ارسنال يخرج الريال ويتأهل لربع النهائي((التهاني)) - صفحة رقم 2 - نادي الهلال السعودي - شبكة الزعيم

Gunner4Ever · #16 09/03/2006, 04:38 AM

إقتباس


	مبروك للمدفعجية .. إستهتار كبير بالفرص كاد أن يكلفنا المباراة .

والله بيريس حقك هو اللي كاد يضعينا

والله ما عندي كلام بعد كلامك ..

بس ابي اضيف ان الجميع يرى أن هليب هو نجم المباراة ومعهم الحق في ذلك ..

والذين يقولون ان هنري نجم المباراة هم أيضاً محقون ..

لكني شخصياً .. أفضل كولو توريه دائماً ..

مشكوور يا المتأمل والف مبروووك احس انك متشقق برشلونة و الارسنال يتأهلون , وعلى حساب من ؟

تشلسي و الريال

..

مافي احد قدك هالاسبوع

Buffun · #17 09/03/2006, 04:41 AM

يــــــــــاحرام ياريال مدريد

ماودي انهم يطلعون ..
لكن حظهم ما افادهم ...

مبروك للأرسنال كانوا الافضل فالمبارتين
وكنت متوقع الريال يهزمهم على ارضهم ..

اتمنى ى ى ى
ان الارسنال يواحهون الميلان ويبااااااااااااان هنري هو يطمع بسلقادو وراموس ولا هذا لعبه :p

Soccer Maker · #18 09/03/2006, 04:50 AM

إقتباس


	ويبااااااااااااان هنري هو يطمع بسلقادو وراموس ولا هذا لعبه

ههههه ضحكتني ! من زين دفاع الميلان سمعت اكلوا ثلاثة من باليرمو ههه

I'm In The Dark · #19 09/03/2006, 05:03 AM

ياعاشق الارسنال لا تتطنز على الناس وعلى الفرق لانك رحت ولا جيت فريقك ولا شي

يبقيلك 10 سنين علشان تجي نص بطولات الريال

حبيبي لاتلعب بالنار

iNtErIsTa · #20 09/03/2006, 07:49 AM

مبروووووووووك للأرسنال يستاهل وبالتوفيق

القناص 7 · #21 09/03/2006, 08:04 AM

السعودية+الهلال
صح لسانك والله حرام رائسيت رونالدو اول المباراة و كورة راوؤل في الشوط الثاني اللي شاته راوؤل اصقعت العارضه ويوم كمله صاده اللي مستقعد على الريال ليمان

الارسنال:لاتتكلمون يبقالكم 10سنين وتجوبون بطولاتنا عشاق النادي الملكي

اليوفي:هههههه فريق لايوصف في هاذا الغش والكوكين والمافيا وحارس فيردربرمن لا نستبعد انكم رشينا

مفشلونه:اقول اخر فريق يتكلم هل مفشلونه لنكون صارحين كم جبتو من بطوله لحضه لحضه قالو زيدان مو خلوق صح عاد تكفى جمهوركم اللي يقعد يبصق على المدرب القدير وافضل مدرب في العالم جوزيه مورينهو ولاتقلون الملك مو خلوق

روما:مادري وش اقول فريق صراحة فريق ممتاز معندهم الى لاعب شايل الفريق كله توتي ولهم كم سنه ماجابو بطوله اكثر4سنين يعني في منتهى الفشل

Soccer Maker · #22 09/03/2006, 08:55 AM

إقتباس


	الارسنال:لاتتكلمون يبقالكم 10سنين وتجوبون بطولاتنا عشاق النادي الملكي

كل هذا مقهور من الفريق اللي هزم كباركم بصغاره !

إقتباس


	مفشلونه:اقول اخر فريق يتكلم هل مفشلونه لنكون صارحين كم جبتو من بطوله لحضه لحضه قالو زيدان مو خلوق صح عاد تكفى جمهوركم اللي يقعد يبصق على المدرب القدير وافضل مدرب في العالم جوزيه مورينهو ولاتقلون الملك مو خلوق

العضو الغالي (هلالي) قالكم كلمة فشلونة تنطبق عليكم لأن البرشا مفشلكم جيت غيرتها لمفشلونة

.. وبعد شوي بتنقلب الكلمة عليكم بتخليها
فرشونة وهكذا هههه
والله انكم نكتة ياجماهير الريال (البعض فقط)

إقتباس


	روما:مادري وش اقول فريق صراحة فريق ممتاز معندهم الى لاعب شايل الفريق كله توتي ولهم كم سنه ماجابو بطوله اكثر4سنين يعني في منتهى الفشل

تكفى ياللي تحققون بطولات كل موسم

الموسم الثالث بينتهي وانتم ماخذيتوا شي واتوقع النحس سيستمر في المواسم القادمة

Z I D A N E · #23 09/03/2006, 04:26 PM

بالظلم ...!

فزتوا ...!

وكاد راوؤل يسويها ....!

لولا لعنة الحظ...!

هاردلك لنا...!

وياويلكم ...!

من اليوفي ...!

المتأمل · #24 09/03/2006, 06:40 PM

اخوي gunner 4 ever اوففففففف شويه مستانس وانشالله القادم اكثر ومشكور يالغالي

بوفون !!! الظاهر انك توك تتابع كوره !!! نسيت هدفي هنري باليوفي... وهدف هنري الفاول اللي جالس يصوره بوفون حارسك!!!

ونسيت مباراة ايطاليا وفرنسا !!! هنري سحب بنيستا ومالديني في لعبه وحده!!!

عشاق الريال
السعودية+الهلال القناص 7
اديب الهلال

اولا : حظ اي حظ!! المباراة الاولى لولا الله ثم الحظ لأنهى الارسنال المباراة في الذهاب!!! وفي المباراة الثانيه الريال اضاع كور وايضا ارسنال اضاع كور !!! وتقول حظ والحكم ما قصر معكم زيدان قلبها مصاره دبليو دبليو اي!!!

ثانيا : فشلونه ؟؟؟ وش دخل برشلونه بالموضوع ولا عشانه مرقعكم 3 ومتأهل لدور الثمانيه وهزم تشلسي فريق من احسن الفرق بالعالم!!! انا اقول خلكم بفريقكم اصرف لكم لان فريقكم داااااااج وما يدري وين الله حاطه فيه باقي شهرين على نهاية الموسم والريال خرج من كل البطولات!!!

ثالثا : وش دخل روما بالسالفه !!!! على الاقل روما يفوز بطولات بمجهود وليس بمجهود الحكام والاتحاد الاسباني والملوك مثل الملك فرانكو!!!

رابعا : الارسنال رغم الغيابات الكثيره والاصابات والحظ والحكم استطاع الفوز وريال مدريد فقط اضاع كرة وحده خطره وهي كرة راؤول اما الارسنال فأضااع كور كثيره وخطره ومنها كرة رييس وانفرادات هنري وكرة بيريس اللي كانت على خط المرمى

واذا كنتم تقولون توتي وسخ !!! ترا توتي طول تاريخه انطرد 7 مرات فقط اما زيدان انطرد اكثر من 15 مره!!! وزيدان اوسخ من توتي بكثير

بعدين جمهور برشلونه لم يبصقوا على مورينهو . كيف يبصفون بالحراسه المشدده والبعد بين جمهور برشلونه ومورينهو اكثر من 10 امتار !!! بعدين نسيت ما قاله مورينهو عن فريق البرشا !!! وما قاله مورينهو يثبت انه هو الوسخ وافعاله اكبر دليل !!!

الان انتم يا جمهور الريال ما بقيتوا نادي الا سبيتوه وهذا يثبت غروركم !!! وش دخل يوفنتس ولا روما بالسالفه انحين !!! برشلونه يمكن بس روما ويوفنتس!!!لازم تسبون الفرق كلها !!! يعني اي فريق بالعالم كله الا ريال مدريد ؟؟؟

ومشكورين يالغاليين على الردود وما قصرتوا

طحياتي

المتأمل · #25 09/03/2006, 06:43 PM

اخوي الغالي السعوديه+الهلال : اسمحلي بكل احترام اقولك انك انت ما عندك الا الكلام واذا كان عندك فضايح للأرسنال فأنا استناك الا انحين!!! عطني فضيحه وحده واطلعلك فضايح الريال كلها طوال التاريخ!!!

R a k a n · #26 09/03/2006, 06:50 PM

اخووي المتأمل ياحبيب البي

ماعليك منهم الارسنال فاز بجداره واستحقاق غصب على كارو وزيدان والشله وبرافوو نسيته اظاهرر متفق هوو وزيدان قبل المباراه دارين انهم اووووووت قالوا خلنا على الاقل نطلع بكروت حمر عشان نطلع من السالفه ونخليها عذر

ولكن الحكم كالعاده كان متساهل معهم

وانا اللي قاهرني الموضووع عن الارسنال وش دخل روما والبرشا

افضل فريقين ممتعين كرويا في العالم

وكني سمعت واحد يقوول ياليت الارسنال يقابل ال تووفي

ودي اضحك ياشيخ خلووكم على بريمين والحارس

ترا الارسنال شفتوا ليزمان وش سواء مع الريال

اويلاه لو تطيحوون بالبرشا ولا الارسنال ولا الميلان

اخووي يابعطي يالمتأمل الف الف مبروك الفووز

ولو روما موجوده كان بتكمل الصفه وببتاهل مع البرشا والارسنال

بس ان شالله السنه الجايه

zidane2real · #27 09/03/2006, 06:57 PM

موضوع جميل يا شباب

أهنئكم على الردود الجميلة

لا سيما أن تسعين في المية من أصحاب الردود من جمهور برشلونة

ZeZo&RoNaLdInHo · #28 09/03/2006, 08:38 PM

مبروك للأرسنال ومحبيه ....

سلم ريال لا بطولة اوربا ولا كاس اسبنيا ولا دوري

طلعت من المولد بلا حمص

خخخخخخخخخخخخخخخخخ

ZeZo&RoNaLdInHo · #29 09/03/2006, 08:38 PM

مبروك للأرسنال ومحبيه ....

سلم ريال لا بطولة اوربا ولا كاس اسبنيا ولا دوري

طلعت من المولد بلا حمص

خخخخخخخخخخخخخخخخخ

◦●☺هلالي☺●◦ · #30 09/03/2006, 10:24 PM

إقتباس

الرسالة الأصلية كتبت بواسطة Soccer Maker


	العضو الغالي (هلالي) قالكم كلمة فشلونة تنطبق عليكم لأن البرشا مفشلكم جيت غيرتها لمفشلونة .. وبعد شوي بتنقلب الكلمة عليكم بتخليها فرشونة وهكذا هههه والله انكم نكتة ياجماهير الريال (البعض فقط)

ههههههههههههههههههههههههه

الله يرجك