|
بيجر الثنيان بسم الله الرحمن الرحيم السلام عليكم ورحمة الله وبركاته الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين وصلتني هذه الرساله من جوال الزعيم وهي عن تحليل يوسف الثنيان عن مباراة الهلال والنصر يقول يوسف:المباراة كانت حذرة ,الهلال اراد النتيجه والنصر اراد اثبات وجوده. هدف ياسر من المفترض يلغى لان الحارس كان مضيع مفتاحه وجالس يدوره!!! رجل الخط بالشوط الاول احتسب تسللين على الهلال شكيت انه كان يتابع المباراةبالاذاعه!! الهلال فاز باقل مجهود وضياع الفرصه السهله اعطت النصر جراة اكثر واول ما شفت الجماهير قمت اسخن وانتظرت كندينيو يدق على (بيجر)...... انتهى هنا كلام الثنيان لنكن واقعيين !! هل هذا تحليل بالله عليكم ام ماذا ؟؟ انا اشك ان هذا الكلام يصدر من يوسف الثنيان !! واذا كان مصدره الثنيان بالفعل فهذه مصيبه كبرى!! وش (الحارس يدور مفتاحه) (رجل الخط يتابع المباره من الاذاعه) انا اعتقد ان هذا الكلام مكتوب عن الكابتن الكبير يوسف وهذة مصيبه اما اذا كان هو قائله بالفعل فهذه مصيبه اكبر وبانتظار تعليقكم تقبلوا خالص تحياتي: هجرتك أخوكم |
ليش مصيبه ؟.. معروف يوسف بروح الفكاهه :) |
اخوي معروف عن الثنيان خفت دمه الكبيره وهو قاعد يحلل على طريقته الخاصه وهي افضل من ردود اخوننا النصراويه الي يجي فيها اخس من كذا |
انا قريتها اليوم من جريدة الحياه بس ماتوقع من الثنيان ابدا |
معليه خلو بو يعقوب يضحكنا شوي خلونا نذكر ايامه يا هي ايام شكلك ما تعرف بو يعقوب |
اهم شي ننبسط من ابويعقوب والهلال |
ليش أنت وياه ماتوقعها من أبو يعقوب؟؟؟؟ وش تبيه يقول؟؟ |
الحمد لله والشكر.. سوى جريمه هو ... |
هو قالها من باب المزاح فقط لاغير ولو ماكان يحترم الغير كان ماشارك في حفل ولبس قميص النصر |
هذا ابويعقوب ياناس والظاهر محد يعرفه زين............ |
بويعقوب... سيد الفكاهـ...وناا ماشكـ أأكد انهـ هو اللي قايل ذا.... ليش مو عاجبكـ الكلام..... يعني افهم من كلامكـ تبي.....تفصل الخدمهـ لـ الاشتراكـ... يعني ماتبي تعليقات بويعقوب... يعني ويعني ويعني هع هع هع هع امزح معكـ...خلكـ شقرد....واضحكـ مع بويعقوب... و فلهااا وربكـ يحلهاااا تحياتي |
اقول : كيف الحال.... |
وش فيها طيب الله يهديك بس وش قايل هو قعد يسب قاعد يحلل |
ابتدأة المباراة بطريقة قوية وعنيفة وقد تقدم الفريق الهلالي من ناحية الطرف الايسر وهذا ما ادى الى استغلال.................................................................. بيد ان الفريق النصراوي بادر بالتسجيل ولكن حيثما ولعلما كان الهلال احرز الهدف التعادل الصاعق والذي يدل على حصافة وحنكة وقوة الفريق يعني تبي كذى والله انك لرجعتنا لايام التقارير اللي في الجرايد زمااااااااااااااااااااااااااااااااااااااااااااااااااااااان كان التقرير يا خذ يجي نص الى صفحة كاملة ويعطيك المباراة ثانية ثانية الناس تبي تفرفش يا اخوي واذا تبي الكلام اللي فوق شوفة في الجرايد وما اعتقد ان باقي في مناطق مافيها تلفزيونات عشين تشوف المباراة والمنتديات مليانة بالتقارير والاهداف والتصاريح وش عا تبي من الـ( بلا بلا بلا )(كناية عن الكلام الفاضي) وهذا جوال الهلال موب معقوله يكذبون في شيء زي كذى يعني (كبر دماغك) على قول المصارية بالله احد يتخيل الثنيان وهو يقول كلام تحليل وووووو والله ما ينفعععععععععععععععععععععععععععععععععع اقول الله يخلي الثنيان لنا بس ولا يحرمنا من تعليقاته |
والله بصراحه انا مااشوف فيها اي شي بالعكس هذا ماعرفناه عن ابو يعقوب وبصراحه ماغلط على احد اجل يتابع المباارة من الاذاعه ههههههههههههههههههههههههههه الله يرجك يابو يعقوب والله ذكرتنا بايام زمااااااان ههههههههههههههههه |
| الوقت المعتمد في المنتدى بتوقيت جرينتش +3.
الوقت الان » 02:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd