هاذا الموقف حقيقي .. وصاحبه محتار من اللي صار .. لو كنت مكانه وش بتسوي ؟؟

القصه وما فيها ان صديقه كان مسافر وياه .. ولما رجعوا من السفر حط اغراضه عند صاحبه وجلس يرتاح شوي ..

لما جاء بيطلع عطاه صديقه شنطته .. وبالغلط ان الشنطه اللي عطاه مو له لاهله .. بس كانو نفس الشكل ..

لما جاء من بكره ويتصل عليه يقول له ان الشنطه مهيب له وانه بيرجعها له اليوم .. لما رجعها واخذ صاحبه الشنطه قال له : تراي ما فتحتها ولا ادري وش فيها ..

المفاجأه ان شنطة الاهل صار فيها البوم صور له ولزوجته .. وصور خاصه .. وقتها صار يشك ما يدري هل زميله شافهم او لا ..

والغريب ان زميله قال له انه مافتح الشنطه .. وما اعتقد انه بيقول كذى الا وهو فاتحها .. والصداقه اللي بينهم ماتاصل لحد الثقه ..

اهلين اختي عنود الصيد ...

اعتقد نوعية الصديق هي الي تحدد يعني اذا كان وفي ومخلص ثقي ثقه تامه

انها كانت بالغلط وبدون قصد وانه مافتح الشنطه ...

اما اذا كان بثر وملقوووووووووف وان غلط فهو اكيد فتحها ... اتمنى انك فهمتي

فلسفتي الزايده شوي .. وتقبلي تحياتي ...

يمكن ما شافها اذا كانت العلاقه قويه جدا

اما اذا كان العلاقه عاديه فمن المحتمل يكون شافها

اذا كانت صداقتهم مثل ماقلتي : (( والصداقه اللي بينهم ماتاصل لحد الثقه .. )) ..
فهي تأخذ الاحتمالات الثلاثة :
1 - ان صديقه صادق في كلامه وما فتح الشنطة .
2 - انه يوم وصل لبيته وبيرتب أغراضه من الشنطة وفتح الشنطة ويوم ناظر انها لصديقه وماهي له سكرها على طول .
3- انه يوم عرف انها لصديقه فتح الشنطة وعرف انها لصديقه تلقف وشاف أغراضه .

اختي العزيزة عندو الصيد
الاجابة لها عدة احتمالات هي :
1- اذا كان اللي اتصل وقال الشنطة ماهي له هو الصديق الذي اخذ شنطة اهل صديقه فهو كاذب فكيف عرف ان الشنطة ليست له وهما متشابهتان حيث انه لن يعرف انها ليست له الا بعد فتحها .
2- ربما تكون الشنطة مقفلة ولم يستطع فتحها وبعدها شك ان الشنطة ليست له .
3- اعتقد ان الخطاء يقع على زوج صاحبة الشنطة الذي اعطاها لصديقه فالاخر حتى لو فتحها فهو لايلام لانها يتوقعها شنطته ومن حقه فتحها . لكن ! من الواجب عليه انه اذا فتحها ورأى انها لاتخصه وعرف انها ليست له من الاغراض التي بداخلها ان لايفتحها واعتقد انه فتحها فعلا ونبش مابها والا لماذا قال انه لم يفتحها فهذا كما قيل : كاد المريب ان يقول خذوني .

لكِ تحياتي .

اخوي نجل العيون :
ما اعتقد هالزمن فيه من هالنوع اللي مهوب ملقوف .. واللي نثقل فيه ثقة تامه .. وشاكرة لك ابداء رايك ..

اخوي اللاعب الموهوب :
الا ليش ماتقول العكس .. يمكن من عظم العلاقه اللي بينهم يسمح لنفسه انه يتدخل بشئونه .. وحاسبها شي عادي ...
واللي يزيد الطين بله ان الاغراض مافيها شيء يدل على انها خاصه .. والالبوم ياسلام في الواجهه ... كانه يقول افتح الشنطه وشفني .. ( الله يستر )..

اخوي undertaker : اقول ..
يعني ( ما انشقت بس تخرخر ) بس مشكور على ردك ..

اخوي الاسير الهلالي :
الشنطه هاذي نوعها جلد ... ( ويقول انها تلمسها ) وعرف انها مهيب له ..( شوفو العذر )
اما زوجة الرجال وش دخلها بالموضوع المسكينه .. ماتدري والا انكان نبهته .. رجلها هو المطفوق ( الله يهديه )..


وشاكرة للجميع الرد .... وفي انتظار المزيد ... وتسلمون

أختي عنود الصيد . أشكرك على هالموضوع

وأنا ردي . هو صحيح إن العلاقه اللي بينهم ماتصل الى الثقه . لكن الشكوى لله مابليد حيله . طاح الفأس بالرأس . وأنا لو إني في مكان هذا الصديق كان أرجح الرأي الأفضل وخلي نيتي زينه وأحط إنه ماشاف الصور . لأنه حتى لو قلت إنه شاف الصور مااقدر اسوي اي شيء بس ابي اضيق صدري وأحوس نفسي ولابيدي أي شيء وقد أكون إني ظلمته معي أنه شاف الصور وهو ماشافها ..