|
هذا ليس من شيم واخلاق الاسلام والجمهور الهلالي المثقف الواعي لمذا..(ياسر الياس)؟؟!! السلام عليكم ورحمة الله وبركاته.. اولا ابارك لجميع الهلاليين الفوز... وثانيا... بكل واقعيه...حرام بجد حرام عليكم بسكم غيبه وحش بياسر الياس...كفايه تقليل من مستواه ومستوى الاداره والجهاز الفني ان كان اللاعب مستواه هذا الموسم هابط نوعا ما....فلا ننسى ان الهلال هبط قبل عامين ولاتنسوا مطالبة اغلب الجمهور الهلالي القائد المخضرم والسفير سامي الجابر بالاعتزال وهل نسيتم الهجوم الشرس على المفرج والعتيبي قبل اعوام والآن نرى المفرج صخره بجانب تفاريس والعتيبي عاد وليس للهلال فقط بل للمنتخب ولكن الاصابه منعته(الله يقومه بالسلامه) اخواني واخواتي بمنتدى الزعيم ايها الجمهور الهلالي الواعي والمثقف...هناك اساليب عده للتعبير عن الرأي لكن ليس بالتهجم على اللاعب كلنا يعلم ان ياسر الياس كان رائعا الموسم الماضي...ولكن ظروف الاصابه وظروف لربما نفسيه ومن يتهجم على الياس هم سببها قد اعاقة من ان يقدم الياس ما قدمه العام الفائت اللاعب ممتاز ولكن يحتاج الى التشجيع.....محد يدري يمكن نشوف الياس من افضل الاظهره بالمملكه...بالصبر والتشجيع وآسف على الاطاله.. اتمنى من اللي يردون على الموضوع انهم يتبعون هالوصيه .... (( قل خيرا او اصمت )) |
كلام صحيح مشكووووووووووووووووووور |
العفو اخوي |
يا هلا ويا مرحبا اخووي شاكر لك موضوعك وجزاك الله خير على النصيحة :yes: النقد انواع وفيه ناقد جارح و نقد من اجل النقد و نقد هادف اخوي اللاعب اخذ فرصته وكفاايه :) والله ثم والله ما اكن بصدري اي حقد للاعب ياسر لكن هو نفسه وصل لمرحلة تعدت الانتقاد ووصل لمرحلة الابعاد ;) اخوي الشباب اللي نقدوا ياسر كله بسبب المواضيع المطروحه في المنتدى عن ياسر والظلم اللي حاصل بابعاده طيب ليش ما نشوف مواضيع مماثله عن تركي الصويلح والمطالبه بالوقوف معه ؟؟ مو كلهم يلبسون فنيلة نادي الهلال ؟؟ اخوي ياسر الياس خدمته خطة باكيتا العام الماضي وانكشف هذي السنه في اكثر من مباراة وتحديدا من مباراة الطائي واخر مباراة امام الاهلي اليوم :confused: جاملنا جاملنا ولكن وصلت المجامله على حساب الفريق واخطائه وخانته اصبحت مفتوحه لكل من هب ودب .. واصبحنا نضع ايدينا على قلوبنا في كل كرة تكون بحوزته او تمر من جهته :confused: اخطاء فادحه مبتدى ما يفعلها فما بالك بلاعب تعدى حاجز الـ 27 سنه ؟؟ ارجو انه يراجع حسابته فما زالت الفرصه قائمة له ولغيره من اللاعبين والا فـ البقاء للافضل .. يعطيك العافيه ’’ يالله يالله وداعة الله ’’ آخـــــــــــــــــــــــــوكم مــــــــــــــــــــــــــــراوغ :) |
اتفق مع اخي المراوغ 100% |
اخوي المراوغ اولا ياسر الياس عمره 25 سنه ثانيا مستوى ياسر الموسم هذا شوي نازل بس مو نحكم عليه بالاعدام لان عنده ما يشفع له وهو مستواه العام الماضي ولا ننسى الرجال توه راجع من اصابه اما بالنسبه للوقوف مع الصويلح ...مايحتاج نوقف معه لانه غني عن التعريف...ولاعب خبره وممتاز ولكن كان غائب مع الالومبي... وانا اتوقع اصلا ان فيه ناس افهم مني ومنك ومن اي واحد وهم الجهاز الفني والاداري بنادي الهلال |
احترم وجهة نظرك والله .. بس الياس مهوب صغير عشان تقول عطوه فرصه .. وصعبه الله يحفظك تقارنه بسامي .. سامي لو عمره 73 تتوقع انه يجيب لك مباراة ... ع عالعموم الياس خذا الفرصه الكافيه ولم يثبت مستواه .. يجيك يوم الولد افضل لاعب ويجيك يوم ودك تترك الكوره عشانه ... حنا تتقطع قلوبنا وتنحرق اعصابنا عشان يجي لاعب وياخذ موسم كامل فرصه ...... شكرا ياسر الياس فا أتوقع جاء الوقت الذي تغادر فيه النادي .. |
مين قال اني اقارنه بسامي ههههههههههههههههههه سامي من اسمه سامي والله لو اجيب مليووووووووووون لاعب ما غطوا على سامي .... الله يهديك انا اقصد هجوم الجمهور......اما بالنسبه لمغادرة النادي .... فاتمنى بقائه ففي جعبة الياس الكثير ليقدمه للهلال ويستفيد اكثر مما يقدمه الهلال |
السلام عليكم كلام سليم ميه ميه وانتا صح |
والله انا اتمنى صراحه ان ماعاد نشوفه اساسي ابدا ولو على كيفي احتياطي ومباراه اليوم تثبت من يوم دخل والخانه اليمنى مسرح للاهلاويين ويكفي لقطه الهدف الثاني؟ اما توه راجع من اصابه وش اصابته الله يحفضك مباراه وحده وتسميه اصابه اما عن مستواه الموسم الفائت اقول ان العاطفه اخذتنا كثير نهك على انفسنا علشان الدوخي على العموم اتمنى تجهيز الصويلح بشكل كامل واتوقع انه بيبدع ان شاء الله |
شكراا على مرورك اخوي albadr2222 وردك الصغير في حجمه والكبير في معناه الف شكر |
الله يحفظك ياسر الياس ليس بمستوى وطموحات الهلال بطئ الحركة سهل قطع الكورة منه عيوب كثيرة أما بالنسبة للنقد فيا حبذا لا يكون فيه تجريح للاعب وأن يكون النقد لأجل النقد وليس غير ذلك لأن الشخص سيسأل عن ما يكتب ودمتم سالمين المتيّم الهلالي |
اخوي مغترب في عذاب: ياسر له 3 او اربع مباريات لم يلعبها وخبر الاصابه مو من عندي....رابط الخبر: شبكة الهلال: http://www.alhilalclub.com/site/modu...icle&sid=11571 |
شكرا اخوي المتيم الهلالي على مرورك رغم مخالفتي لرأيك |
كلامك سليم |
| الوقت المعتمد في المنتدى بتوقيت جرينتش +3.
الوقت الان » 01:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd