|
كاندينيو فاشل هل تؤيدني؟؟ الى ادارة نادي الهلال السعودي الموقرة يجب محاسبة المدرب المغرور كاندينيو على اسلوبه الغريب والتقليدي في ادارة مباراة اليوم فبعد أن كان متقدماً في الشوط الأول وماسكاً بزمام المباراة يعمل تغييرات مالها داعي فيخرج الصويلح ويدخل الياس والأدهى والأمر أنه قام باخراج الياس بعد ذلك وأدخل عبد العزيز الهليل وفقد زمام المباراة وكاد أن يخرج الزعيم خاسراً الا متى هذا التساهل مع هذا المدرب الفاشل؟؟؟ |
الصويلح خرج لأنه تنقصه لياقه وتوه راجع من مشوار طويل جدا من الاصابه الياس دخل لأنه هو اللاعب الوحيد اللي يلعب في خانة الظهير الايمن واستفاد انه وقف على مستوى اللاعب عشان يقدم تقرير يفيد انه يستغنى عن وجود الياس في الفريق عشان ماحد يقول ظلمه وما اعطاه حقه دخول الهليل مكان الياس بسبب عدم وجود البديل اللي يملك النزعة الدفاعيه وهو له فتره يحاول يلعب الهليل جوكر مره محور ومره ظير ايمن لكن نقدر نحكم عليه بعد عودة الدوليين ان شاءا لله ونعرف اذا هو يستمر في تخبطاته والا لا وراح تبقى خانة الظهير الايمن هي نفس المشكلة شكرا |
من ذو مبطي لم اشوف الهلال يمتعك ويطربك |
سعـد بن ناصر طيب دام انه ما عنده الا هو ظهير .. ليه ما دخل الهليل بدال الصويلح ورجّـع الغامدي ظهير .. مثل ما سوا مع الوحده... وانا من رأيي دخول الياس غلط |
لاتنسون ان الاهلي غير بعد دخول عبدالغني والعريف اثر على مستوى الهلال |
كلام السليم يجب محاسبة كاندينيو العالمي يتخبط على كيفه |
أنا لا أحب الحديث عن المدرب ولا أحب فكرة الأقاله ولا أحب التدخل في شؤن التدريب لكن كاندنيوا يتخبط في التغييرات وفي الخطه حتى المستوى في المباراة الواحده متذبذب عجيب أمر هذا المدرب فكرة إحضار تركي الصويلح عجيبه أنا لاأطالب بإقاله وأتمنى نصبر عليه لكن يراعي عقلية الجماهير وأسم الهلال وأسمه الشخصي أحياناً أشعر أن الحظ يخدم هذاالمدرب بالحب والإشراق |
قبل لاتحاسب المدرب اللي رجع للهلال هيبته حاسب العنبر اللي ضيع اربعه اهداف موكده |
أنا لا أؤيدك انه فاشل .. |
بالعكس المدرب أخطأ ولكن عدل الخطأ بإخراج الياس ولكن لاتنسون ان الاهلي مهزوم بثلاثه يعني لازم يهاجم فليس لديه مايخسره |
والله يالدمعه احترم رايك ... بس كاندينيو مايقدر ينزل الملعب ويسجل الكوره حقت العنبر الي بداية الشوط الثاني .. ولا يقدر ينزل الملعب ويسجل الانفراده حقت العنبر الي آخر الدقايق ... لو العنبر جايب الهدف الي بداية الشوط الثاني كان انتهت المباراة فوق الخمسه .. وطلعتوا وقلتوا انه مدرب عالمي .. الي ابي اوصله لك المدرب يتحمل 30 بالميه بس والباقي الاعبين ... اما راي في كاندينيو .. فالهلال قدم امتع شوط شاهدته له من سنوات .. ولاحظ (امتع).. ومشكور على موضوعك ووجهة نظر تقبلها .. |
كندينو مدرب صاحب قرار وصاحب نظره فنيه ثاقبه وهو من اول ماشاف الياس عرف انه لايصلح للهلال والدليل ابعاده له عن كشوفات البطوله الاسيويه وموضوع انه نزل الياس بدال الصويلح لان الصويلح عنده اصابه ولا يوجد بديل اخر لكن انا اؤيد ان كندينو اخطا فيه حاجه وحده اللي هي ابقائه للعنبر حتى نهايه المباراه فكان الاولى نزول الجمعان من الدقيقه 20 الشوط الثاني نظرا لوجود مساحات خاليه ولتقدم الفريق الاهلاوي ولما للجمعان من ميزات افضل من العنبر من ناحيه السرعه والمهاره والتسديد لكن يضل كندينو مدرب عالمي وداهيه استطاع ان ان يرجع للهلال زمن الثلاثات وزمن الامتاع اللي ارعب فيه الزعيم كل المنافسين |
الهلال يقدم كرة ماتعه الهلال يحصد نقاط جيدة الأداء هجومي إعادة صناعة (5) نجوم غياب أكثر من (8) عناصر وتلووومه !!!!!!! كثير من العقلانية !! |
إقتباس:
والله اخوي انا اعتقد انه اخر الفرص عشان يوقف على مستواه خلاص وضح له مدى فشل اللاعب واسكات للصحافه وبعض الجماهير المجامله اللي مو عاجبها الصويلح ومستغربين ابعاد الياس شوفوا وش سوى والحمد لله عدل خطأه وطلعه وان شاء الله طلعه نهائيه |
فاشل كذا بيوم وليلة ؟؟ الله يهدينا وياك .. |
| الوقت المعتمد في المنتدى بتوقيت جرينتش +3.
الوقت الان » 03:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd