واعرف في داخلك انك قاهره ومفشل نجمه المفضل وللأسف ان كل محبين ماطر يعتقدون انك انت السبب في انهائه وللأسف هو منتهي قبل يبدا لكن لكل شي ضريبة ولكل بطولة ضريبة ولكل فرحة ضريبة وان كانت الضريبة الي دفعتها كره الحكام لك فصدقني ان ضريبة الحكام اني كل يوم احبك أكثر وان كان همهم يقهرونك فكل كرت ظالم بحقك يعطيني السعادة انك محرق دم من منحك اياه وهذا وعد مني عن كل محب لعمر ان لك مفاجئة تنتظرك قبل نهاية الموسم مقدمة عن كل محب لعمر الغامدي متاسف جدا على إطالتي الخطاب لكن عمر ورب البيت يستاهل أكثرs45s |
ؤمر قامدي واجد مزلوم .. هرام كلو نفر في ضد هو بس هادا اتهاد مافي ارهم كلو كسر رزل كسر يد افقأ وجه أدي مافي موسكله الله يتول في ؤمر هادا نفرات هق بلوي (( واجد هادا قرقر موسكل كابير )) والله منتكب مافي مألوم ايس سوي كاس آلم |
صدقت اخوووي وياليت نسانده في مباراة الميناء .. الوافي001 |
عمر الغامدي " يا حبيلك " |
كفيت ووفيت وكثر الله خيرك والله كلام كبير وعمر الغامدي اكبر من اي شي وللاسف كل من يهتف ضد الغامدي اعتبرة بزر وتوه ماعرف كورة هذا رائ الشخصي الغامدي اهم لاعب هلالي وجكر الفريق وبكل مباراه عمر الغامدي يتالق كثير كثير يكفي ان الشتالي لاعبة المفضل ولاعب باكيتا واصبح كذلك محبوب اللاعب الكبير ماجد عبدالله ونجيب الامام |
يعطيك العافية اخووي ،، وعمر يستاهل الكثير ،، والله احياناً لا أشاهد روح الهلال القديمة الا فيه كبير يا عمر.. |
انا من اشد المعجبين با الاعب عمر الغاااااااااااااامدي لاعب رائع ومقاتل ومبدع اتمنى له دوام التوفيق وكلنااااااااااااااا معك ياعمر ومع كل لاعب هلالي ويالله ياكريم وفق الزعيييييييييييييييييييييم مشكوووور اخوووووي |
صدقت أخوي والله الموسم هذا هو الوحيد الي مستواه ثابت الله يوفقه |
كل كلامك صحيح والله عمر يستاهل كل خير ماقصر |
الله عليك اخوي وفيت وكفيت وطال الله عمرك الحقيقه انت قلت الي بقلبي ..................................................................................... وخصوصا ياعمر الغامدي والله ثم والله انها ضريبة بلنتي البطولة العربية وكل حكم يكشر بوجهك ابتسم له واعرف في داخلك انك قاهره ومفشل نجمه المفضل وللأسف ان كل محبين ماطر يعتقدون انك انت السبب في انهائه وللأسف هو منتهي قبل يبدا لكن لكل شي ضريبة ولكل بطولة ضريبة ولكل فرحة ضريبة وان كانت الضريبة الي دفعتها كره الحكام لك فصدقني ان ضريبة الحكام اني كل يوم احبك أكثر وان كان همهم يقهرونك فكل كرت ظالم بحقك يعطيني السعادة انك محرق دم من منحك اياه وهذا وعد مني عن كل محب لعمر ان لك مفاجئة تنتظرك قبل نهاية الموسم مقدمة عن كل محب لعمر الغامدي متاسف جدا على إطالتي الخطاب لكن عمر ورب البيت يستاهل أكثر على العموم يستاهل كبتن عمر الغامدي ياخي يكفيك انه الاعب الوحيد الي مستواه مو ثابت بالعكس مستواه في تصاعد من مباراه الى مباراة وسالو لاعبي فلنسيا عنه وشكرا مع تحيات الفارس الأزرق 2006 |
كلام رائع ولو ان الحكم اجنبي كان بس من الاتحاد طرد 4 !! |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 07:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd