سب اللاعبين والحكام ظاهره....
 

السلام عليكم ورحمة الله وبركاته وبعد
هذا الموضوع (داعد يدردع في دلبي) من العام ودي
اكتب عنه.
والمحظورات كثيره ومتعدده واذا صدرت من مراهق اوجاهل
يمكن تعذره بأنه طايش (حتى هذا مهوب عذر)
لكن بلاك باللي تعدهم رجال وهم ماشافوا من المرجله
الا اسمها:mad:
ما ابغى اطول لكن اسمعوا هالقصه :
يوم من الايام العام الماضي اخذت الصغار يوم الجمعه
العصر ورحنا للملعب نحضر مباراة الهلال والرياض
يومها ابدع رجال الزعيم ودكوا مرمى الرياض بستة اهداف
الشاهد في الموضوع انه كان فيه اثنين جالسين جنبنا
تقول الاول منهم في الثلاثينات وملتحي والثاني بعدحاط عوارض
تشوفهمتقول وش هالعقل... المهم اخونا بالله الكبير منهم
كل ما استلم الكوره اللاعب عبدالله الضعيان كابتن الرياض
قام يلعن فيه ويسبه وكل ما خش على لاعب هلالي كرر نفس الموضوع
المهم ابو الشباب ياليته على كذا وبس اش قاعد يقول
قاعد يقول ان الضعيان يعمر ويبيع وهذي شغلته ما غير يعمر
ويبيع,طبعا اول ما يجي على بال الواحد فينا مع كل
هاللعان ان الرجال لا سمح الله يبيع حشيش
لكن المصيبه الاعظم ان ابو الشباب كشف بالأخير سبب
السب والشتم وهو انه هو شخصيا بغى يشتري فلله من عبدالله
الضعيان لاعب نادي الرياض (يبني فلل ويبيع) والاخ عبدالله
مرضى يبيع له بالسعر اللي صاحبنا يبيه
فقام يسبه ويلعنه ويشهر فيه
طيب حلاله وهو حر فيه ما اعجبه السعر مافيه شيئ في العالم
يجبره انه يبيع لك
وبعدين حتى لو كان مخطئ عليك مالك حق تلعنه وتطرده من
رحمة الله:mad:
هذا مع العلم انه ما اخطا ابدا عليه:confused:
هذي للأسف اكبر ما ازعجني في الملاعب الرياضيه
مع انه في اشياء اخرى كثيره لا يتسع المجال لذكرها
وسأكتب بمشيئة الله عنها في المستقبل واللي يشوف
شيئ سلبي ما يعجبه في الملاعب يكتب عنه تحت هذا العنوان


والسلام