|
ياشباب....استشارة للي يفهمون في السيارات __________________بسم الله الرحمن الرحيم________________ _______________السلام عليكم ورحمة الله وبركاته_____________ يا شباب سؤال للاخوان اللي يموتون في السيارات ابغى اعرف الكامري 2002 و الصني 2002 و البريميرا 2002 اذا كانت باقي موجودة في السعودية و باقي السيارات 2002 جالنت وغيرها __ متى بتنزل بالضبط...او بالتقريب اي شهر ...هذا اذا كانت ما بعد نزلت و اذا بتنزل هل بتكون ارخص من 2001 بسبب الجمارك و ش تنصحوني فيه الوالد مصمم على الكامري.. و انا والله ما ابي اكلف عليه....قلت له صني ...يقول ما تصلح..نيسان ما يصبر تكفون وش افضل سيارة في حدود 70 الف وحولها علما اني ما اعرف والله الا نيسان وتويوتا فيه واحد نصحني بهوندا بس والله ما اعرف وش اسمها ؟؟؟؟؟؟؟؟؟؟؟؟؟؟؟؟؟؟؟؟؟ تكفون شوروا علي ودمتـــــــــــــــــــــــــــــــــــــــــــــــــــــــــــــــــم,, |
هلا والله بعبود : يا الغالي الي تقصدها هوندا اكورد وهي حلوة وعملية ومع واحد من الشباب ويمدحها . بس الوكيل زقت قطع الغيار غالية . |
شكرا لك على التجاوب و يا ليت القى اجوبة على تساؤلاتي الباقية |
انا بقولك من واقع معرفتي هوندا اكورد سياره حلوه وعمليه بس مشكلة 2001 ان مكيفها تعبان والهوندا بصفه عامه قطع غيارها نااار واسال مجرب مع اخوي وحده وقشعبها وتعذبنا في قطع الغيار ويقولون انها بتتغير في 2002 اما الكامري فيقولون بتتغير 2002 اما الكامري الموجوده حالياً فالحقيقه موتر بكل ما تحمله الكلمه من معنى والدليل على انتشارها عند الشعب والوكاله مافيها الا انك تحجز عندهم علشان تشتريهافالفخامه فخذ فخامه في الجي ال والراحه خذ راحه وصراحه مالك الا كامري !!! اما ان والدك مخيرك بين صني وبين الكامري ومحتار فاسمحلي اقولك انك (*****) اذا خذت الصني وش جاب الثرى للثريا وبعدين مهوب عيب لما ابوك يشتريلك موتر غويلي شوي اذا كان هو طالبه فأحمد الله انه هو اللي قالك يعني هو راضي،،،،،،، ونصيحه اخويه ابعد عن الامريكي . ومعليش على الاطاله ،،،، |
مشكور يا اخوي لكن (*****) الوالد مصمم على الكامري ولا يبغى الصني لكن انا انسان طييييييييييييب:D و الواقع اني ما ابغى اكلف عليه...لكن اذا اصر فاكيد هذا احسن |
عليك بسياره رخيصه وكشخه وزينه ووكيلها الجميح وسواقتها متعه opel |
أقول هات 70000 ريال وحينما تصل موديلات 2002 بأشتري لك وحدة..............؟ هونداي سوناتا 2002 على كيف كيفك :p |
طلعوا النصابين اللي بالمنتدى وصرنا نشوف النصب اللي مايعرفله حتى سفر !! ,,, لا يانصابين ... تبون تلعبون على الرجال وتلهطون قروشه ؟! ,,, أقول أبو العبابيد ... إرسل لي رساله خاصه على البريد الداخلي وانا أتفاهم معك على رواق :rolleyes: ,,, تحياتي للجميع ,,, |
أوف طلع فيه واحد أنصب مني .... صدق من سماك الداهيه :mad: أنحش ياولد الناس ولا تسلم رقبتك لواحد داهيه :D |
اخوي 3boud إذا أنت ناوي سيارة جديدة إذا عندك استعداد تروح للكويت اطمر وجب لك كامري جديدة تفرق لك أقل شيء من 4-5 آلاف ريال ومواصفا ت أحسن ومن المواصفات الثلاجة اللي بالدرج ولا تنسى أنها أتوماتيك وفتحة أما إذا تبغى من هنا وتبغى سيارة يابانية فلا تعدى تويوتا أي سيارة تويوتا موتر استعمال على المدى الطويل قطع غيار متوفر ورخييييص أجل فحمات الكامري بمائة ريال مع التركيب لا وراعين اللكازس ما يركبون إلا فحمات كامري شيك تمسك سعرها متى ما بغيت تبيع زبون التويوتا جاهز أما الهوندا موتر على كيف كيفك بس قطع غيار خبال خذ عندك فحمات سعرها مع التركيب 400-500 ريال شمعة النور الأمامية 1200 ريال أما النيسان فلا يقربك وكالة خايسة قطع غيار غالية وغير متوفرة ==>أسألني عن معاناتي مع النيسان ما فيه أمل تمسك سعرها إذا بغيت تبيع ما أحد ناظرك النيسان لا تصلح للاستخدام على المدى الطويل انواع التفكك باختصار النيسان داااااااااااااج الخلاصة أنصحك أنك ما تأخذ إلا تويوتا نصيحة لباقي الشباب إذا بغيتوا تشرون سيارات أذا الواحد حط براسه سيارة محددة يروح ويسأل عن قطع غيارها عشان يعرف هو قدها ولا لا:D :D هلالي متعصب بالنسبة لسيارة opel حلوه بس لا تنسى سعرها فوق الثمانين ألف وبعدين سيارة جديدة على السوق يعني ما مرت الفترة الكافية للحكم عليها |
أقول لك خيارين ياخياااار الغالي jaj اوالطاغيه,,, وذا مانفعوا لك لايردك الاكلام راعي المحبه باااين انه شريطي او له علاقه:D |
ياجماعة الخير لا تحيرون الرجال اكثر <---- على باله مهوب قايل شي شف عبود مدام معك 70 زدها شوي وشف الفرق ولا عليك من كلام الناس :D ( انووواع التردد الحين ) ههههه http://www.holden.com.au/images/sc02...er_seating.jpg http://www.holden.com.au/images/sc02...er_shifter.jpg لا وبعد ماشفت المفتاح :D http://www.holden.com.au/images/sc02...ity_keyjpg.jpg http://www.holden.com.au/images/sc02...er_airbags.jpg http://www.syarty.com/ver2/images/V744L.JPG http://www.syarty.com/ver2/images/B492L.JPG بس تذكر لا تسأل الناس تراك بتتردد أكثر واسألني :) |
أقووووووول خل عنك هالخراطين وأسألني ترى برهومة الأطخم محترف نصب والباقين ما عندك أحد ألا بعضهم و ترى الأعصار بيلعب فيك مقلب بهالكابرس لأنهم أكتشفوا فيها عيب فادح يمكن يوصل سعرها ألى 30000 يعني خسرااااااان مالك ألا كامري 2002 قراندي أجيبها لك عند باب بيتكم بس أنت هات الفلوس و الوعد عند الأنتربول اذا كفشوني بسويسرا . |
الحمدلله رب العالمين .... شف نايف وش يقول ;) ,,, بس ترى قصده يالطاغيه يا J.A.J لكن علشان الأحرف الإنجليزيه تجي دايم قبل العربي جا إسمه J.A.J قبلي .... يعني إلحق عمرك وإرسل الرساله الداخليه بسرعه لإني الخيار الأنسب " تراه مهوب الخيار اللي يوكل مع السلطه !! " :rolleyes: ,,, شباب ماتلاحظون إن فيه ناس ذبحونا بالكابريس !! ,,, اللي يشوفه يقول معه كاديلاك بروقهام ملكي :cool: ,,, @@ والله ياشباب كنت متوقع سمعتي أحسن من كذا ! :( .... اللي يقول لاتسلم رقبتك للداهيه :rolleyes: , واللي يقول برهومه الأطخم محترف نصب !! :( .... ماهقيتها منكم الظاهر تحسبوني سفر :rolleyes: ,,, انا رامبو :cool: .... وكل شغلي بالإرهاب والكباب :D , ومالي أي دخل بأعمال سفر النصبيه :D ,,, تحياتي تو إيفري بدي ,,, |
ابو طوغ :) ،، وش الحين الـكاديلاك عشان تقارن فيه الكابرس :D اذكر ربك يابن الحلال وتراني ماشفت خير خلني اشخص شوي ( لا تتغير فكرة الموضوع الرئيسية وتصير تشات ) :) بس لا اوصيكم ياشباب حيروا عبود اكثر :p |
محتااااااااااار اكيد محتاااااار اقول الله يعينك بس ترى فيه فرق إذا كنت بتستعمل وإلا انت رجال كل يوم يطري لك طاري ؟؟؟ يعني يمكن تصنف معاك وتبيع :( فيه سيارة حلوة ومع خويي توه مشتريها وألمانية 100% وش زينها هي فولكس ويجن ( باسات ) PASAT إظنها كذا تنكتب :D والله من جد فيها مواصفات ما هيب صاحية منها # المقاعد الخلفية تتصفط وتصير مقاعد أطفال :) # نظام تدفئة للمقاعد . # نفس المقاعد جلد وفي الوسط ( يعني اللي تجلس فيه ) مخمل فااااااخر :) # قير اوتماتيك # فتحة # ريموت كنترول # :D مفتاحها مثل مفتا الفياجرا :D يعني المفتاح ينصفط بوسط الميدالية ( الريموت ) :D :D احسن من مفتاح الاعصار :D ومميزات عديدة مثل حساب المتبقي من البنزين ودرجة الحرارة الخارجية وكمية استهلاك الوقود .... و.....و ...... وغيرها # اظنها دفع خلفي ( ماهو اكيد ) روح لوكالتها وشفها أحسن ترا سعرها بحدود 76 ألف او 75 والله ما ادري بالضبط:D وبالتوفيق إن شاء الله ،،، اخوك / البـــ2000ــــارق;) |
ما عليييييييييييييييييييييييك عندي السياره شفني واسمعني زييييييين اترك عنك خرابيبط الياباني ورح لم اللاوربي ترى ما فيه مثل فولكس ويجن باسات او بورا وادع لي وتراهن راخاص بس السيارحيات بس بيني وبينك تراهن سياراااات :) :) وخذ هذا موقع فيها مستعملات وجدد :) هذولي ثنتين مستعملات بور شف شكلها وشرايك؟؟؟؟ BORA |
اجزم اخوي عبودي لالالالالالالالالالالالالالالالاتتردد ترا الكامري موتر ماينتفوت يكفي انه ياباني وبعدين قطع الخيار رخيص ومتوفر ((يعني تلقاه في البقالة )) :) :) اشوف الشباب متحاملين على حبيينا الاطخم تراااااااااااااااااه طاغية تحياتي اخوك اسرار الهلال |
صدق أن بهالمنتدى أكبر نصابين والله يبيعونك الفيصلية و عمارة المملكة و انت تضحك معهم وتقول لعبت عليهم ................. ياخوي والله هالأطخم أسأل عنه وشف اكبر ضحايا النصب و الأحتيال من عنده و الأعصااااار ما غير يفقش من ها الخرابيط قال وشو كابرس أقوووووووووول لو يخيروني بين كابرس 2002 و كورلا 2001 والله لا أخذ الكورلا يا بوي بكرة تفلس من هالكابرس و تقول يا ليني سمعت كلام منصف أقول زهب قرووووووشك و أبشر بالسيارة تاقف عند باب بيتكم بلا فولكس واجن بلا خرابيط ، كامري 2001 أو 2002 أذا بتنتظر و غيرها لاتدور أجزم بس على الوالد قبل لا ينصبون عليك هالشريطية ألي بالمنتدى :mad: :mad: :D :D |
مالك الا الكامري تراها زينة وتطول مع الواحد وتراها نصيحة أخ لأخوانه وكيفك |
أخوي جاء دوري أناhttp://alsaha.fares.net/[email protected]^[email protected] أوhttp://alsaha.fares.net/[email protected]^[email protected] والسلام عليكم |
شف ياأخوي أبو عابد ... السيارات أنواع الي تبيها في حدود السعر الي أنت قلت عليه . ولكن على حسب المواصفات الي أنت تبي ... فخذ مثلاً : الكامري : سيارة للكرف والكد والمشاوير وقليلة الاستهلاك في البنزين (خاصة أن البنزين هذي الايام غالـ ... والا بلاش نتكلم في السياسة) وقطق غيار رخيصة وتجد قطع غيارها في كل مكان حتى البقالات والمخابز . ولكن يعيبها كثرت سرقت السيارات وبالذات سيارات الكامري وكذالك كثرتها في البلد ومن كثرتها موزعينها على الليموزينات . ماكسيما : اسئلني عنها أنا مع ماكسيما 2001 GV2 بصراحة سيارة عزمها قوي وسرعتها الله يكفينا شرها واستهلاكها للبنزين يؤجع الرأس (تخيل أعبي التانكي فل بـ50 ريال ولا تكفي 400كلم بس) طبعاً الي معي 6 سلندر، واسعار القطع بصراحه مدري عنها لاني الى الآن ولله الحمد ما احتجت شيء، وأسعارها ممتازة فالماكسيما المواصفات الكاملة ولكن بدون مثبت سرعة وبدون جلد سعرها في السوق 72000 ريال تقريباً. هوندا أكورد : بصراحة سيارة رفاهية للشباب واقتصادية في الوقود ولكن قطع غيارها نار نار اوبل اوميغا : سيارة المانية فخمة ومركبها مريح وتجهيزاتها الداخلية جداً رائعه واقتصادية ووكيلها عسل وفي النهاية سعرها ممتز جداً (فقبل ستة أشهر اشترى زميلي اوبل اوميغا 2001 مواصفات كاملة بسعر 83000 ريال ، والآن وبعد تخفيض الجمرك أتوقع سعرها 72000 ريال تقريباً . فلكس واجن باسات : سيارة المانية مريحة واقتصادية جداً وشكلها جذاب جداً خاصة موديل 2002 فقد شاهتها في الامارات منذ فترة . وقريباً : سوف انشر بعض مواقع شركات السيارات لتستفيد منها ياعبودي ويستفيد منها باقي الاعضاء وشــــــكـــــــراً ،،، |
مشكوريييييييييييييين جميعا على مشاركتكم اسف لاني طولت عليكم في الرد لكن لظروف الدراسة و طبعا الحمد لله بعد ما شفت كلام الشباب عن الكامري قررت...و على الله الاتكال اما حكاية هات القروش واجيب لك السيارة...:D :D :D هذي كثر منها مع الكاتشب والمايونيز ليه شايفيني غبي طيب افرضوا عطيتكم الدراهم ...من بيضمن لي بعدين ان اللون حق السيارة ما ينمسح مع اول غسلة؟؟؟؟ و كيف ارجعها لراعيها:confused: و الله انكم من جد مفكريني غبي:D :D :D :D ____________________ شكرا شكرا شكرا لكل من تعامل مع الموضوع بشكل ساخر((احب هالحركات)) و شكرا شكرا شكرا شكرا الف شكر لكل من نصحني مقدر لكم تعبكم الله لا يهينكم _______________ ودمتـــــــــــــــــــــــــــــــــــــــــــــــــــــــــــــــــــم,, |
ليه يالحبيب تراني أنا ورامبو ...... قاصدين كل خير لك ( توه متفق مع الأطخم على الشرط أربعون ):rolleyes: أخوي حطها عندي وديعة لين الله يفرجها ( حلني بعد مائة سنة );) :confused: والا .................. لا ......؟ الله يوفقك والخيرة في ماأختار الله . الله يعطيك خيرها ويكفيك شرها يارب . ومركب العافية وش ماصارت ياغالي:cool: |
| الوقت المعتمد في المنتدى بتوقيت جرينتش +3.
الوقت الان » 06:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd