المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #1  
قديم 02/09/2001, 07:29 PM
زعيــم متألــق
تاريخ التسجيل: 28/08/2000
المكان: هلالي وأعشق سامي
مشاركات: 1,169
بوليه ومادونا ...!! وألف ليلة وليلة ...!! (( الجزء الأول ))

السلام عليكم ورحمة الله وبركاته ...

مساء أو صباح الخير للجميع ...

****************************

طبعاً راح أقول لكم سالفة صارت علي هاليومين ...!!

سالفة تنفع في كتاب ألف ليلة وليلة ...!!

يعني سالفة غريبة الأطوار ...!!

طبعاً تخبرون أخوكم المسكين (( اللي هو أنا )) ...

كان مسافر وتوه راجع ...

المهم فتحت المسنجر قلت خلني أسلم على الأحباب الغالين ...

وفتحت المسنجر ماشاء الله لقيته عامر بعدد كبير من أبناء هالمنتدى الحبيب ...

طبعاً أول واحد سولفت معه الغالي طلووووو ( أبو فيصل ) ...

وفجأة وبدون مقدمات جانا هالمشرفين الداجين واحد يقاله النجيدي ...

وهذا سالفته سالفه ...

وخصوصاً تغيير الإسم من الأطخم إلى الطاغية ...

وهذي سالفة طويلة وفضيحة كبيرة لكن نخليه في الموضوع الجاي ...

إلا إذا أنه بيعقل وبيتأسف منكم بنسامحه ...

والمشرف الثاني هو الغالي الأولاني ...

هذا طبعاً الله لا يبلانا مدمن كرة عالمية وخرطي فاضي ...

لكن وش نسوي نصبر عليه يقولون أنه مشرف ...

المهم جلسنا ندردش ونسولف ...

وسألني الأولاني وين سافرت يا سفر ...؟؟

قلت لدمشق ورجعت ...

قال الله الله دمشق هذي لها ذكريات غالية ، دمشق فيها أحلى أيام عمري ، لأني كنت حاضر نهائي كأس العالم 88 م ...!!!

بصراحة لحظتها كلنا وقفنا ما تكلمنا أنا ماكنت مصدق بهالمخرف وش يقول ...

والعم طلال نفس الكلام ...!!

لكن الداهية طلعت من النجيدي ...!!؟؟؟

على طول رد عليه إبراهيم ...

قال أي والله يالأولاني تذكر وأنا كنت معك ...!!!!!!!

رد الأولاني ... أيه وكيف أنسى يا هيمو ياحبيبي (( شغل الأرانب بدأ )) ...

طبعاً طلال رد عليهم بسرعة ...

قال أقولكم بلا ركب (( كلمة حجازية بحتة تعني كذب ;) )) ...

قلت أنا ... والله صادق يا أبو الطل وش هالخرافات ...!!؟؟

قال الأولاني أقول أسكتوا وأسمعوا السالفة وتعرفون أننا صادقين ...!!!؟؟؟

قلنا يالله سمعنا حسبي الله عليك ...

طبعاً بدأ في الإسترسال وسرد القصة .......!!!

يقول الأولاني ...

عام 87 م ... كنت جالس بمنتدى الرياضة العربية والعالمية ... جالس أهش الذبان وأغسل الجدران ... وأدور أي زائر بالكشاف ... وفجأة جاني حبيبي وصاحبي إبراهيم ... وجلسنا نشتغل سوى ... خصوصاً أن إبراهيم كان على كفالتي ... وكنا زي الأخوان مع إختلاف الجنسيات ... المهم عطيت إبراهيم ريالين قلت رح جب لنا عصير مشكل الواحة من الدكان ... طبعاً هيمو المسيكين معروف وهذي شغلته ... راح وجاب العصير ... وجلسنا نمزمز فيه ... وفجأة جتنا طيارة من السماء ...!!!! ونزلت عندنا ....!!!

قاطعه طلال ... أكيد هلكوبتر ...!!؟؟؟

رد الأولاني ... لا طيارة حقيقة كبيرة ...!!!

ونزلت عندنا ونزل منها هذاك الأسمر الطويل ... وجانا يمشي ... إبراهيم على طول إنحاش لأقرب غرفة ... وأنا كنت ماسك نفسي ... وسبحان الله طلع اللي قدامي هذا بوليه ( يعني بيليه ) ... قال ... أنت الأولاني ... ؟؟؟ تصدقون شباب طلع يعرف عربي ..؟؟؟؟ (( ياراسي من الأرانب )) ... ورديت عليه بقوة أيه أنا ... قال والنعم ... قلت ماعليك زود ...!!! (( وين فيه مسلسل بدوي )) ... قال أنا جايك مرسول من البرازيل نبيك تحكم لنا مباراة في كأس العالم بين البرازيل والأرجنتين ... وبنلعبها في دمشق ...!!! ... بصراحة ياشباب أنا تلخبطت ماني مصدق أن بوليه يكلمني ... قلت موافق موافق موافق ... قال خلاص موعدنا دمشق ملعب العباسين ... قلت تم ... وطار بالطيارة من عندي ... ورجع هيمو الخواف وقلتله السالفة وطار من الفرح ... وقال يعني بنشوف بوليه ومادونا (( يقصد مارادونا )) ... قلت ايه وبنصير مشهورين ...

المهم طلعنا أنا وهيمو البطحا نشتري ملابس ... وجهزنا شنطتين ... ورحنا للنقل الجماعي وحجزنا تذكرتين ذهاب وإياب ... وصرنا جاهزين ننتظر فرصة العمر ...!!

ويوم الرحلة طلعنا على النقل ومعنا حب وعصير مشكل ... وجلسنا نسولف ونقرأ كتب عن التحكيم (( أخس يا مثقف )) ... وأول مادخلنا الأردن وحنا نغير ملابسنا ونلبس الملابس الكشخة ... وتصدق ياسفر أنت وطلال لقينا عمان والأردن بلد واحد وهم بالتلفزيون يضحكون علينا ويقولون دولتين ...!!! (( لا يا شيخ )) ...

المهم وصلنا دمشق على خير ... وأستقبلنا وفد من الفيفا وودنا لفندق البستان في المرجا ... (( كفوكم تستاهلون )) ...

********* أقول نكمل بعدين ماني فاضي الآن *********

ولكم تحياتي ...

أخوكم / سفر المرزوقي .
اضافة رد مع اقتباس
  #2  
قديم 02/09/2001, 07:36 PM
زعيــم مميــز
تاريخ التسجيل: 28/01/2001
المكان: الرياض
مشاركات: 1,574
Talking شكلك منت صابر يوم واحد من الأرانب

هلا الغالي......
---
اقوووووووووول يامشرفنا سفر عاااااااااد موضوعك رائع يمر بأرانبك المتميزه.
---
بس موضوع رااااااااااااااااائع يالغالي وطلة حلوة منك ونتظر المزيد وهذا سفر الأرنبي الي نبيه ;)


وســـــــــلامتك يالغالي

اخر تعديل كان بواسطة » زعيم آسيا في يوم » 02/09/2001 عند الساعة » 07:38 PM
اضافة رد مع اقتباس
  #3  
قديم 02/09/2001, 08:01 PM
زعيــم مميــز
تاريخ التسجيل: 02/12/2000
المكان: أدغال فيتنام
مشاركات: 1,777



شكلك مستعجل على ملفك " الأسود " ياسفر وناوي تطلعه بأي وسيله ,,,

أنت خلك على الوزنيه هذي وتبي تلقى أوراق ملفك " مبعثره " بالمنتدى ,,,

الحين القاصي والداني يعرف منهو رامبو ويعرف إرهابه .... تجي أنت وتقول إني أهج من " بوليه " والأولاني " الدب " يواجهه !! ,,,

لايهمك يالأولاني ... ترانا عارفينك " يالدب " , وعارفين إن مثل هذي الحركات ماتطلع منك .... لكن عاد وش نقول , هذي ضريبة الشهره ولازم تدفعها ( أمحق من شهره ) ,,,

تحياتي للجميع ,,,


خاص لسفر :

هذا ماكان إتفاقنا ;) .... لكن الباديء أظلم , وعلى نفسها جنت براقش بنت أم براقش ,,,
اضافة رد مع اقتباس
  #4  
قديم 02/09/2001, 09:19 PM
زعيــم متواصــل
تاريخ التسجيل: 12/08/2001
مشاركات: 162
هههههههههههههههههه
ههههههههه
هههههههههههههههههههه
ههههههههههههههههههههههههه
هههههه
ههههههههههههههههههههه
هههههههههههههههه
هههههههههههههههههههههههههههههههههههههه

لايكون فاكرين اني اضحك على القصه لا

انا اضحك على عصير الوااااااااااحه

يعيش سفر يا يعيش يعيش

يعيش الشعب السوري المناضل
اضافة رد مع اقتباس
  #5  
قديم 02/09/2001, 09:42 PM
مشرف سابق في شبكة الزعيم
تاريخ التسجيل: 18/08/2000
مشاركات: 2,235
ياشباب انا اول مادخلت هالموضوع ,,,


وانا اشم ( ريحه جزر ) ,,,


واشوف ارانب تطامر هنا وهناك ,,

من فتح باب الشبك حق الارانب ياشباب ؟

اخر تعديل كان بواسطة » الاســـطــــوره في يوم » 03/09/2001 عند الساعة » 08:18 AM
اضافة رد مع اقتباس
  #6  
قديم 02/09/2001, 10:57 PM
زعيــم مميــز
تاريخ التسجيل: 11/03/2001
مشاركات: 1,605
هلا والله بسفر :

والله يا سفر شكل ودك تتلاقط انت والنجيدي بها الموضوع .

صراحة يا شباب كلكم تعزون علي وانا بصراحة راح اكون محايد .

علشان كذا الصلح زين <==== شباب احد معه ريال يعطيه
اضافة رد مع اقتباس
  #7  
قديم 02/09/2001, 11:05 PM
زعيــم مميــز
تاريخ التسجيل: 20/12/2000
المكان: (@ د @)
مشاركات: 1,802



يسلم عليك الشيف رمزي ويقول ترى الملوخيه بدت تفوح يعجل علينا وينقى لنا ارنبين من اللي يحبهن قلبك
اضافة رد مع اقتباس
  #8  
قديم 02/09/2001, 11:28 PM
زعيــم نشيــط
تاريخ التسجيل: 22/03/2001
المكان: المملكة العربية السعودية...شارع المرعشلي..مقابل الفرن الالي
مشاركات: 676
معليش يا شباب ما أقدر اطول هنا

عندي حساسية من الارانب

اتشوااااااااااااااااااااا
اضافة رد مع اقتباس
  #9  
قديم 03/09/2001, 04:59 AM
موقوف
تاريخ التسجيل: 22/08/2000
مشاركات: 406
اسمع ياارنوب

ياارنوب انا توي واصل الله يغربلك الساعه 4.30 الصباح واجي القاك تنصب على خلق الله ....حرام عليك

بعدين وشلون بطنك عقب الفطور ذاك الله لايعيده.......


تراي الى الان مريض .........

بعدين ياخبير الشام فندق البستان ماهو بالمرجه ......

حتى بهاذي بتنصب بعد ......
اضافة رد مع اقتباس
  #10  
قديم 03/09/2001, 05:29 AM
الصورة الرمزية الخاصة بـ الاسير الهلالي
زعيــم نشيــط
تاريخ التسجيل: 03/08/2001
المكان: الرياض
مشاركات: 926
Thumbs up لايهمونك سفر حبيبي

اهلا بهالطلة سفوري حبيب البي انت
لايهمك المشرف هذا براهيموووووووووووووه ولا الثاني عاشق النمر على قولته
انا معك واحبك واحب ارانبك بعد على الاقل الارانب ماتأذي احد ياراعي ال................ اكمل ولا بلاش براهيمووووووووه انت والمحرروووووووووووه حقك هذا ؟;) :p ;)
انا معك على طوووووووووووول الخط حبيبي سفر
شوفة الارنب الدلول ولاشوفة القفووووووووول. فهمت يابرهووووووم;) ;)
اضافة رد مع اقتباس
  #11  
قديم 03/09/2001, 06:48 PM
زعيــم مميــز
تاريخ التسجيل: 09/09/2000
المكان: عروس البحر الأحمر
مشاركات: 2,243
الله عليك ياصفر

بس حراااام عليك تنزل فضايح الربع

وخاصة فضايح (( شيخ المشرفين )) :p

أنا (( أختم ;) )) على كل كلمة قلتها ياسفر وانت معروف صادق وماتكذب وماتعرف الكذب أبداً

وعمري ماراح أنسى يوم ماقال لنا الأولاني سالفة ذاك الأسمر اللي اسمه بوليه

وارجع أقولك ياسفر (( مطرح ماحفرنا دفنا )) و (( من ستر على مسلماً في الدنيا ستر الله عليه يوم القيامة )) واستر ماواجهت ياسفر .... والأرانب كثرت في ذي الأيام بعد مااستلم الاشراف عضدك الأيمن (( ابراهيم النجيدي )) وخاصة لحظة غيابك وسفرك بالخارج الا قوللي ايش سالفه تغيير الاسم من (( بامبو )) الى (( تاغية ))

ولا يهمك كلام العذال اللي سبقوني بالرد وخاصة ذاك اللي مصدق نفسه انه طاغية

خاص لسفر








لا حد يجي غيره




















الا قوللي ياسفر نفسي اشوفك ع الماسنجر ومن شهرين ماشفتك فيه <<<<<<<<---------- شاهد ماشفش حاجه

أخوك
أبو فيصل
اضافة رد مع اقتباس
  #12  
قديم 03/09/2001, 09:24 PM
عضو سابق بلجنة تطوير المجلس العام
تاريخ التسجيل: 17/01/2001
المكان: RIYADH
مشاركات: 2,282
وش نوع هالأرانب ياجماعة ودي أشتري كم أرنب من عند / سفر:p
تنصحوني ( أشتري ... ولا ..... لا )

هذي ماصارت أرانب ... صارو بعارين



كمل ياسفر :- نبي نعرف وش أخرتها
اضافة رد مع اقتباس
  #13  
قديم 04/09/2001, 07:59 AM
زعيــم متألــق
تاريخ التسجيل: 12/03/2001
المكان: الخرج والقلب في العريجاء
مشاركات: 1,308
السلام


هذي ماهيب ارانب عربيه

هذي ترتنب هولنديه

كبار بس بيضاء

على العموم كلش ولا ابو خليل

اللي يرشه بالماء ارشه بالتوت

وابراهيم اخبره صدوق

الا عقب ماصار مشرف مادري عنه


تحياتي

الحريف
اضافة رد مع اقتباس
  #14  
قديم 04/09/2001, 08:29 AM
زعيــم مميــز
تاريخ التسجيل: 02/12/2000
المكان: أدغال فيتنام
مشاركات: 1,777
حبيبي أنت يالحريف .... خلك على الوزنيه هذي , ولك من ثلاث مواضيع مثبته ,,,

أما أنت ياطلال .... فأول ثلاث مواضيع لك راح نزينها بالعلامه هذي من برا ===> ,,,

تحياتي للجميع ,,,
اضافة رد مع اقتباس
  #15  
قديم 04/09/2001, 12:16 PM
زعيــم فعــال
تاريخ التسجيل: 17/06/2001
مشاركات: 402
يا هلا والله بالشباب مشرفين أو أعضاء سواء داجين أو غيرهم.....



و الكلام اذا صار صادق جدا و خالي تماما من النصب ويكون جميل جدا زي الكلام هذا الي قريناه قبل شوي.....























































































يا شباب ما أحد شاف شي مر من هنا قبل شوي...كنه أرنب بس أكبر شوي.....



أقول قم بس قم ذا الكلام ما يكفيه أرنب يالله ذا الي فوق وعساه يبزاه بعد
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:23 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube