|
kartasha..... يا رجال والله اني اردا منك احيانا افخت من الجامعه عشان مباريات تافهه زي هذه الظاهر يبيلنا طبيب نفسانسي |
اخوي kartasha على العمومالله يوفقك ويسهلك امرك وانشاء الله نحتفل فوز الزعيم ويستاسع صدرك قل انشاء الله وبالتوفيق يالغالي |
يا كايدهم ياخوك الانتضار ممل ....وش نقعد نسوي ؟؟؟؟؟؟ |
تسلم يا عبود وبعدين خلاص ما عاد فيه سواليف علشان ما يزعل علينا كايدهم |
هلا باشباب ها ما بدا الشوط الثاني كم باقي عليه إذا ما بدا,,,, |
يهوه وش أخبار النتيجة لعبة بأعصابنا سلام عسى إنشاء خير وش النتيجة بسرعة اتعبت اعصابنا |
حلو دخل علينا محرر في الخط اللي هو شقراوي هلالي ....يعني اللي أحنا نسويه مو غلط ....واذا كان غلط ياليت أحد من المشرفين ينبهني علشان ما أقعد أهذري في المنتدى وانت يا شقراوي المشكله ان الهلال ما ينفع فيه الاطباء النفسيين اللي في العالم كلهم يعني شكلنا يبيلنا شيخ يقرا علينا ههههههههه |
ابرز احداث الشوط الاول ,,, الوقت المحتسب بدل الضايع (دقيقتين) ,, مستوى الهلال يعبر عاديا , اذا اخذنا بالاعتبار ان هذه اول مباراه يلعبها الفريق ,, كما ان العمودي والقحطاني يقدمان مهارات كرويه رائعه ولكن لايوجد نهايه للهجمه بشكل جيد , وقد يعود ذلك الى ضعف المسانده من جانب الاظهره (الرشيد والصويلح) ,,, ابرز لاعبي الشوط الاول هما (الشريده والعويران) ,,, ابرز هجمه للشعله كانت في الدقيقه (44) من الشوط الاول عندما اضاع لاعب الشعله (عمار العمار) انفراده خرج على اثرها (العتيبي) فوضعها في خارج المرمى ,,, التنظيم الدفاعي جيد , ولكن الهجوم اقل من عادي حيث لايوجد نهايه للهجمه بشكل سليم ,,, وانتظرونا مع بدايه الشوط الثاني :) ملاحظه : ياشباب ارجوا ان لايتحول الموضوع الى اخذ ورد بين الاعضاء :( حتى يستطيع الكل المتابعه للمباراه بشكل متواصل وواضح , فهذا الموضوع خصص فقط لنقل المباراه (ارجوا التفهم ياغالين) ,,, |
اشكركم اخواني جزيل الشكر على جهودكم الرائعه والمبذوله من اجل الزعيم وعشاق الزعيم ولاكن عندي سؤال بسيط وشلون مستوى الهلال وكيف لياقه اللاعبين ولكم كل الشكر والاحترام والتقدير اخواني الكرام |
حراااااااااااااام عليكم شباب وش خليتوهاااا شات خلاص يا شباب تكفون ودنا نشوف النتيجه اول باول كثر الردود يخلي الصفحه ما تفتح وخاااصه مع هالتواقيع اللي بالفوتوشوب والفلاش تصعب من فتح الصفحه اذا كان الاشتراك عادي يبيلك خمس دقايق لما يفتح راعوااا ضروف الاخرين يا شباب اتمنى وان كانت هناك ردود عدم وضع التوقيع من خلال علامه الصح اللي بعد الرساله وشكراااا |
الدقيقه (3) من الشوط الثاني والنتيجه لاتزال سلبيه ,,, الدقيقه الاولى كره للشعله خرج لها العتيبي وابعدها , كما ان الهلال بدا يهاجم من الجهه اليمنى ,,, |
هاه بشروا شباب وش صار؟:) |
الله يعطيكم العافية أثر الشعلة ما هوب هين شوط كامل ولا هدف هلالي إن شاء الله الشوط الثاني نسمع عن الأهداف عمار العمار وشلون صار ( لاعب النجمة ) ربما خطأ مطبعي شكرا لإدارة الموقع على المتابعة |
مساء الخيرات بشرو كم الدقيقة والنتيجة |
الدقيقه (18) من الشوط الثاني ولاتزال النتيجه سلبيه , مع افضليه في المستوى للشعله ,,, |
| الوقت المعتمد في المنتدى بتوقيت جرينتش +3.
الوقت الان » 09:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd