|
عـظــيـم يازعــيـم.. فن وتسحيب مرمط الجار الحبيب ((ياسر مطلوب من قبل السطات)) s13s مساء الزعامة مساء السماء الصافيه الي شع نور هلالها في ارض استاد الملك فهد كل عام والجميع ازرق في ازرق ياسلام يا سلام فن وابداع تسحيب ومناورة بدت المباراة والزعيم هادي مهدي اللعب وحاط القير في الثالث :D قلنا يمكن تكتيك وجاء الهدف الاول وقلت يا حسرة عين وصابتنا :confused: وجاء البلنتي وقلت رحنا وطي :eek: لكن هيييييييييه هذا الزعيم الشمري حامي العرين بطل والله بطل ماقصر قال انا لها :thumbup: وكان كفوو ولد شمر وقد كلمته وردها :yes: وانا على اعصابي اصارخ شوي الا راعية الشقة تدق الو وش تبين :upset: يابني انت مالك عيان ولا حاقه << حاجه بس بالمصري :D يابنت الحلال ضفي الله يرحم والديك :mad: بتئول ايه اقول لا لا سلامتك بس عشان فيه مباراة مباراة ايه.. آآآآآآآه اصدك متش كورة وتنشب لي المدام الا تبي تعرف وش السالفه :upset: عاوزة ايه يا مدام سوزي انا بس سمعت صوتكم عالي قلت اطمن لا لا ماعليك مشكورة طوط طووووووط < قفلت بوجهها لا شعوريا ً :laugh: وارجع للهلال واصيح ياهلاااااااااااال قال لبيه قلت تكفوون يابنو هلال لكنه كان الهدوء الذي يسبق العاصفه اعصار مدمر تسوهلالي يجتاح استاد الملك فهد خالد عزيز نار وحريقه بسم الله عليه في اليسار رايح جاي مايكل ولا يمل كوماتشو وجيوفاني والله ماقصروا توزيع كور ولعب صح الجندي المجهول عمر الغامدي وااااااااااا فديته < وافديته كانت تقولها جدتي الله يرحمها لا جبت لها حنا ولا بخور :D :thumbup: مع ان اهل الفقر لاعبين بـ تسعه دفاع وضغط على حامل الكوورة :rolleyes: وياليته ضغط صح :confused: قالبينه حواري اللاعب يمسك الكورة عليه 4 لاعبين كلهم يبون يسجلون :D وبلمسات حلوة وتمريرات قصيرة هات وخذ تعالني جيتك :D واثاري الصقر فوووووق ينتظر وانقض الصقر وادمى شباكهم ومدافعهم المسكين من اللخمه ماعاد يدري وش يسوي :laugh: مالومه شاف عيون الصقر :thumbup: ويسدح امهم بواحد ولا احلى بكل هدوء واناقه ويتسدح المدافع تقول مصريه قالها زوجها انتي طالئ طالئ طالئ << والله تاثرت بالمصاريه :D وهييييييييه اثاري النصراوية بس صحوا التنين ازعجوه والتنين الازرق مايرحم وواحد باقي مايكفي قلنا يالله بينفتح اللعب وبيجينا الخير بس يوم شفت دفاع النصر الي يذكرني بمباريات البحرين والسعودية زمان :rolleyes: تذكرت انا نلعب مع نادي الفقر يعني اي خير بيجي لو بيدهم نزلوا الاحتياط بعد دفاع وضاعت كم فرصه وقلنا معليش تفدى الشباب s60s وينه وينه ماشوفه ماله حس الا بعض الطلعات وجاكم القناص يكبس من بعيد تقولون كامري ماشي طبلونه :thumbup: << سم ع الولد الله يقلع ابليسك يقول هذا انا هنا عطوني سهم عطوني كورة وماقصر اخذ كورة من بين الاربعه وساقهم سوق قلبها سباق خيول وراه :laugh: بس السكب سبقهم وراح ولقى المتبطح الاول ومضيع الوقت الذي لا مثيل له الخوجلي (( يقولكم الخوجلي نزل شريط عن سيرته الرياضيه مدة ساعه ونصف 75 دقيقه منها لقطاته وهويضيع الوقت )) :D :laugh: ويسدحه سدحة الطبيب لمريضه << بحكم التخصص يعني :D ويصيبهم بسهمه القاتل هدف ثاني وبعدها عاد التنين الى جبله في الاعالي بعد ان رد الاعتبار وانا اصارخ على قولة المشذاب فديته s13s ياغــشــيـــــم انـتـبــــه هــذا الـزعـــيـــــم نقاااااااط من القاهرة اقصد المباراة << شوفوني تراني في القاهرة s13s :D = الحمد لله اني هلالي = الشباب كلهم ماقصروا ويعطيهم العافيه وانتظروا جيوفاني فهو قادم s13s ;) = الشمري اتمنى ان يستمر على هذا المستوى الرائع والي اتمناه اكثر اشوفه الموسم القادم مع الهلال = لو لعب نواف وسامي والشلهوب وش كان صار يا عيال :rolleyes: ولا يهونون البنات < لو نساهم كان راح غلطه :D :eek: = نواف رحم الله فقيدكم واسكنه فسيح جناته والله مانغص فرحة الفوز الا هذا الخبر الاليم ولكن لا نملك الا الدعاء له (( ارجوكم الدعاء له بالرحمه ولجميع اموات المسلمين)) = ياسر مطلوب من هيئة السوق الماليه وذلك بسبب التلاعب بالخوجلي :eek: حيث تشير المادة رقم زيرو تلات سبعات خمسة الاف بمنع التلاعب بالاوراق الماليه :D = دعواتكم بالتوفيق لي في الدراسة s13s كل عام وانتم زعماء s13s |
ألف مبرووووووووك والله انك مصرقع بعد:yes: والله يوفقك في الدراسه أخويs60s الا عندكم كامريات في القاهره:D الله يستر وش كان جنبك وانت تطالع المتش ياحق:D :D |
وأنت تصف المباراة شكيت أنها مبارة البارح اللي شفتها ما شاء الله عليك جداً متفائل البارح أدع الله بسلامة ولد الشمري أنقذ بلنتي كاد يغير مسار المباراة , وأنقذ هدفين محققين البارح ما شفت إلا الشمري وتفاريس وعزيز والغامدي والقحطاني في الهدف فقط والبقية ليس لهم وجود يذكر والله يستر من مباراة العين إذا هذا مستوانا لا تنسى أننا بارينا نادي الفقر وكسر وكديش لاعبيه اللي فازت عليهم الوحدة بثلاثة مستوى الزعيم البارح يخوف ويخوف بقوة والله يستر صار الزعيم شوط بقرة والعلة الحقيقية في خط الوسط (الغنام أو البرقان إذا لعب , والعالمي جيوفاني البارد ) أمس طلال المشعل سوى كل شيء , سجل وسحب وهدد , وقبله العريف لاعب الأهلي , فيه مشكلة إرتباك في خط الوسط والدفاع والله يستر من القادم , الوسط فيه خلل كبير وواضح ويحتاج لعلاج. |
الف مبرووووووووووووووووووووووووووووووووووك الف مليون مبروووووووووووووووووووووووووووووووك |
الله يعطيك العافيه وهذا الزعيم مايخيب الضن بس آآآآه لو الشلهوب لعب كان سحب بدفاعهم وحارسهم وجمهورهم بس الموجودين كفو ووفو |
ألف مليون مبرووووووووووووووووووووووووووووك وأنشالله الفال لمباراة العين بإذن الله تعالى |
إقتباس:
الله يبارك بعمرك حبيب البي وبالنسبة للكامريات الي بالقاهره فهي كامري صناعه فرنسيه (( يعني بيجو )) :D اما الي كان جنبي والله ماغير التلفون وزحمة العيال وصراخهم < مؤدب والله رايح يدرس بس :thumbup: :D |
لاتخاف حبيب قلبي والله كان عندي احساس بفوز الهلال ونفس النتيجة وكنت متوقع صد ضربة الجزاء والف مبرووووك للجميع |
s13s إقتباس:
عزيزي العميل << مشتاق لشباب 902 وربي :D اقصد عزيزي مخلص للهلال ياحبيبي فلها وربك يحلها ثانيا ً بسالك سؤال كندينيو كم له من يوم درب الهلال يعني لازال في طور ترتيب الاوراق وباذن الله الزعيم مايخيب ظني ولا ظنك يالغالي وبعدين لاتنسى ان كندينيو لا زال في جعبته << لها اسبوع ماسكه في جعبته :D اوراق منها سامي ونواف والشلهوب جيوفاني باقي ما انسجم مع الفريق بشكل كامل واللياقه مو نص كم الا كت :D العنبر باذن الله يرجع مستواه مع التمارين الا ماقبل الاصابه ولك مني كل التحيه والتقدير |
ألف مليون مبروك الفال لمباراة العين بإذن الله تعالى |
شكرا ع المرور اللطيف يا حبايب قلبي عظيم مر من هنا ... |
إقتباس:
الله يرجك والله ياني ضحكت على الخوجلى ضحك اللهم لاشماتة الله يوفقك في الدراسة |
يعطيك الف عافيه ومبروووك الفوز على الفقراويه وعقبال العين إن شاء الله |
محب الذئب 9 مشكوور ع مرورك ودووم الضحكة يالغالي عظيم مر من هنا ... |
| الوقت المعتمد في المنتدى بتوقيت جرينتش +3.
الوقت الان » 08:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd