|
المنتخب بنظرة تحليلية واقعية مباراتنا مع البرتغال كشفت الشي الكثير ولفت انتباهي في شريط العناوين (مهارات الدعيع) فتفاجأت اني لما اطلعت على مقطع الفيديو لاحظت واعتقد ان اناس كثر معي اهتزاز روح الدعيع لا ادري لماذا او ما الحل لكن اكثر الهلالين المتعصبين يعترف ان الدعيع ولو كان جيد ماهو مثل اول.وانا اجزم بان مبروك زايد هو الحارس الافضل في المملكة لثبات مستواه,فلا تجد هفوات له بعكس الدعيع وهناك حراس كسعيد الحربي او خوجه افضل من الدعبع الأن مع احترامي وتقديري لتاريخ الدعيع الكبير جدا اما على مستوى الدفاع عبدالعزيز الخثران دائما مايتألق في مثل هذه المباريات ومستواه جيد وحمد المنتشري لاعب طموح جريئ ويتعلم من اخطائه وهو قابل للتطور اما رضا تكر فهو مدافع صلب على مهاجمينا لكن بكأس العالم بجيب العيد بقوة اما سامي الجابر ونواف التمياط ومحمد نور فهم جيدين وخصوصا الاخير نجي للموهوب الشلهوب... لاعب مبدع بكل ماتعنيه الكلمة بس مايصلح بكأس العالم اولا هو قصير حيل ولاعب يسطيع الابداع امام الفرق اللي في مستواه او اقل منه لكن في حالة انه لعب مع الفرق الاقوى من فريقه.. يصبح عاله على الفريق والدليل مبارة 8-0 مع المانيا مع احترامي لمهاجمي المنتخب .. اذا لم يسجلو فهم ماينفعونا ياخي المفروض نجرب المهاجمين قدام افرقه عريقة زي البرتغال ونختار الافضل نجيب المحياني والكويكبي من الوحدة والسهلاوي من القادسية وصالح بشير وعبدالرحمن القحطاني من الاتفاق وسعد الحارثي من النصر وحسن معاذ وناصر الشمراني من الشباب ومالك معاذ من الاهلي وسامي الجابر-عبدالله الجمعان-احمد الصويلح-محمد العنبر-ياسر القحطاني من الهلال ونجربهم على مدى سنتين قبل كأس العالم ونعطيهم فرصتهم بعدين نحكم صحيح الكرة توفيق من ربي لكن بصراحة واعذورني لو كانت جارحه اني ما أتقبل لاعب مثل الدعيع انه يلعب بكأس العالم لازم نفرق بين...اللي بغض النظر عن تاريخه فهو يلعب بمستواه (الجابر) و اللي يلعب بتاريخه (الدعيع) اما بخصوص المدربين فأعطيكم مثال بسيط خالد القروني مدرب النصر السابق صحيح قاد نادي النصر للهبوط لكنه خرج مواهب اقل ما يقال عنها انها افضل من منتهيي الصلاحية بناديهم كابراهيم ماطر وشلته نحن نطالب باكيتا بأنه يخرج لاعبين على مستوى حتى لو كانو مو مشهورين قد يتهمني البعض بأني حالم حييل وان ما هاكذا تؤخذ الأمور لكن فكرو زين وتشوفون كلامي انه صح |
بصراحه من ردك احس ما عندك سالفه اجل مبروك او خوجه او حارس الشباب افضل من الدعيع يا شيخ لولا الله ثم الدعيع امس كان كانت كوارثية يا عمي وموضوع سامي ونواف ونور بصراحه اشك انك انسان حاقد على شي اسمه هلال ولاعبي هلال أي مجاملة اي خرابيط جالس تقولها انت |
انا ابصم انك ما شفت المباراة ولا تدري وش الطبخة عموما الملعب كان فيه امطار والارضية طينية واللاعبين السعوديين ما تعودوا على لعب في اجواء زي هذي ثانيا الدعيع وش تبيه يسوي لما يكون قدامه دفاع زي تكر ومحمد مسعد البلا مو من الحارس فالدعيع ما راح يقصر ومبروك كمان ما راح يقصر البلا في الدفاعات الي هم اساس دمار الكرة السعودية مدافع زي تكر هذا المفروض نادي درجة اولى ما يقبل فيه فما بالك اساسي في المنتخب ؟؟؟؟؟؟؟؟ وعموما ميولك واضحة حتى لو حاولت تخفيها مو مثلك الي بيفهمنا عن مستوى الدعيع والشلهوب رح منتداك الله يصلحك ولا عاد تكلف على نفسك مرة ثانية تسجل عشان تكتب موضوع ههههه اجل النصر فيه مواهب طلعهم القروني من هالمواهب بالله سعد الزهراني ولا احمد الخير ولا هادي شريفي ناديكم ما وراه الا الدجة والمنتخب يجاملونكم لما يضمون لاعب او لاعبين منكم عشان بس يرتاحون من اصواتكم |
ياخي الظاهر انك شايف مباراة تونس وصربيا!!! لولا الله ثم الدعيع كانت النتيجة 6 او 7 واسمع حماس المعلق البرتغالي وترديده لاسم الدعيع مع كل فرصة ينقذها وانت تعرف وش سوى الدعيع!! قال ايش قال خوجة وسعيد الحربي !! |
الظاهر اخوي الشوف عندك من جنب جنبها تراني مسجل بتاريخ 7-7-2005 يعني مو مسجل عشان اكتب مقال وامشي انا دايم اتصفح المواضيع ونادر ما اكتب اما بخصوص مواهب النصر فانا ماقلت انهم احسن لعيبه لكن قلت انهم احسن من اللي موجودين بالنصر قبل مايجي القروني اما الاسطوانه المشلوخه روح للنادي حقكم اذا ماكنت متعصب هلالي مو انت اللي بيمنعني من الكتابه انا هلالي شئت ام ابيت |
تقولو الدعيع بدع يعني مايتحمل اي هدف من الاهداف خاصه الثالث!!! مع احترامي مانبي حارس مستواه ينزل ويطلع |
اقول كيف الحــــــــــــــــــــــــــــــــــــــــــــــــــــــــــال يابو ....!!!!!!!!!!!!!!!!!!!!!!!!!! |
عزيزي سوال : شفت مباريات كاس العالم للانديه الاخيره وحكمت على مبروك ؟؟ انا شفتها وكان سيئى جدا من ناحية المستوى انا اقولها لك هو غطى على الدعيع لكن الان لا والف لا شفت اول ثلث ساعه من مباراة امس وكيف تخليصات المنتشري ؟؟ بالامانه هل اعجبك تكر ؟؟؟ ظهير ايسر ينحط ايمن وعنده الدوخي ؟؟؟ فكر بالمستويات وبعيون خضرى مو عاطفه |
| الوقت المعتمد في المنتدى بتوقيت جرينتش +3.
الوقت الان » 03:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd