الاخــــضـــر بـــخـــيــــر ..... اتمنى من جماهير الاخضر الدخول..: - نادي الهلال السعودي - شبكة الزعيم

هلالي عاشق بلادي · #1 02/03/2006, 07:42 PM

بسم الله الرحمن الرحيم

السلام عليكم ورحمة الله وبركاته

ربما بعضكم يستغرب من موضوعي ..

اقول لكم لاتستغربون.. نعم الاخضر بخير ..

اتكلم باللهجه العاميه ازين ..

الاخضر .. لعب مباراة ممتازه ..

ومهمه بالنسبه له ..

كلنا شفنا المنتخب البرتغالي لعبه وكأنه لاعب في كأس العالم يعني لاعب على شان الفوز ..

فيه اخطاء في المباراة .. والمنتخب وباكيتا راح يستفيد منها

يعني على سبيل المثال التمريرات الخاطئه واخطاء الدفاع الفادحه ...

ان شاء الله في المباراة القادمه كل شي يتصلح ويتعدل ..

ونلعب المباراة القادمه كما لعبنا في الشوط الثاني .. اللي ابدع اخضرنا فيه وضيع فرص كثره ..

باكيتا في المباراة هذي جرب محمد مسعد اللي تمنيت انه يكون في المنتخب وان شاء الله اللاعبين يشوفون المباراة على الاعاده ويعرفون الاخطاء على شان يتعدونها ..

واتمنى من الجميع انهم مايزعلون على المنتخب او على الاداء .. هي مباراة وديه يحق للمدرب ان يجرب اللاعبين ويختار اللاعبين المناسبين .. وقلنا قبل المباراة مايهم الفوز او الخساره المهم الاستفاده وفعلاً استفاد منتخبنا كثير ..

ولا وش نستفيد اذا منتخبنا يفوز يفوز يفوز يفوز في المبارايات التجريبه واذا جا كأس العالم نشوف الهزايم ..!! زي ماحصل في المبارايات التجريبيه لكأس العالم اللي فات ..

واتمنى من جماهير الاخضر الوفيه .. انها ماتقول هذا مستوى المنتخب اجل شلون لو كاس العالم ..

ترى البرتغال اقوى من اوكرانيا واسبانيا وتونس

وان شاء الله نقدم مستوى مشرف في كأس العالم ..

تقبلوا تحيتي اخوكم فيصل السبيعي "هلالي عاشق بلادي"